Tusitusiga Paia
Mataupu Faavae ma Feagaiga 92


Vaega 92

Faaaliga na tuuina mai ia Iosefa Samita le Perofeta, i Katelani, Ohaio, i le aso 15 o Mati, 1833. Ua faatonu i lea faaaliga ia Frederick G. Williams, o lē na tofia i se taimi lata ane o se fesoasoani ia Iosefa Samita, i ona tiute i le Kamupani Tuufaatasi (tagai i ulutala o vaega 78 ma le 82).

1–2, Ua tuuina mai e le Alii se poloaiga e faatatau i le faatagaina e ulufale i le faatulagaga autasi.

1 E moni, ua faapea ona fetalai mai o le Alii, Ou te tuu atu i le afaatulagaga autasi, ua faatulagaina e tusa ma le poloaiga na tuuina atu muamua, se faaaliga ma se poloaiga e faatatau i la’u auauna o Frederick G. Williams, ia outou talia o ia i totonu o le faatulagaga. O le mea Ou te fai atu ai i le toatasi Ou te fai atu ai i tagata uma.

2 O lenei foi, Ou te fai atu ia te oe la’u auauna o Frederick G. Williams, ia avea oe ma se uso toaga i lenei faatulagaga; ma e tusa ai ma lou faamaoni i le tausiga o poloaiga uma na tuu atu muamua, o le a faamanuiaina oe e faavavau. Amene.