92. kafli

Opinberun gefin spámanninum Joseph Smith í Kirtland, Ohio, 15. mars 1833 (History of the Church, 1:333). Opinberuninni er beint til Fredericks G. Williams, sem nýlega hafði verið útnefndur ráðgjafi í Æðsta forsætisráðinu.

1–2, Drottinn gefur fyrirmæli varðandi inngöngu í sameiningarregluna.

  SANNLEGA, svo segir Drottinn, ég gef sameiningarreglunni, sem stofnuð er í samræmi við áður gefin fyrirmæli, opinberun og boð varðandi þjón minn Frederick G. Williams, að þér veitið honum inngöngu í regluna. Það, sem ég segi einum, segi ég öllum.

  Og enn fremur segi ég þér, þjónn minn Frederick G. Williams: Þú skalt vera ötull meðlimur þessarar reglu. Og sem þú heldur staðfastlega öll fyrri boð, svo munt þú blessaður verða að eilífu. Amen.