កណ្ឌទី ៩២
វិវរណៈដែលបានប្រទានឲ្យមកតាមរយៈ យ៉ូសែប ស៊្មីធ ជាព្យាការី នៅក្រុងខឺតឡង់ រដ្ឋអូហៃអូ ថ្ងៃទី១៥ ខែមីនា ឆ្នាំ១៨៣៣ (History of the Church, ១:៣៣៣)។ វិវរណៈត្រូវបានផ្ដល់ដល់ ហ្វ្រែឌើរិក ជី វិលលាម្ស ជាអ្នកដែលទើបតែបានតាំងឲ្យធ្វើជាទីប្រឹក្សានៅក្នុងគណៈប្រធានទីមួយ។
១–២, ព្រះអម្ចាស់ទ្រង់ប្រទានព្រះបញ្ញត្តិមួយ អំពីការទទួលចូលសហសមាគម។
១ប្រាកដមែន ព្រះអម្ចាស់ទ្រង់មានព្រះបន្ទូលដូច្នេះថា យើងប្រទានដល់កសហសមាគម ដែលបានរៀបចំឡើង ស្របតាមព្រះបញ្ញត្តិដែលបានប្រទានមកលើកមុន គឺជាវិវរណៈ និងព្រះបញ្ញត្តិអំពីហ្វ្រែឌើរិក ជី វិលលាម្ស ជាអ្នកបម្រើរបស់យើងថា អ្នករាល់គ្នានឹងទទួលគាត់ចូលក្នុងសមាគម។ យើងមានព្រះបន្ទូលដល់ម្នាក់យ៉ាងណា នោះយើងមានព្រះបន្ទូលដល់មនុស្សទាំងអស់យ៉ាងនោះដែរ។
២ហើយជាថ្មីទៀត យើងប្រាប់ដល់ហ្វ្រែឌើរិក ជី វិលលាម្ស ជាអ្នកបម្រើរបស់យើងថា អ្នកនឹងត្រូវទៅជាសមាជិកសកម្មម្នាក់នៅក្នុងសមាគម ហើយដរាបណាអ្នកមានចិត្តស្មោះត្រង់ ក្នុងការកាន់តាមព្រះបញ្ញត្តិពីមុនៗទាំងអស់ នោះអ្នកនឹងបានពរជារៀងដរាបតទៅ។ អាម៉ែន៕