Jekjōn 92
Revelesōn leļo̧k n̄an Josep Smith Rikanaan eo, ilo Kirtland, Ohio, M̧aaj 15, 1833. Revelesōn in ej tōl Frederick G. Williams, eo jet raan remootļo̧k kar jitōn̄ e juon rikōkabilōklōk n̄an Josep Smith, kōn eddo ko an ilo Kumi in Bōrokuk eo (lale kōm̧eļeļe ko ijōbbōran jekjōn 78 im 82).
1–2, Irooj ej letok juon kien kōn kadelōn̄ tok n̄an koņ in bōrokuk eo.
1 Em̧ool, āindein Irooj ej ba, Ij lewōj akoņ in bōrokuk eo, kajutake ekkar n̄an kien eo kar lewōj m̧oktaļo̧k, juon revelesōn eo im kien kōn rikarejera Frederick G. Williams, bwe kom̧ naaj bōk e ilo koņ eo. Ta Ij ba n̄an juon Ij ba n̄an aolep.
2 Im bar juon alen, Ij ba n̄an eok rikarejera Frederick G. Williams, kwo naaj juon uwaan ekākemo̧o̧j ilo koņ in; im toun wōt am tiljek ilo kōjparok aolep kien ko m̧oktaļo̧k kwo naaj jeraam̧m̧an indeeo. Amen.