1 Pudno, kastoy ti kuna ti Apo: Mapasamakto a tunggal kararua a ^amangtallikud kadagiti basolna ket umay kaniak, ket ^bawagannak iti naganko, ken ^cagtungpal iti timekko, ket tungpalenna dagiti bilinko, ^dmakitananto ti ^erupak ket maammuannanto a siak;

2 Ket siak ti pudno a ^asilaw a manglawag iti tunggal tao nga umay iti lubong;

3 Ket addaak ^aiti Ama, ken adda ti Ama kaniak, ken maymaysa ti Ama ken siak—

4 Ti Ama ^agapu ta ^bintedna kaniak ti pakabuklanna, ken ti Anak gapu ta addaak iti lubong ken inaramidna ti ^clasag a tabernakulok, ket nakipagtaengak kadagiti annak ti tattao.

5 Addaak idi iti lubong ket inawatnak ti Amak, ket nalawag ti pannakaipakita dagiti ^aaramidna.

6 Ket nakita ni ^aJuan ken pinaneknekanna ti pakabuklan ti ^bgloriak, ket ti pakabuklan ti kasuratan ni ^cJuan maipalgakto iti masakbayan.

7 Ket pinaneknekanna, a kinunana: Nakitak ti gloriana, nga adda iti ^apunganay, sakbay a naparsua ti lubong;

8 Ngarud, idi punganay addan ti ^aBalikas, ta isu ti Balikas, nga isu ti mensahero ti pannakaisalakan—

9 Ti ^asilaw ken ti ^bMannubbot iti lubong; ti Espiritu ti kinapudno, nga immay iti lubong, gapu ta inaramidna ti lubong, ket adda kenkuana ti biag dagiti tao ken ti silaw dagiti tao.

10 ^aInaramidna dagiti lubong; inaramidna dagiti tao; inaramidna dagiti amin a banag, ket babaen kenkuana, ken kenkuana.

11 Ket siak, ni Juan, paneknekak a nakitak ti gloriana, a kas iti gloria ti Bugbugtong ti Ama, napno iti parabur ken kinapudno, nga isu ti Espiritu ti kinapudno, nga immay ken nagnaed iti lasag, ken nakipagtaeng kadatayo.

12 Ket siak, ni Juan, nakitak a dina inawat ti ^apakabuklan iti unana, ngem immawat iti ad-adu pay a ^bparabur.

13 Ket dina inawat ti pakabuklan iti unana, ngem nagtultuloy nga immawat iti ad-adu pay a ^aparabur, agingga a naawatna ti pakabuklanna;

14 Ket kastoy a naawagan iti ^aAnak ti Dios, gapu ta dina inawat ti pakabuklan iti unana.

15 Ket siak, ni ^aJuan, paneknekak, ket imutektekan, naglukat ti langit, ket bimmaba ti ^bEspiritu Santo kenkuana a kalanglanga ti ^ckalapati, ket nagdisso kenkuana, ket adda timek a nagtaud iti langit a nagkuna: Daytoy ti ^day-ayatek nga Anakko.

16 Ket siak, ni Juan, paneknekak nga inawatna ti pakabuklan ti gloria ti Ama;

17 Ket inawatna ti ^aamin a ^bbileg, iti man langit ken iti daga, ken ti gloria ti ^cAma adda kenkuana, ta agnaed kenkuana.

18 Ket mapasamakto, a no napudnokayo maawatyonto ti pakabuklan ti kasuratan ni Juan.

19 Itedko kadakayo dagitoy a pagsasao tapno maawatan ken maammuanyo no kasano ti ^aagdaydayaw, ken ammoyo no ania ti pagdaydayawanyo, tapno makaumaykayo iti Ama babaen ti naganko, ken maawatyo ti pakabuklanna iti naituding a panawen.

20 Ta no tungpalenyo dagiti ^abilinko maawatyonto ti ^bpakabuklanna, ket ^cmaitan-okkayo kaniak a kas kaniak iti Ama; ngarud, ibagak kadakayo, umawatkayonto iti ^dad-adu pay a parabur.

21 Ket ita, pudno kunak kadakayo, addaak idi iti ^apunganay iti Amak, ken siak ti ^bInauna;

22 Ket amin dagiti naipasngay babaen kaniak ^amairanudda met iti nasao a ^bgloria, ket isuda ti simbaan ti Inauna.

23 ^aKaduayo met idi punganay ti Ama; nga isu ti Espiritu, nga isu ti Espiritu ti kinapudno;

24 Ket ^akinapudno ti ^bpannakaammo kadagiti banag a kas iti kasasaadda ita, ken kasasaadda idi, ken iti kasasaadda iti masakbayan;

25 Ket ania man a ^asurok wenno kurang daytoy isu ti espiritu dayta nadangkes nga ^bulbod manipud pay idi punganay.

26 Nagtaud iti Dios ti Espiritu ti ^akinapudno. Siak ti Espiritu ti kinapudno, ket pinaneknekannak ni Juan, a kinunana: Inawatna ti pakabuklan ti kinapudno, wen, uray amin a kinapudno.

27 Ket awan ti tao nga umawat iti ^apakabuklan malaksid no tungtungpalenna dagiti bilin.

28 Isu a ^amangtungtungpal kadagiti bilinna umawat iti kinapudno ken ^bsilaw, agingga a maitan-ok iti kinapudno ken ^cmaammuanna amin a banag.

29 Kadua met ti tao ti Dios idi ^apunganay. Ti ^bsaririt, wenno silaw ti kinapudno, saan a pinarsua wenno inaramid, wenno mabalin a kasta.

30 Nawaya amin a kinapudno iti dayta a pagturayan a nangikabilan ti Dios, nga ^aaggunay iti bagina, a kas met iti amin a saririt; no saan awan ti biag.

31 Adtoy, daytoy ti ^akinawaya ti tao nga agpili, ken daytoy ti pakakedngan ti tao; gapu ta ^bnalawag ti pannakaipakita kadakuada dayta nagtaud iti punganay, ngem dida awaten ti silaw.

32 Ket makedngan ti tunggal tao a saan nga umawat ti espirituna iti ^asilaw.

33 Ta ^aespiritu ti tao. Agnanayon dagiti ^belemento, ket ti espiritu ken elemento, nagsilpo a di mapagsina, umawat iti pakabuklan ti rag-o;

34 Ket no ^amapagsinada, saan a maawat ti tao ti pakabuklan ti ^brag-o.

35 Dagiti ^aelemento ti tabernakulo ti Dios; wen, ti tao ti tabernakulo ti Dios, isuda ti ^btemplo; ket ania man ti pakarugitan ti templo, dadaelento ti Dios dayta a templo.

36 ^aGloria ti Dios ti ^bsaririt, wenno, iti sabali a pannao, ^csilaw ken kinapudno.

37 Baybay-an ti silaw ken kinapudno dayta a ^adakes.

38 ^aInosente ti tunggal espiritu ti tao idi punganay; ket iti ^bpanangsubbot ti Dios iti tao iti ^cpannakatnag, nagbalin manen dagiti tao, iti maladaga a kasasaadda, nga ^dinosente iti imatang ti Dios.

39 Ket umay dayta nadangkes ket ^ayadayona ti silaw ken ti kinapudno, babaen ti di panagtungpal, manipud kadagiti annak ti tattao, ken gapu iti ^bkannawidan dagiti ammada.

40 Ngem binilinkayon a patanoren dagiti ^aannakyo iti silaw ken kinapudno.

41 Ngem pudno kunak kenka, katulongak a Frederick G. Williams, nagtultuloyka iti daytoy a pagbasolan;

42 Dimo ^ainsuro kadagiti annakmo ti silaw ken kinapudno, a maibatay kadagiti bilin; ket naikkan iti bileg dayta nadangkes, pay laeng, kenka, ket daytoy ti gapu ti panagrigrigatmo.

43 Ket ita itedko kenka daytoy a bilin—no kayatmo ti maisalakan ^aurnosemto ti balaymo, ta adu dagiti banag a saan a maiparbeng iti balaymo.

44 Pudno, kunak iti katulongak a ni Sidney Rigdon, adda dagiti banag a dina nangtungpalan kadagiti bilin maipanggep kadagiti annakna; ngarud, urnosem pay nga umuna ti balaymo.

45 Pudno, kunak iti katulongak a ni Joseph Smith, Jun., wenno iti sabali a pannao, awagankayonto a ^agagayyemko, ta dakayo ti gagayyemko, ket addanto tawidenyo kaniak—

46 Awagankayo a ^akatulongak para iti pagimbagan ti lubong, ket dakayo ti katulonganda para kaniak—

47 Ket ita, pudno kunak kenka Joseph Smith, Jun.—Dimo tinungpal dagiti bilin, ket nasken nga awatem ti ^apammabalaw ti Apo;

48 Nasken nga agbabawi ti ^akaamaam ket lipatenda ti sumagmamano a banag, ket ipasnekda koma ti dumngeg kadagiti ibagam, wenno mapapanawda iti lugarda.

49 No ania ti sawek iti maysa sawek iti amin; ^aagkararagkayo a kanayon amangan la ketdi ta rimbawannakayo ti nadangkes, ket papanawennakayo iti lugaryo.

50 Kasta met ti katulongak a ni Newel K. Whitney, ti obispo iti simbaanko, nasken a madusa, ket urnosenna ti kaamaanna, ket kitaenna a napaspasnekda ken maseknanda iti pagtaengan, ket agkararagda a kanayon, wenno maikkatdanto iti ^alugarda.

51 Ita, kunak kadakayo, gagayyemko, pagdaliasatenyo ti katulongak a ni Sidney Rigdon, ket saan nga agtaktak, ket ipakdaarna met ti ^amaawat a tawen ti Apo, ken ti ebanghelio ti pannakaisalakan, ta ikkakto iti kabaelan nga agsarita; ket tulongakto babaen ti kararagyo a sangsangkamaysa iti pammati.

52 Ket pagdardarasenyo met dagiti katulongak a da Joseph Smith, Jun., ken Frederick G. Williams, ket maikkandanto met babaen ti kararag ti pammati; ket no la ketdi tungpalenyo dagiti saok saankayonto a matikaw iti daytoy a lubong, wenno iti umay a lubong.

53 Ket, pudno kunak kadakayo, a pagayatak nga idarasyo nga ^aipatarus dagiti nasantuan a kasuratak, ken ^bmangammo iti pakasaritaan, ken kadagiti pagilian, ken kadagiti pagarian, kadagiti paglintegan ti Dios ken tao, ket agpaay amin daytoy iti pannakaisalakan ti Zion. Amen.