1 Toy izao marina tokoa no lazain’ny Tompo: Izao no hitranga, ny olona tsirairay, izay ^amahafoy ny fahotany ka manatona Ahy ary ^bmiantso ny anarako sy ^dmankatò ny feoko ary mitandrina ny didiko, dia ^ehahita ny ^ftavako ary hahafantatra fa Izy Aho;

2 Ary hahafantatra fa Izaho no ^afahazavana marina izay manazava ny olona rehetra izay tonga eo amin’izao tontolo izao;

3 Ary Izaho ^aao amin’ny Ray ary ny Ray ato amiko ary ny Ray sy Izaho dia iray—

4 Ny Ray, ^asatria ^bnomeny tamin’ny fahafenoany Aho, ary ny Zanaka, satria teo amin’izao tontolo izao Aho ary nanao ny ^dnofo ho tabernakeliko sy nitoetra teo anivon’ny zanak’olombelona.

5 Teo amin’izao tontolo izao Aho ary nandray avy tamin’ny Raiko, ary niharihary mazava tsara ny ^aasany.

6 Ary i ^aJaona dia nahita ary vavolombelona nanambara ny amin’ny fahafenoan’ny ^bvoninahitro, ary ny fahafenoan’ny rakitsoratr’i ^dJaona dia hambara rahatrizay.

7 Ary izy dia vavolombelona nanambara, nanao hoe: Nahita ny voninahiny Aho, fa Izy dia tany ^aam-piandohana, talohan’ny nahariana izao tontolo izao;

8 Koa tany am-piandohana dia nisy ny ^aTeny, fa Izy no Teny, dia ny iraky ny famonjena—

9 Ny ^afahazavana sy ny ^bMpanavotra izao tontolo izao; ny Fanahin’ny fahamarinana izay tonga teo amin’izao tontolo izao, satria Izy no nanaovana izao tontolo izao, ary tao Aminy no nisian’ny fiainan’ny olona sy ny fahazavan’ny olona.

10 Izy no ^ananaovana ireo tontolo; Izy no nanaovana ny olona; tamin’ny alalany sy tao Aminy ary avy Aminy no nanaovana ny zava-drehetra.

11 Ary izaho Jaona dia vavolombelona manambara fa hitako ny voninahiny, toy ny voninahitry ny Lahitokan’ny Ray, feno fahasoavana sy fahamarinana, dia ny Fanahin’ny fahamarinana izay tonga sy nonina tao amin’ny nofo ary nonina teo anivontsika:

12 Ary izaho Jaona dia nahita fa tsy nandray hatramin’ny voalohany ny ^afahafenoana Izy fa nandray ^bfahasoavana niampy fahasoavana;

13 Ary tsy nandray hatramin’ny voalohany ny fahafenoana Izy fa nanohy ny ^afahasoavana niampy fahasoavana ambara-pandraisany ny fahafenoana;

14 Ary dia toy izany no niantsoana Azy ho ^aZanak’ Andriamanitra, satria tsy nandray ny fahafenoana hatramin’ny voalohany Izy.

15 Ary izaho ^aJaona dia vavolombelona manambara, ary indro, nisokatra ny lanitra ary ny ^bFanahy Masina dia nidina teo Aminy tamin’ny endriky ny ^dvoromahailala ary nitoetra teo Aminy, ary nisy feo nivoaka avy tany an-danitra nanao hoe: Ity no ^eZanako malalako.

16 Ary izaho Jaona dia vavolombelona manambara fa nandray ny fahafenoan’ny voninahitry ny Ray Izy;

17 Ary nandray ny ^ahery ^brehetra Izy na any an-danitra na ety an-tany, ary ny voninahitry ny ^dRay dia nomba Azy, satria nitoetra tao Aminy Izy.

18 Ary izao no zavatra hitranga fa raha mahatoky ianareo dia handray ny fahafenoan’ny rakitsoratr’i Jaona.

19 Omeko anareo ireo teny ireo hahazoanareo mahatakatra sy mahafantatra ny fomba ^aivavahanareo sy izay ivavahanareo, mba hahazoanareo manatona ny Ray amin’ny anarako ary mandray amin’ny fahafenoany amin’ny fotoana mahamety izany.

20 Fa raha mitandrina ny ^adidiko ianareo dia handray amin’ny ^bfahafenoany ary ^dhankalazaina ao Amiko, tahaka Ahy ao amin’ny Ray; koa lazaiko aminareo, handray ^efahasoavana miampy fahasoavana ianareo.

21 Ary ankehitriny, dia lazaiko aminareo marina tokoa, Izaho dia niaraka tamin ny Ray tany ^aam-piandohana sady ny ^bLahimatoa;

22 Ary ireo rehetra izay ateraka amin’ny alalako dia ^ampandray anjara amin’ny ^bvoninahitro ary isan’ny fiangonan’ny Lahimatoa.

23 Ianareo dia ^aniaraka koa tamin’ny Ray tany am-piandohana, dia Fanahy, ny Fanahin’ny fahamarinana;

24 Ary ny ^afahamarinana dia ^bfahalalana ny zavatra araka ny maha-izy azy, sy araka ny naha-izy azy ary araka ny haha-izy azy;

25 Ary izay rehetra ^amihoatra na latsaka izany dia fanahin’ilay ratsy izay ^bmpandainga hatrany am-piandohana.

26 Ny Fanahin’ny ^afahamarinana dia avy amin’ Andriamanitra. Izaho no fanahin’ny fahamarinana ary i Jaona dia vavolombelona nanambara Ahy, nanao hoe: Izy dia nandray ny fahafenoan’ny fahamarinana, eny, ny fahamarinana rehetra;

27 Ary tsy nisy olona nandray ny ^afahafenoana, raha tsy mitandrina ny didiny izy.

28 Izay ^amitandrina ny didiny dia mandray fahamarinana sy ^bfahazavana ambara-pahatonga azy hankalazaina ao amin’ny fahamarinana sy ^dhahafantatra ny zava-drehetra.

29 Niaraka tamin’ Andriamanitra koa ny olombelona tany ^aam-piandohana. Ny ^bfaharanitan-tsaina na ny fahazavan’ny fahamarinana dia tsy nohariana na natao sady tsy mety ho izany marina tokoa.

30 Ny fahamarinana rehetra dia mahaleo tena ao amin’ilay sehatra efa nametrahan’ Andriamanitra azy mba ^ahihetsika ho azy, toy izany koa ny faharanitan-tsaina rehetra; fa raha tsy izany dia tsy misy ny fisiana.

31 Indro, izany no ^afahafaha-misafidy ho an’ny olona ary izany no fanamelohana ny olona; satria izay nisy hatrany am-piandohana dia aseho azy ^bmazava tsara, ary tsy mandray ny fahazavana izy.

32 Ary ny olona rehetra izay tsy mandray ny ^afahazavana ny fanahiny dia eo ambany fanamelohana.

33 Fa ny olona dia ^afanahy. Ireo ^bsinga dia mandrakizay, ka ny fanahy sy ny singa mifamatotra tsy azo sarahina dia mandray ny fahafenoan’ny fifaliana;

34 Fa rehefa ^amisaraka kosa izany, dia tsy afaka ny handray ny fahafenoan’ny ^bfifaliana ny olona.

35 Ireo ^asinga no tabernakelin’ Andriamanitra; eny, ny olona no tabernakelin’ Andriamanitra, dia ^btempoly; ary rehefa mety ho tempoly ka voaloto, dia horavan’ Andriamanitra izany tempoly izany.

36 Ny ^avoninahitr’ Andriamanitra dia ny ^bfaharanitan-tsaina, na amin’ny teny hafa, ^dfahazavana sy fahamarinana.

37 Ny fahazavana sy ny fahamarinana dia mahafoy ny ^aratsy.

38 Ny fanahin’ny olona rehetra dia ^atsy nanan-tsiny tany am-piandohana; ary rehefa ^bnanavotra ny olona tamin’ny ^dfahalavoana Andriamanitra dia niverina indray tany amin’ny toetry ny fahazazany ny olona, ^etsy nanan-tsiny teo anoloan’ Andriamanitra.

39 Ary tonga ilay ratsy ka ^amanaisotra amin’ny zanak’olombelona ny fahazavana sy ny fahamarinana amin’ny alalan’ny tsy fankatoavana sy noho ny ^bfomban-drazany.

40 Saingy efa nodidiako ianareo hitaiza ny ^azanakareo ao amin’ny fahazavana sy ny fahamarinana.

41 Nefa lazaiko aminao marina tokoa ry Frederick G. Williams mpanompoko, efa nitozo teo ambanin’izany fanamelohana izany ianao;

42 Tsy ^anampianarinao fahazavana sy fahamarinana araka ny didy ny zanakao; ary ilay ratsy dia mbola manana hery aminao, ary izany no anton’ny fahorianao.

43 Ary ankehitriny, dia omeko didy ianao—raha tianao ny ho afaka dia ^ahandamin’ny ny ankohonanao ianao, satria misy zavatra maro izay tsy marina ao amin’ny ankohonanao.

44 Lazaiko marina tokoa amin’i Sidney Rigdon mpanompoko fa tamin’ny zavatra sasany dia tsy nitandrina ny didy momba ny zanany izy; koa alamino aloha ny ao amin’ny ankohonanao.

45 Lazaiko marina tokoa amin’i Joseph Smith zanany mpanompoko, na amin’ny teny hafa hantsoiko hoe ^asakaiza ianareo, satria ianareo no sakaizako ary hanana lova miaraka Amiko—

46 Nantsoiko hoe ^ampanompo ianareo noho ny amin’izao tontolo izao ary mpanompony ianareo noho ny Amiko—

47 Ary ankehitriny dia lazaiko amin’i Joseph Smith zanany marina tokoa—Tsy nitandrina ny didy ianao ary tsy maintsy ilaina ny ^afananarana anao eo anoloan’ny Tompo;

48 Tsy maintsy mibebaka ny ^afianakavianao ka mahafoy ireo zavatra sasany ary mampandry sofina bebe kokoa amin’ny teninao fa raha tsy izany dia esorina hiala eo amin’ny toerany.

49 Izay lazaiko amin’ny anankiray dia lazaiko amin’ny rehetra; ^amivavaha mandrakariva fandrao hanana hery aminareo ilay ratsy ka hanaisotra anareo hiala amin’ny toeranareo.

50 Newel K. Whitney mpanompoko sady evekan’ny fiangonako dia tokony hanarina sy handamin’ny ny ankohonany koa ka hanao izay hahatonga azy ireo hazoto sy hikarakara bebe kokoa ao an-tokantrano ary hivavaka mandrakariva fa raha tsy izany dia hoesorina hiala amin’ny ^atoerany izy ireo.

51 Ankehitriny dia lazaiko aminareo ry sakaizako, aoka i Sidney Rigdon mpanompoko hanezaka ny diany sy hiolomay ary hanambara koa ny ^ataom-pankasitrahan’ny Tompo sy ny filazantsaran’ny famonjena araka izay hanomezako vava azy; ary amin’ny fivavaky ny finoana izay hataonareo amin’ny fo miray no hanohanako azy.

52 Ary aoka ny mpanompoko isany, i Joseph Smith zanany sy i Frederick G. Williams hiolomay koa, ary homena izy ireo araka ny fivavaky ny finoana; ary raha mitandrina ny teniko ianareo dia tsy hangaihay na eo amin’ity fiainana ity na amin’ny fiainana ho avy.

53 Ary lazaiko aminareo marina tokoa, fa sitrako ny hanafaingananareo ny ^afandikana ny soratra masina sy ny ^bhahazoana ^dfahalalana momba ny tantara sy ireo tany ary fanjakana, ny lalàn’ Andriamanitra sy ny olona, ary izany rehetra izany dia ho famonjena an’i Ziona. Amena.