Tusitusiga Paia
Mataupu Faavae ma Feagaiga 94


Vaega 94

Faaaliga na tuuina mai e ala mai ia Iosefa Samita le Perofeta, i Katelani, Ohaio, i le aso 2 o Aokuso, 1833. Ua tofia Ailama Samita, Reynolds Cahoon ma Jared Carter o se komiti o fale mo le Ekalesia.

1–9, Ua tuu mai e le Alii se poloaiga e faatatau i le faatuina o se fale mo le galuega a le Au Peresitene; 10–12, Ia fausia se fale lomitusi; 13–17, Ua tofia ni tofi faapitoa.

1 O lenei foi, e moni Ou te fai atu ia te outou, o a’u auo, Ou te tuu atu ia te outou se poloaiga, ia outou amata se galuega o le faataatia ma le saunia o se amataga ma le faavae o le aai o le esiteki o Siona, iinei i le laueleele o Katelani, e amata i lo’u fale.

2 Ma faauta, e ao ina faia e tusa ma le aata ua Ou tuuina atu ia te outou.

3 Ma ia tuu le fasi fanua muamua i le itu i saute e faapaia mo a’u mo le fausia ai o se fale mo le au peresitene, mo le galuega a le au peresitene, i le mauaina o faaaliga; ma mo le galuega o le auaunaga a le aau peresitene, i mea uma e faatatau i le ekalesia ma le malo.

4 E moni Ou te fai atu ia te outou, ia fausia i le limasefulu-lima i le onosefulu-lima futu lona lautele ma lona umi, i le lotoifale i totonu.

5 Ma ia i ai se fogafale alalo ma se fogafale aluga, e tusa ma le ata o le a tuu atu ia te outou i se taimi o i luma.

6 Ma ia faapaia mo le Alii mai lona faavae, e tusa ma le faatulagaga o le perisitua, e tusa ma le ata o le a tuu atu ia te outou i se taimi o i luma.

7 Ma ia faapaia atoa i le Alii mo le galuega a le au peresitene.

8 Ma ia outou lē tuu se amea lē mamā e sau i ai i totonu; ma o le a i ai iina lo’u emamalu, ma o le a ou i ai iina.

9 Ae afai e alu atu i ai i totonu se amea lē mamā, o le a lē i ai iina lo’u mamalu; ma o le a ou lē alu atu i ai.

10 O lenei foi, e moni Ou te fai atu ia te outou, o le fasi fanua lona lua i le itu i saute ia faapaia mo a’u mo le fausiaina o se fale mo a’u, mo le galuega o le alomiga o le efaaliliuga o a’u tusitusiga paia, ma mea uma o soo se mea o le a Ou poloaiina ai outou.

11 Ma ia limasefulu-lima i le onosefulu-lima futu lona lautele ma lona umi, i le lotoifale i totonu; ma ia i ai se fogafale alalo ma se fogafale aluga.

12 Ma o lenei fale ia faapaia atoa i le Alii mai lona faavae, mo le galuega o le lomiga, i mea uma o soo se mea o le a Ou poloaiina ai outou, ia paia, ma lē faaeleeleaina, e tusa ma le ata i mea uma e pei o le a tuuina atu ia te outou.

13 Ma o le fasi fanua lona tolu ia maua e la’u auauna o Ailama Samita mo ona tofi.

14 Ma o le fasi fanua muamua ma lona lua i le itu i matu, ia maua e a’u auauna o Reynolds Cahoon ma Iareto Kata mo o laua tofi—

15 Ina ia mafai ona latou faia o le galuega ua Ou tofia i ai i latou, e avea ma se komiti e fausia o’u fale, e tusa ma le poloaiga, lea ua tuuina atu e A’u, le Alii le Atua, ia te outou.

16 O fale ia e lua, ia lē fausia se’i Ou tuu atu ia te outou se poloaiga e faatatau i ai.

17 Ma o lenei, e leai se isi mea Ou te tuu atu ia te outou i le taimi nei. Amene.