Tusitusiga Paia
Mataupu Faavae ma Feagaiga 97


Vaega 97

Faaaliga na tuuina mai e ala mai ia Iosefa Samita le Perofeta, i Katelani, Ohaio, i le aso 2 o Aokuso, 1833. O lenei faaaliga ua faatatau tonu lava i mataupu tau i le Au Paia i Siona, i le Itumalo o Siakisone, Misuri, i le tali mai i le talosaga a le Perofeta i le Alii mo se faamatalaga. O le taimi lea na feagai ai tagata o le Ekalesia i Misuri ma sauaga malolosi ma na faamalosia ai, i le aso 23 o Iulai, 1833, e saini se maliega e o ese mai le Itumalo o Siakisone.

1–2, O le toatele o le Au Paia i Siona (Itumalo o Siakisone, Misuri) ua faamanuiaina i lo latou faamaoni; 3–5, Ua ta’ualoa’ia Parley P. Pratt i ana galuega i le a’oga i Siona; 6–9, O i latou o e e tausia a latou feagaiga e taliaina e le Alii; 10–17, E i ai se fale o le a fausia i Siona o le a mafai ai e e ua loto mamā ona vaai i le Atua; 18–21, O Siona o i latou ua loto mamā; 22–28, O le a sao Siona mai le sasa a le Alii pe afai e faamaoni o ia.

1 E moni Ou te fai atu ia te outou o a’u uo, Ou te tautala atu ia te outou i lo’u leo, o le leo lava lea o lo’u Agaga, ina ia mafai ona Ou faailoa atu ia te outou lo’u loto e faatatau i o outou uso i le laueleele o aSiona, o le toatele o i latou ua lotomaualalo moni ma o loo saili ma le filiga e a’oa’o le poto ma maua le upumoni.

2 E moni, e moni Ou te fai atu ia te outou, amuia e faapena, ona o le a latou maua; auā o A’u, o le Alii, e faaali atu le alofa mutimutivale ia te i latou uma o e aagamalu, ma i luga o i latou uma o soo se tasi Ou te loto i ai, ina ia mafai ona ta’uamiotonuina A’u pe a Ou aumai i latou i le faamasinoga.

3 Faauta, Ou te fai atu ia te outou, e faatatau i le aa’oga i Siona, o A’u, o le Alii, ua fiafia i le tatau ona i ai o se a’oga i Siona, ma i la’u auauna foi o eParley P. Pratt, ona ua mau o ia ia te a’u.

4 Ma e tusa ai ma lona faaauau pea ona mau o ia ia te a’u, o le a faaauau pea ona pulefaamalumalu o ia i le a’oga o i le laueleele o Siona, seia Ou tuu atu ia te ia ni isi poloaiga.

5 Ma o le a Ou faamanuiaina o ia i le tele o faamanuiaga, i le faamalamalamaina o tusitusiga paia uma ma mealilo mo le faagaeetiaina o le aoga, ma le ekalesia i Siona.

6 Ma i e o totoe o le a’oga, o A’u, o le Alii, Ou te loto e faaali atu i ai le alofa mutimutivale; ae ui i lea, o loo i ai i latou o e e ao ina aa’oa’iina, ma o le a faaalia a latou galuega.

7 Ua faataatia le amatau i le tafu’e o laau; o laau uma e lē fua mai i efua lelei o le a tatuu i lalo ma lafo i le afi. O A’u, o le Alii, ua fai atu ai.

8 E moni Ou te fai atu ia te outou, o e uma o i totonu o i latou ua iloa ua afaamaoni o latou eloto, ma ua momomo, ma ua salamo o latou agaga, ma ua iloto e tausi a latou feagaiga e ala i le otaulaga—ioe, o taulaga uma e poloaiina e A’u, o le Alii—e utaliaina i latou e a’u.

9 Auā o A’u, o le Alii, o le a faia i latou ia fua mai e pei o se laau fua tele ua totoina i se fanua lelei, i tafatafa o se vaitafe mamā, e fua mai ai ni fua pele e tele.

10 E moni Ou te fai atu ia te outou, o lo’u loto, ia tatau ona fausia se afale mo a’u i le laueleele o Siona, e pei o le eata na Ou tuuina atu ia te outou.

11 Ioe, ia tuu atu ia fausia vave, i le sefuluai a lo’u nuu.

12 Faauta, o le asefuluai ma le taulaga lenei ua manaomia e A’u, o le Alii, mai o latou lima, ina ia i ai se efale e fausia mo a’u, mo le faaolataga o Siona—

13 Mo se nofoaga o le afaafetai mo le au paia uma, ma o se nofoaga o le a’oa’oga mo i latou uma o e ua valaaulia i le galuega o le auaunaga i o latou valaauga ma tofi eseese uma;

14 Ina ia mafai ona faaatoatoaina i latou i le amalamalamaaga o la latou auaunaga, i teori, i le mataupu faavae, ma i le aoaoga faavae, i mea uma e faatatau i le emalo o le Atua i le lalolagi, le malo lea o ona iki ua faaee atu i o outou luga.

15 Ma e tusa ai o le fausia e o’u tagata o se fale mo a’u i le suafa o le Alii, ma latou lē tuua se amea eleelea e ulufale iai, ina ia lē faaeleeleaina, o le a iai lo’u emamalu i ona luga;

16 Ioe, ma o le a i ai lo’u aafioaga iina, ona o le a Ou alu atu i ai i totonu, ma o i latou uma e loto emamā e o mai i ai i totonu, o le a vaai i le Atua.

17 Ae afai e faaeleeleaina Ou te lē alu atu i ai i totonu, ma o le a lē i ai foi lo’u mamalu iina; aua Ou te lē alu atu i totonu o ni malumalu ua lē paia.

18 Ma, o lenei, faauta, afai e fai e Siona nei mea, o le a auluuluola o ia ma faalauteleina o ia lava ma avea ma nuu mamalu tele, malosi tele, ma mata’utia tele.

19 Ma o le a faamamaluina o ia e aatunuu o le lalolagi, ma o le a fai ane: E moni lava o eSiona o le aai lea o lo tatou Atua, ma e moni lava e lē mafai ona pa’ū Siona, pe aveesea mai lona tulaga, auā ua i ai le Atua iina, ma ua i ai iina le aao o le Alii;

20 Ma ua tauto o ia i le mana o lona malosi e avea ma ona faaolataga ma ona a’olo maualuga.

21 O lea, e moni, ua faapea ona fetalai mai o le Alii, ia olioli Siona, auā o aSiona lenei—O e Ua Loto Mamā; o lea, ia tuu atu ia Siona e olioli, a’o e uma ua amioleaga, o le a faanoanoa.

22 Auā faauta, ma tagai, ua vave ona oo mai o le atauimasui i luga o e ua lē amioatua e pei o le asiosio; ma o ai e sao mai ai?

23 O le a oo mai le asasa a le Alii i le po ma le ao, ma o le tala o lea sasa o le a faaatuatuvale ai tagata uma; ioe, o le a lē taofia seia afio mai le Alii;

24 Auā ua sasao a’e le toasa o le Alii e faasaga ia latou mea inosia ma a latou galuega amioleaga uma.

25 Ae ui i lea, e asao Siona pe afai e vaai o ia ia fai mea uma o soo se mea ua Ou poloaiina ai o ia.

26 Ae afai e lē vaai o ia ia faia soo se mea ua Ou poloaiina ai o ia, o le a Ou aasiasi atu ia te ia e tusa ma ana galuega uma, i se puapuaga tiga, ma efaama’i, ma mala, ma le pelu, ma le itauimasui, ma le oafi faaumatia.

27 Ae ui i lea, ia tuu atu ia toe faitau tasi atu lenei mea i ona taliga, o A’u, o le Alii, ua talia lana taulaga; ma afai e lē toe agasala o ia, o le a aleai se tasi o nei mea e oo mai i ona luga;

28 Ma o le a Ou afaamanuiaina o ia i manuia, ma faateleina se faatelega o manuia i ona luga, ma luga o ona tupulaga e faavavau faavavau lava, ua fetalai mai ai le Alii lo outou Atua. Amene.