Benneg 98
Paltiing a naited babaen ni Joseph Smith a Propeta, iti Kirtland, Ohio, idi 6 ti Agosto 1833 (History of the Church, 1:403–406). Immay daytoy a paltiing a bunga ti pannakaidadanes dagiti Santo iti Missouri. Gagangay a marikna dagiti Santo iti Missouri, ta nagsagaba ti bagbagida ken napukaw dagiti sanikuada, ti panggep a bumales ken agibales. Ngarud, inted ti Apo daytoy a paltiing. Nupay awan duadua a nakadanon iti Propeta iti Kirtland (siam-a-gasut a milia ti kaadayo), ti sumagmamano a damag iti parikut iti Missouri, dimmanon la kenkuana iti daytoy a petsa babaen ti paltiing ti kadagsen ti kasasaad.
1–3, Pagimbaganto dagiti Santo dagiti panagrigrigatda; 4–8, Isinged dagiti Santo ti bagbagida iti pagalagadan ti paglintegan ti daga; 9–10, Nasken a matarabay dagiti napudno, masirib, ken nasayaat a tao kadagiti pagtakeman nga awan ti pakainaiganna iti relihion; 11–15, Maaddaan iti agnanayon a biag dagiti mangpukaw iti biagda iti pagsayaatan ti Apo; 16–18, Rubsien ti gubat ket ipakdaar ti kappia; 19–22, Mababalaw ken mabilin nga agbabawi dagiti Santo iti Kirtland; 23–32, Ipalgak ti Apo dagiti paglinteganna a mangsakup iti pannakaidadanes ken panagrigrigat a naipabaklay kadagiti taona; 33–38, Nainkalintegan laeng ti gubat no ibilin ti Apo; 39–48, Nasken a pakawanen dagiti Santo dagiti kabusorda, a, no agbabawida, makaliklikdanto met iti pammales ti Apo.
1 Pudno kunak kadakayo gagayyemko, saankayo nga aagbuteng, liwliwaenyo ti puspusoyo, wen, agrag-okayo ketdi, ket bagyamankayo iti amin a banag;
2 Anusanyo nga aurayen ti Apo, ta nakadanon dagiti kararagyo kadagiti lapayag ti Apo ti Pangen, ket naisurat iti daytoy a timbre ken testamento—inkari ken impaulog ti Apo a mapatgandanto.
3 Ngarud, intedna daytoy a kari kadakayo, nga addaan iti katulagan a saan a mabaliwan tapno matungpaldanto; ket amin a banag a anagrigatanyo agbalindanto a pagimbaganyo, ken pakaitan-okan ti naganko, kinuna ti Apo.
4 Ket ita, pudno kunak kadakayo maipanggep kadagiti paglintegan ti daga, pagayatak nga agtungpal dagiti taok nga agaramid kadagiti amin a banag nga ibilinko kadakuada.
5 Ket dayta apaglintegan ti daga nga isu ti bpagalagadan, tarabayenna ti pagbatayan ti wayawaya iti pannakataginayon dagiti kalintegan ken gundaway, agpaay kadagiti amin a tao, ket nainkalintegan kaniak.
6 Ngarud, siak, ti Apo, ikalintegankayo, ken dagiti kabsatyo iti simbaanko, iti panangisingedyo iti bagbagiyo iti dayta paglintegan nga isu ti paglintegan ti konstitusion iti daga;
7 Ket kas maipanggep iti paglintegan ti tao, ania man a pagsurokan wenno pagkurangan daytoy, agtaud iti dakes.
8 Siak, ti Apo a Dios, awayawayaankayo, ngarud nawayakayon nga awan duadua; ket kasta met a winayawayaannakayo ti paglintegan.
9 Nupay kasta, lumdaang dagiti tao no agturay dagiti anadangkes.
10 Gapuna, nasken a sireregta a sapulen dagiti amapagpiaran ken masirib a tao, ket nasken nga itandudoyo dagiti nasayaat ken masirib a tao, no saan agtaud iti dakes ti ania man a pagkurangan dagitoy.
11 Ket itedko kadakayo ti bilin, a lipatenyo amin a dakes ket makikappengkayo iti amin a naimbag, tapno agbiagkayo iti tunggal abalikas nga agtaud iti ngiwat ti Dios.
12 Ta aitednanto kadagiti napudno iti tunggal binatog, iti tunggal annuroten; ket bpadasenkayonto ken penkenkayonto iti daytoy.
13 Ket asino man a amangpukaw iti biagna gapu kaniak, para iti naganko, masarakannanto manen, nga isu ti agnanayon a biag.
14 Ngarud, saankayo nga aagbuteng kadagiti kabusoryo, ta impaulogko a sipupuso, kinuna ti Apo, a bpenkenkayonto iti amin a banag, no agtungtungpalkayo met la iti katulagak, nga uray pay iti cpatay, tapno mapaneknekankayo a maikari.
15 Ta no saankayo nga agtungpal iti katulagak saankayo a maikari kaniak.
16 Ngarud, atallikudanyo ti bgubat ket ipakdaaryo ti ckappia, ket ikalikagumyo a sireregta nga disubli ti puspuso dagiti ubbing kadagiti ammada, ken ti puspuso dagiti amma kadagiti ubbing;
17 Ket manen, ti puspuso dagiti aHudio kadagiti propeta, ken dagiti propeta kadagiti Hudio; no saan umayak a mangsaplit iti sangalubongan babaen ti lunod, ket marunaw amin a lasag iti imatangko.
18 Diyo koma riribuken ti puspusoyo; ta aadu ti mansion iti balay ti Amak, ket naisaganakon ti lugar a para kadakayo; ket sadino man a yanmi iti Amak, isunto met ti yanyo.
19 Adtoy, siak, ti Apo, saanak unay a naay-ayo kadagiti adu nga adda iti simbaan iti Kirtland;
20 Ta dida tallikudan ti basbasolda, ken dagiti nadangkes nga aramidda, ti pannakkel iti puspusoda, ken ti kinaagumda, ken amin dagiti makasimron a banag, ken mangtungpal kadagiti nainsiriban a balikas ken agnanayon a biag a naitedkon kadakuada.
21 Pudno kunak kadakayo, a siak, ti Apo, adusaek ida ket aramidekto ti ania man nga ilistak, no saanda nga agbabawi ken tungpalen dagiti amin a banag nga imbagak kadakuada.
22 Ket kunak manen kadakayo, no tungpalenyo nga aaramiden ti ania man nga ibilinko kadakayo, siak, ti Apo, ibabawik amin a pungtot ken gurak kadakayo, ket saanto nga agballigi ti bruangan ti impierno kadakayo.
23 Ita, agsaoak kadakayo maipanggep kadagiti kaamaanyo—no dagiti tao asaplitendakayo, wenno dagiti kaamaanyo, iti maminsan, ket no ibturanyo a siaanus ken saankayo a bimmales, wenno pinanggep ti agibales, magunggonaankayonto;
24 Ngem no diyo ibturan a siaanus, amaipabaklayto kadakayo a kas pakarukodanyo.
25 Ket manen, no saplitennakayo ti kabusoryo iti maikadua a gundaway, ket saanyo a balsen ti kabusoryo, ket ibturanyo a siaanus, maminggasutto ti kadakkel ti gunggonayo.
26 Ket manen, no saplitennakayo iti maikatlo a gundaway, ket ibturanyo a asiaanus, mamimpatto a dakdakkel ti awatenyo a gunggona;
27 Ket agtalinaed dagitoy tallo a pammaneknek a maibusor iti kabusoryo no saan nga agbabawi, ket saanto a maikkat iti listaan.
28 Ket ita, pudno kunak kadakayo, no libasanto dayta a kabusor ti pammalesko, ket saanto a maidatag kaniak tapno maukom, ikagumaanyo nga aiballaag kenkuana babaen ti naganko, tapno saanton nga umay manen kadakayo, wenno iti kaamaanyo, uray pay kadagiti annak dagiti annakyo iti maikatlo ken maikapat a kaputotan.
29 Ket kalpasanna, no umayto kadakayo wenno kadagiti annakyo, wenno kadagiti annak dagiti annakyo iti maikatlo ken maikapat a kaputotan, nayawatkon ti kabusoryo kadakayo;
30 Ket kalpasanna no pakawanenyo magunggonaankayonto iti kinalintegyo; kasta met dagiti annakyo ken dagiti annak dagiti annakyo iti maikatlo ken maikapat a kaputotan.
31 Nupay kasta, adda kadagiti imayo ti kabusoryo; no gunggonaanyo a maibatay kadagiti aramidna nainkalintegankayo; no panggepenna ti biagyo, ket agpeggad ti biagyo kenkuana, adda ti kabusor kadagiti imayo ket nainkalintegankayo.
32 Adtoy, daytoy ti paglintegan nga intedko iti katulongak a ni Nephi, ken dagiti aammayo, da Jose, ken Jacob, ken Isaac, ken Abraham, ken amin dagiti nagkauna a propeta ken apostolko.
33 Ket manen, daytoy ti apaglintegan nga intedko kadagiti nagkaunak, a saanda a mapan makiranget iti ania man a pagilian, kakabsat, pagsasao, wenno tattao, malaksid no siak, ti Apo, bilinek ida.
34 Ket no ipakdaar ti ania man a pagilian, pagsasao, wenno tattao ti gubat a maibusor kadakuada, itag-ayda pay nga umuna ti wagayway ti akappia kadagita a tao, pagilian, wenno pagsasao;
35 Ket no saan nga awaten dagita a tao ti naidiaya a kappia, uray pay iti maikadua wenno maikatlo a gundaway, nasken nga idatagda dagitoy a pammaneknek iti Apo;
36 Ket siak, ti Apo, itedko kadakuada ti bilin, ken itdek ti kalinteganda a mapan makiranget iti dayta a pagilian, pagsasao, wenno tattao.
37 Ket siak, ti Apo, kaduaek ida iti apannakirangetda, ken iti pannakiranget dagiti annakda, ken dagiti annak dagiti annakda, agingga a makabalesda kadagiti amin a kabusorda, agingga iti maikatlo ken maikapat a kaputotan.
38 Adtoy, daytoy ti pagarigan dagiti amin a tao, kinuna ti Apo a Diosmo, a pakaikalintegan iti sangok.
39 Ket manen, pudno kunak kadakayo, no kalpasan ti yaay kadakayo ti kabusoryo iti umuna a gundaway, agbabawi ket umasideg kadakayo a mangikararag iti pammakawanyo, pakawanenyo, ket saanyon a pagtalinaeden pay a pammaneknek a maibusor iti kabusoryo—
40 Ket kasta a kasta agingga iti maikadua ken maikatlo a gundaway; ken kas iti kanaynay ti panangibabawi ti kabusoryo iti babak a naaramidna kadakayo, apakawanenyo, agingga iti pitopulo a mamimpito.
41 Ket no makaaramid iti babak kadakayo ket saan nga agpakawan iti umuna a gundaway, nupay kasta pakawanenyo pay laeng.
42 Ket no makaaramid iti babak kadakayo iti maikadua a gundaway, ket saan nga agpakawan, nupay kasta pakawanenyo pay laeng.
43 Ket no makaaramid iti babak kadakayo iti maikatlo a gundaway, ket saan nga agpakawan, pakawanenyo pay laeng.
44 Ngem no makaaramid iti babak kadakayo iti maikapat a gundaway saanyon a pakawanen, ngem idatagyo dagitoy a pammaneknek iti Apo; ket saandanto a mapunas iti listaan agingga nga agpakawan ket gunggonaannakayo iti mamimpat nga ad-adu iti amin a banag a nakaaramidanna iti babak kadakayo.
45 Ket no aramidenna daytoy, pakawanenyo a naimpusuan; ket no saanna nga aramiden daytoy, siak, ti Apo, aibaleskayonto iti kabusoryo iti maminggasut;
46 Ken kadagiti annakna, ken kadagiti annak dagiti annakna nga amin a gumura kaniak, agingga iti amaikatlo ken maikapat a kaputotan.
47 Ngem no agbabawinto dagiti annak, wenno dagiti annak dagiti annak, ket aagkamangda iti Apo a Diosda, a naimpusuan ken iti amin a kabaelanda, panunot, ken pigsada, ken isublida iti mamimpat dagiti amin a naaramidda a babak, wenno kadagiti nakaaramidan dagiti ammada iti babak, wenno kadagiti amma dagiti ammada, isunto pay laeng ti pannakapukaw ti pungtotyo;
48 Ket saanton nga umay ti apanagibales kadakuada, kinuna ti Apo a Diosyo, ket saanton a maidatag dagiti naaramidda a babak a kas pammaneknek iti Apo a maibusor kadakuada. Amen.