Tusitusiga Paia
Mataupu Faavae ma Feagaiga 99


Vaega 99

Faaaliga na tuuina mai e ala mai ia Iosefa Samita le Perofeta ia John Murdock, i le aso 29 o Aokuso, 1832, i Hairama, Ohaio. Mo le silia i le tausaga, na talaiina ai e Ioane Murdock le talalelei a o lana fanau—i le tulaga o le leai o se tina i le mavae ai o le maliu o lona toalua, o Iulia Clapp, ia Aperila 1831—sa nonofo faatasi ma isi aiga i Ohaio.

1–8, Ua valaaulia John Murdock e folafola atu le talalelei, ma o i latou o e e taliaina o ia ua taliaina le Alii ma o le a latou maua le alofa mutimutivale.

1 Faauta, ua faapea ona fetalai mai o le Alii i la’u auauna o Ioane Murdock—ua valaaulia oe e te alu atu i itu-laueleele i sasa’e mai lea fale i lea fale, mai lea nuu i lea nuu, ma mai lea aai i lea aai, e folafola atu la’u talalelei tumau e faavavau i e o nonofo ai, i le lotolotoi o asauaga ma le amioleaga.

2 Ma o lē na te atalia oe ua ia talia a’u; ma o le a e maua le mana e alaga atu ai la’u upu i le efaaaliga a lo’u Agaga Paia.

3 Ma o lē na te talia oe e apei o se tamaitiiti, e maua e ia lo’u emalo; ma amuia lava i latou, ona o le a latou maua le ialofa mutimutivale.

4 Ma ai se na te teena oe o le a ateena e lo’u Tamā ma lona fale; ma ia outou tafi o outou evae i mea lilo i le ala mo se molimau e faasaga ia te i latou.

5 Ma faauta, ma tagai, Ou te vave aalu atu i le efaamasinoga, e faatalitonu tagata uma ia latou galuega lē amioatua ua latou faia faasaga mai ia te a’u, e pei ona tusia e uiga ia te a’u i le tusi o tusitusiga paia.

6 Ma o lenei, e moni Ou te fai atu ia te oe, e lē tatau ona e alu atu seia saunia ni mea mo le tausiga o lau fanau, ma auina lelei atu i le epikopo o Siona.

7 Ma a mavae ni nai tausaga, afai e te manao mai ai ia te a’u, e mafai foi ona e alu a’e i luga i le laueleele lelei, e maua ai lou tofi;

8 A lē o lea, ia e folafola atu pea la’u talalelei aseia aveina a’e oe. Amene.