Doktrina ken Katulagan

Dagiti Benneg 

Benneg 1
Paltiing a naited babaen ni Joseph Smith a Propeta, bayat ti naisangsangayan a taripnong dagiti elder ti Simbaan, a naangay iti Hiram, Ohio, idi 1 ti Nobiembre 1831 (History of the Church, 1:221–224). Adu a paltiing ti naawat manipud iti Apo sakbay daytoy a panawen, ket ti pannakailista dagitoy tapno maipablaak iti libro ti maysa kadagiti kangrunaan a naanamongan iti dayta a taripnong. Buklen daytoy a benneg ti pakauna ti Apo kadagiti doktrina, dagiti katulagan, ken dagiti bilin a naited iti daytoy a dispensasion.
1–7, Agpaay iti amin a tao ti timek a pammallaag; 8–16, Umuna a mapasamak ti ikakalilis ken ti kinadangkes sakbay ti Maikadua a Yaay; 17–23, Naawagan ni Joseph Smith a mangisubli iti daga kadagiti kinapudno ken bileg ti Apo; 24–33, Dimteng ti Libro ni Mormon ket nabangon ti pudno a Simbaan; 34–36, Mapukawto ti kappia iti daga; 37–39, Sukimaten dagitoy a bilin.
Benneg 2
Nagupgop manipud kadagiti balikas ti anghel a ni Moroni ken ni Joseph Smith a Propeta, bayat ti kaadda ti Propeta iti balay ti amana iti Manchester, Nueva York, iti rabii ti 21 ti Septiembre 1823 (History of the Church, 1:12). Ni Moroni ti maudi iti atiddog a linia dagiti managestoria a nangaramid iti kasuratan nga adda itan iti lubong a kas ti Libro ni Mormon. (Idilig ti Malakias 4:5–6; kasta met dagiti benneg 27:9; 110:13–16; ken 128:18.)
1, Ipalgak ni Elias a propeta ti kinasaserdote; 2–3, Naimula iti puspuso dagiti ubbing ti karkari dagiti amma.
Benneg 3
Paltiing a naited ken ni Joseph Smith a Propeta, iti Harmony, Pennsylvania, idi Hulio 1828, maipanggep iti pannakapukaw ti 116 a panid ti manuskrito a naipatarus manipud iti umuna a paset ti Libro ni Mormon, a naawagan iti Libro ni Lehi. Nagkedked ti Propeta a mangitalek kadagitoy a panid iti dayta a Martin Harris, a nagserbi iti ababa a panawen a para surat iti pannakaipatarus ti Libro ni Mormon. Naited ti paltiing babaen ti Urim ken Tumim. (History of the Church, 1:21–23.) (Kitaen ti benneg 10.)
1–4, Maysa nga awan inggana a panagrikus ti turong ti Apo; 5–15, Nasken nga agbabawi ni Joseph Smith wenno mapukawna ti sagut iti panagipatarus; 16–20, Dumteng ti Libro ni Mormon a mangisalakan iti bukel ni Lehi.
Benneg 4
Paltiing a naited babaen ni Joseph Smith a Propeta iti amana, ni Joseph Smith, Sr., iti Harmony, Pennsylvania, idi Pebrero 1829 (History of the Church, 1:28).
1–4, Natured a panagserbi ti nangisalakan kadagiti ministro ti Apo; 5–6, Nadiosan nga aw-awid ti namagbalin kadakuada a maikari iti panagserbi; 7, nasken a dagiti bambanag ti Dios ti sapsapulento.
Benneg 5
Paltiing a naited babaen ni Joseph Smith a Propeta, iti Harmony, Pennsylvania, idi Marso 1829, babaen ti dawat ni Martin Harris (History of the Church, 1:28–31).
1–10, Awatento daytoy a kaputotan ti balikas ti Apo babaen ni Joseph Smith; 11–18, Tallo a saksi ti mangpaneknek iti Libro ni Mormon; 19–20, Mapennekto ti balikas ti Apo a kas kadagiti napalabas a panawen; 21–35, Mabalin nga agbabawi ni Martin Harris ket agbalin a maysa kadagiti saksi.
Benneg 6
Paltiing a naited kada Joseph Smith a Propeta ken Oliver Cowdery, iti Harmony, Pennsylvania, idi Abril 1829 (History of the Church, 1:32–35). Rinugian ni Oliver Cowdery ti nagtrabaho a kas agisursurat iti patarus ti Libro ni Mormon, idi 7 ti Abril 1829. Nakaawaten iti nailangitan a pannakaipakita iti kinapudno ti pammaneknek ti Propeta iti pannakabigbig dagiti pinanid a nakaikitikitan ti kasuratan iti Libro ni Mormon. Nagdamag ti Propeta iti Apo babaen ti Urim ken Tumim ket naawatna daytoy a sungbat.
1–6, Magun-od dagiti agtartrabaho iti talon ti Apo ti pannakaisalakan; 7–13, Awan ti nain-indaklan a sagut ngem ti sagut ti pannakaisalakan; 14–27, Dumteng ti saksi ti kinapudno babaen ti bileg ti Espiritu; 28–37, Iturong ti imatang ken ni Cristo, ken ituloy ti agaramid iti nasayaat.
Benneg 7
Paltiing a naited kada Joseph Smith a Propeta ken Oliver Cowdery, iti Harmony, Pennsylvania, idi Abril 1829, idi nagdamagda babaen ti Urim ken Tumim no ni Juan, ti maipatpateg a disipulo, nagtalinaed iti lasag wenno natay. Naipatarus ti paltiing a patarus ti kasuratan nga inaramid ni Juan iti lalat ken isu a mismo ti nangilemmeng (History of the Church, 1:35–36).
1–3, Agbiagto ni Juan a Maipatpateg agingga iti yaay ti Apo; 4–8, Iggem da Pedro, Santiago, ken Juan dagiti tulbek ti ebanghelio.
Benneg 8
Paltiing a naited ken ni Oliver Cowdery babaen ni Joseph Smith a Propeta, iti Harmony, Pennsylvania, idi Abril 1829 (History of the Church, 1:36–37). Bayat ti pannakaipatarus ti Libro ni Mormon, tinarigagayan ni Oliver, a nagtuloy a nagserbi a para surat, a nagsurat iti panangibasa ti Propeta, a matalugadingan iti sagut ti panagipatarus. Sinungbatan ti Apo ti ararawna babaen ti pannangtedna iti daytoy a paltiing.
1–5, Umay ti paltiing babaen ti bileg ti Espiritu Santo; 6–12, Umay babaen ti pammati dagiti kinadatdatlag ti Dios ken ti bileg a mangipatarus kadagiti nagkauna a kasuratan.
Benneg 9
Paltiing a naited ken ni Oliver Cowdery babaen ni Joseph Smith a Propeta, iti Harmony, Pennsylvania, idi Abril 1829 (History of the Church, 1:37–38). Mapatigmaanan ni Oliver nga agan-anus, ken maigunamgunam kenkuana a mapnek nga agsurat, bayat dayta a panawen, babaen ti panangibasa ti agipatpatarus, imbes a padasenna koma ti agipatarus.
1–6, Saan pay a naipatarus dagiti sabali pay a nagkauna a kasuratan; 7–14, Naipatarus ti Libro ni Mormon babaen ti panagadal ken naespirituan a pammatalged.
Benneg 10
Paltiing a naited ken ni Joseph Smith a Propeta, iti Harmony, Pennsylvania, idi kalgaw ti 1828 (History of the Church, 1:20–23). Ipakaammo ditoy ti Apo ken ni Joseph ti panangbalbaliw nga inaramid dagiti nadangkes a lallaki iti 116 a panid ti manuskrito manipud iti pannakaipatarus ti Libro ni Lehi, iti Libro ni Mormon. Napukaw dagitoy a pinanid ti manuskrito manipud iti ikut ni Martin Harris, a nakaitalkan dagiti binulong iti saan a manayon a panawen. (Kitaen ti paulo ti benneg 3.) Ti dakes a panggep isu ti pannakayuray ti manamnama a pannakabaliw ti pannakaipatarus kadagiti banag a linaon dagiti natakaw a panid sa kalpasanna matagibassit ti nangipatarus babaen ti panangipakita kadagiti paggigidiatan a pinataud ti panangbalbaliw. A daytoy nadangkes a panggep ininaw ti dakes, ket naammuan ti Apo uray pay idi yab-ababa ni Mormon, ti nagkauna a Nephite a mannarita iti napalabas, dagiti naurnong a pinanid, a makita iti Libro ni Mormon (kitaen ti Dagiti Balikas ni Mormon 1:3–7).
1–26, Sugsogan ni Satanas dagiti nadangkes a tao a mangsuppiat iti aramid ti Apo; 27–33, Kayatna a dadaelen dagiti kararua dagiti tao; 34–52, Mapan ti ebanghelio kadagiti Lamanite ken kadagiti amin a pagilian babaen ti Libro ni Mormon; 53–63, Bangonen ti Apo ti Simbaanna ken ti ebangheliona kadagiti tao; 64–70, Ummongenna dagiti agbabawi iti Simbaanna ken isalakanna dagiti natulnog.
Benneg 11
Paltiing a naited babaen ni Joseph Smith a Propeta para iti kabsatna a ni Hyrum Smith, iti Harmony, Pennsylvania, idi Mayo 1829 (History of the Church, 1:39–46). Naawat daytoy a paltiing babaen ti Urim ken Tumim a sungbat iti pakaasi ken panagdamag ni Joseph. Ipaawat ti History of the Church a naawat daytoy a paltiing kalpasan ti pannakaisubli ti Kinasaserdote nga Aaron.
1–6, Magun-odto dagiti agtartrabaho iti bangkag ti pannakaisalakan; 7–14, Sapulen ti pagsiriban, iyararaw ti panagbabawi, agtalek iti Espiritu; 15–22, Tungpalen dagiti bilin ken adalen ti balikas ti Apo; 23–27, Saan a pagtallikudan ti espiritu ti pammaltiing ken ti pammadto; 28–30, Agbalin nga annak ti Dios dagiti umawat ken ni Cristo.
Benneg 12
Paltiing a naited ken ni Joseph Knight, Sr., babaen ni Joseph Smith a Propeta, iti Harmony, Pennsylvania, idi Mayo 1829 (History of the Church, 1:47–48). Pinati ni Joseph Knight dagiti palawag ni Joseph Smith maipanggep iti pannakaalana kadagiti pinanid ti Libro ni Mormon ken ti panagipatarus a madama idi a maar-aramid, ken ti sumagmamano a daras a pannakaited kada Joseph Smith ken ti para suratna iti kasapulan a tulong, a nangparegta kadakuada a mangituloy nga agipatarus. Kas dawat ni Joseph Knight, nagdamag ti Propeta iti Apo ket immawat iti paltiing.
1–6, Makagun-od iti pannakaisalakan dagiti agtartrabaho iti bangkag; 7–9, Mabalin amin dagiti agtarigagay ken maikari ti manarabay iti aramid ti Apo.
Benneg 13
Ti pannakaorden da Joseph Smith ken Oliver Cowdery iti Kinasaserdote nga Aaron iti igid ti Karayan Susquehanna, iti asideg ti Harmony, Pennsylvania, idi 15 ti Mayo 1829 (History of the Church, 1:39–42). Naaramid ti panangorden babaen dagiti ima ti anghel a nangipakaammo iti bagina a kas Juan, nga isu met laeng ti maawagan iti Juan a Mammuniag iti Baro a Tulag. Impalawag ti anghel nga aggunggunay babaen ti panangiwardas da Pedro, Santiago, ken Juan, dagiti nagkauna nga Apostol, nga akin-iggem kadagiti tulbek ti nangatngato a kinasaserdote, a naawagan iti Kinasaserdote a Melchizedek. Naited ti kari kada Joseph ken Oliver nga inton dumteng ti panawen maitalekto kadakuada ti Kinasaserdote a Melchizedek. (Kitaen ti benneg 27:7, 8,12.)
Maited dagiti tulbek ken bileg ti Kinasaserdote nga Aaron.
Benneg 14
Paltiing a naited ken ni David Whitmer babaen ni Joseph Smith a Propeta, iti Fayette, Nueva York, idi Hunio 1829 (History of the Church, 1:48–50). Nalaus ti ragut ti kaamaan a Whitmer a mangipatarus iti Libro ni Mormon. Impasdek ti Propeta ti pagnaedanna iti pagtaengan ni Peter Whitmer, Sr., a nagyananna agingga iti pannakaiwakas ti aramid a panagipatarus ken ti umadani a pannakaala ti panagtagikua iti kalintegan. Tallo kadagiti lallaki nga annak a Whitmer, tunggal maysa immawat iti pammaneknek iti kinapudno ti aramid, ti naseknan unay iti pagrebbengan ti tunggal maysa kadakuada. Naited daytoy a paltiing ken ti dua a sumarsaruno (benneg 15 ken 16) a kas sungbat iti saludsod babaen ti Urim ken Tumim. Iti saan a nabayag nagbalin ni David Whitmer a maysa kadagiti Tallo a Saksi iti Libro ni Mormon.
1–6, Makagun-od iti pannakaisalakan dagiti agtartrabaho iti bangkag; 7–8, Kaindaklanan kadagiti sagut ti Dios ti agnanayon a biag; 9–11, Pinarsua ni Cristo ti langit ken ti daga.
Benneg 15
Paltiing a naited ken ni John Whitmer babaen ni Joseph Smith a Propeta, iti Fayette, Nueva York, idi Hunio 1829 (History of the Church, 1:50). (Kitaen met ti paulo ti benneg 14.) Nasinged ken makaawis ti kinadekket ti mensahe, a pangibagaan ti Apo iti naipakaammo laeng kenkuana ken ni John Whitmer. Iti saan a nabayag nagbalin ni John Whitmer a maysa kadagiti Walo a Saksi iti Libro ni Mormon.
1–2, Adda ti takiag ti Apo iti intero a daga; 3–6, Banag a kapatgan ti panangikasaba iti ebanghelio ken panangisalakan iti kararua.
Benneg 16
Paltiing a naited ken ni Peter Whitmer, Jun., babaen ni Joseph Smith a Propeta, iti Fayette, Nueva York, idi Hunio 1829 (History of the Church, 1:51). (Kitaen met ti paulo ti benneg 14.) Iti saan a mabayag agbalin ni Peter Whitmer, Jr., a maysa kadagiti Walo a Saksi iti Libro ni Mormon.
1–2, Adda ti takiag ti Apo iti intero a daga; 3–6, Banag a kapatgan ti panangikasaba iti ebanghelio ken panangisalakan iti kararua.
Benneg 17
Paltiing a naited kada Oliver Cowdery, David Whitmer, ken Martin Harris babaen ni Joseph Smith a Propeta, iti Fayette, Nueva York, idi Hunio 1829, sakbay ti pannakakitada kadagiti nakitikitan a pinanid a naglaon iti pakaammuan iti Libro ni Mormon (History of the Church, 1:52–57). Naadal da Joseph ken ti para suratna, ni Oliver Cowdery, manipud iti patarus dagiti pinanid ti Libro ni Mormon a tallo a naisangsangayan a saksi ti matudingan (kitaen ti Ether 5:2–4; 2 Nephi 11:3; ken 27:12). Natignay da Oliver Cowdery, David Whitmer, ken Martin Harris babaen ti makaparegta a tarigagay nga agbalin a tallo a naisangsangayan a saksi. Nagdamag ti Propeta iti Apo, ket naited daytoy a paltiing a kas sungbat babaen ti Urim ken Tumim.
1–4, Babaen ti pammati makitanto dagiti Tallo a Saksi dagiti pinanid ken sabsabali a nasagraduan a bambanag; 5–9, Mangted ni Cristo iti pammaneknek ti kinailangitan ti Libro ni Mormon.
Benneg 18
Paltiing kada Joseph Smith a Propeta, Oliver Cowdery, ken David Whitmer, a naited iti Fayette, Nueva York, idi Hunio 1829 (History of the Church, 1:60–64). Idi maitalek ti Kinasaserdote nga Aaron, naikari ti pannakaisagut ti Kinasaserdote a Melchizedek (kitaen ti paulo ti benneg 13). Kas sungbat iti pakaasi a pannakaammo iti dayta a banag, inted ti Apo daytoy a paltiing.
1–5, Ipakita dagiti nasantuan a kasuratan no kasano a bangonen ti Simbaan; 6–8, Maluluomen ti lubong iti kinamanagbasol; 9–16, Dakkel ti kaipapanan dagiti kararua; 17–25, Tapno magun-od ti pannakaisalakan, nasken nga awaten dagiti tao ti nagan ni Cristo; 26–36, Naipalgak ti pannakaawag ken mision dagiti Sangapulo-ket-dua; 37–39, Nasken a sapulen da Oliver Cowdery ken David Whitmer dagiti Sangapulo-ket-dua; 40–47, Tapno magun-od ti pannakaisalakan, nasken nga agbabawi dagiti tao, mabuniagan, ken agtungpal kadagiti bilin.
Benneg 19
Paltiing a naited babaen ken ni Joseph Smith, iti Manchester, Nueva York, idi Marso 1830 (History of the Church, 1:72–74). Iti pakasaritaanna, inyam-ammo ti Propeta a kas "bilin ti Dios a saan ketdi a tao, ken ni Martin Harris, nga intedna isu nga Agnanayon" (History of the Church, 1:72).
1–3, Adda ken ni Cristo ti amin a bileg; 4–5, Nasken nga agbabawi amin a tao wenno agsagaba; 6–12, Pannusa ti Dios ti agnanayon a pannusa; 13–20, Nagsagaba ni Cristo para iti amin, tapno saanda nga agsagaba no agbabawida; 21–28, Ikasaba ti ebanghelio ti panagbabawi; 29–41, Ipakdaar dagiti naimbag a damag.
Benneg 20
Paltiing maipanggep iti urnos ken pannakaiwanwan ti Simbaan, a naited babaen ni Joseph Smith a Propeta, idi Abril 1830 (History of the Church, 1:64–70). Sakbay ti panangisuratna iti daytoy a paltiing insurat ti Propeta, "Naawatmi kenkuana [ni Jesucristo] ti sumaganad, babaen ti espiritu ti pammaltiing ken paltiing; a saan la a nangted kadakami iti umdas a pakaammuan, ngem intudona pay kadakami ti umisu nga aldaw, maibatay iti pagayatan ken bilinna, nasken nga ituloymi manen ti mangurnos iti Simbaanna ditoy daga" (History of the Church, 1:64).
1–16, Paneknekan ti Libro ni Mormon ti kinailangitan ti aramid iti ud-udina nga aldaw; 17–28, Napasingkedan dagiti doktrina ti pannakaparsua, pannakatnag, pannakasubbot, ken panagbuniag; 29–37, Naituding dagiti paglintegan a mangiwanwan iti panagbabawi, pannakapalinteg, pannakapasanto, ken panagbuniag; 38–67, Nabinsabinsa dagiti pagrebbengan dagiti elder, saserdote, maestro, ken diakono; 68–74, Naipalgak dagiti pagrebbengan dagiti kameng, bendision kadagiti ubbing, ken wagas ti panagbuniag; 75–84, Naited dagiti kararag iti sakramento ken dagiti alagaden a mangiwanwan iti kinakameng ti Simbaan.
Benneg 21
Paltiing a naited ken ni Joseph Smith a Propeta, iti Fayette, Nueva York, idi 6 ti Abril 1830 (History of the Church, 1:74–79). Naited daytoy a paltiing iti pannakabukel ti Simbaan, iti naagapad a petsa, iti balay ni Peter Whitmer, Sr. Innem a lallaki, a nabuniagan sakbayna, ti nairaman. Impeksa dagitoy a tao babaen ti sangsangkatunos a butos ti tarigagay ken pasnekda a mangbukel, a maibatay iti bilin ti Dios (kitaen ti benneg 20). Binutosanda met ti panangawat ken ikakanunongda kada Joseph Smith, Jr., ken Oliver Cowdery a kas mangimaton a dadaulo ti Simbaan. Iti panangipatay kadagiti dakulap, inordenan ni Joseph kalpasanna ni Oliver nga elder ti Simbaan, ken inordenan met ni Oliver ni Joseph. Kalpasan ti pannakaipaay ti sakramento, impatay da Joseph ken Oliver dagiti dakulapda kadagiti nakiraman a saggaysa, iti pannakayawat ti Espiritu Santo ken pannakapatalged ti tunggal maysa a kas kameng ti Simbaan.
1–3, Natudingan ni Joseph Smith a mammadto, agipatarus, propeta, apostol, ken elder; 4–8, Iturong ti balikasna ti pagimbagan ti Zion; 9–12, Mamatinto dagiti Santo kadagiti balikasna bayat ti panagsaona babaen ti Mangliwliwa.
Benneg 22
Paltiing a naited babaen ni Joseph Smith a Propeta, iti Manchester, Nueva York, idi Abril 1830 (History of the Church, 1:79–80). Naited daytoy a paltiing iti Simbaan a bunga ti sumagmamano nga immun-una a nabuniagan nga agtarigagay a makikaysa iti Simbaan a saanen a maulit a mabuniagan.
1, Baro ken agnanayon a katulagan ti panagbuniag; 2–4, Kasapulan ti panagbuniag nga akmen dagiti umno nga agrebbeng.
Benneg 23
Paltiing a naited babaen ni Joseph Smith a Propeta, iti Manchester, Nueva York, idi Abril 1830, kada Oliver Cowdery; Hyrum Smith; Samuel H. Smith; Joseph Smith, Sr.; ken Joseph Knight, Sr. (History of the Church, 1:80). Kas banag ti napasnek a tarigagay iti biang dagiti lima a tao a nainaganan a mangammo iti pagrebbengan ti tunggal maysa kadakuada, nagdamag ti Propeta iti Apo ket naawatna daytoy a paltiing.
1–7, Natudingan dagitoy nagkauna a disipulo a mangasaba, mangigunamgunam, ken mangpapigsa iti Simbaan.
Benneg 24
Paltiing a naited kada Joseph Smith a Propeta ken Oliver Cowdery, iti Harmony, Pennsylvania, idi Hulio 1830 (History of the Church, 1:101–103). Nupay nakurang nga uppat a bulan ti napalabas manipud iti pannakabukel ti Simbaan, kimmaro ti pannakaidadanes, ket nagsapul dagiti dadaulo iti pakaisalakananda iti isisinada no dadduma. Naited dagitoy sumaganad a tallo a paltiing iti daytoy a kanito a mangpapigsa, mamaregta, ken mangiturong kadakuada.
1–9, Natudingan ni Joseph Smith nga agipatarus, mangasaba, ken mangilawlawag iti nasantuan a kasuratan; 10–12, Natudingan ni Oliver Cowdery a mangikasaba iti ebanghelio; 13–19, Naipalgak ti paglintegan a mainugot kadagiti milagro, panangilunod, panangipagpag iti tapok dagiti dapan, ken ipapan nga awanan iti petaka wenno supot.
Benneg 25
Paltiing a naited babaen ken ni Joseph Smith a Propeta, iti Harmony, Pennsylvania, idi Hulio 1830 (History of the Church, 1:103–104). (Kitaen met ti paulo ti benneg 24.) Ipakita daytoy a paltiing ti pagayatan ti Apo nga aramiden ni Emma Smith, ti asawa ti Propeta.
1–6, Natudingan ni Emma Smith, ti napili a babai, a mangtarabay ken mangliwliwa iti asawana; 7–11, Natudingan pay nga agsurat, a mangilawlawag kadagiti nasantuan a kasuratan, ken mangpili kadagiti himno; 12–14, Kararag iti Apo ti kanta dagiti nalinteg; 15–16, Mayannatup iti amin dagiti pagbatayan ti kinatulnog iti daytoy a paltiing.
Benneg 26
Paltiing a naited kada Joseph Smith a Propeta, Oliver Cowdery, ken John Whitmer, iti Harmony, Pennsylvania, idi Hulio 1830 (History of the Church, 1:104). (Kitaen met ti paulo ti benneg 24.)
1, Naiwanwanda a mangadal ken mangikasaba kadagiti nasantuan a kasuratan; 2, Napaneknekan ti paglintegan nga inanamongan ti kaaduan.
Benneg 27
Paltiing a naited ken ni Joseph Smith a Propeta, iti Harmony, Pennsylvania, idi Agosto 1830 (History of the Church, 1:106–108). Iti pannakaisagana ti napammatian a panagserbi a pakaannongan ti tinapay ken arak ti sakramento, rimmuar ni Joseph a nagsapul iti arak. Sinabat ti nailangitan a mensahero ket inawatna daytoy a paltiing, a naisurat ti pasetna iti dayta a kanito ket iti sumaruno a Septiembre ti nabati. Danum itan ti maar-aramat a saan ketdi nga arak iti serbisio ti sakramento iti Simbaan.
1–4, Naisagana dagiti simbolo a maaramat iti pannakiranud iti sakramento; 5–14, Nasken a makiranud iti sakramento ni Cristo ken dagiti katulonganna manipud iti amin a dispensasion; 15–18, Isuotyo ti sangabukel a kabal ti Dios.
Benneg 28
Paltiing a naited ken ni Oliver Cowdery babaen ni Joseph Smith a Propeta, iti Fayette, Nueva York, idi Septiembre 1830 (History of the Church, 1:109–111). Addaan ni Hiram Page, kameng ti Simbaan, iti naisalsalumina a bato ket ibagbagana nga umaw-awat kadagiti paltiing babaen ti tulongna maipanggep iti pannakabangon ti Zion ken ti pannakaurnos ti Simbaan. Sumagmamano a kameng ti naallilaw kadagitoy nga imbagbagana, ket dakkel pay a biddut ni Oliver Cowdery ti pannakapaspasurotna. Kasakbayan la unay ti naituding a taripnong, sipapasnek a nagsaludsod ti Propeta iti Apo ti maipanggep iti dayta a banag, ket simmaruno daytoy a paltiing.
1–7, Iggem ni Joseph Smith dagiti tulbek dagiti kinadatdatlag, ket isu laeng ti makaawat kadagiti paltiing a para iti Simbaan; 8–10, Nasken a kasabaan ni Oliver Cowdery dagiti Lamanite; 11–16, Inallilaw ni Satanas ni Hiram Page ket inikkanna iti sinsinan a paltiing.
Benneg 29
Paltiing a naited babaen ni Joseph Smith a Propeta, iti imatang dagiti innem nga elder, iti Fayette, Nueva York, idi Septiembre 1830 (History of the Church, 1:111–115). Naited daytoy a paltiing sumagmamano nga aldaw sakbay ti panangrugi ti taripnong, manipud idi 26 ti Septiembre 1830.
1–8, Ummongen ni Cristo dagiti pilina; 9–11, Mangrugi ti Millennium iti yaayna; 12–13, Ukomento dagiti Sangapulo-ket-dua amin nga Israel; 14–21, Mapasamak dagiti tanda, angol, ken kinaliday sakbay ti Maikadua a Yaay; 22–28, Sumaruno ti maudi a panagungar ken ti kaudian a panangukom iti Millennium; 29–35, Naespirituan amin a banag iti Apo; 36–39, Napapanaw ti sairo ken ti buyotna iti langit tapno mangsulisog iti tao; 40–45, Yeg ti Pannakatnag ken Pannakasubbot ti pannakaisalakan; 46–50, Masubbot dagiti babassit nga ubbing babaen ti Pannubbot.
Benneg 30
Paltiing a naited kada David Whitmer, Peter Whitmer, Jr., ken John Whitmer babaen ni Joseph Smith a Propeta, iti Fayette, Nueva York, idi Septiembre 1830 kalpasan ti tallo nga aldaw a taripnong iti Fayette, ngem sakbay ti panagsisina dagiti elder ti Simbaan (History of the Church, 1:115–116). Immuna a naipablaak daytoy a sinurat iti tallo a paltiing; pinagtipon ti Propeta iti maymaysa a benneg para iti edision ti 1835 ti Doktrina ken Katulagan.
1–4, Nadusa ni David Whitmer iti dina panagserbi a sireregta; 5–8, Kuyogen ni Peter Whitmer, Jr., ni Oliver Cowdery nga agmision kadagiti Lamanite; 9–11, Natudingan ni John Whitmer a mangikasaba iti ebanghelio.
Benneg 31
Paltiing a naited ken ni Thomas B. Marsh babaen ni Joseph Smith a Propeta, idi Septiembre 1830 (History of the Church, 1:115–117). Simmaruno a dagus daytoy a pasamak iti maysa a taripnong ti Simbaan (kitaen ti paulo ti benneg 30). Immun-una a nabuniagan ni Thomas B. Marsh iti daytoy a bulan ken naordenan nga elder iti Simbaan sakbay a naited daytoy a paltiing.
1–6, Natudingan ni Thomas B. Marsh a mangikasaba iti ebanghelio ken naipanamnama kenkuana ti pagimbagan ti kaamaanna; 7–13, Nabagbagaan nga aganus, kanayon nga agkararag, ken sumurot iti Mangliwliwa.
Benneg 32
Paltiing a naited kada Parley P. Pratt ken Ziba Peterson babaen ni Joseph Smith a Propeta, idi Oktubre 1830 (History of the Church, 1:118–120). Nakarikna dagiti elder iti nalaus a panagessem ken panagtarigagay kadagiti Lamanite, a nakaipadlesan dagiti bendision ti Simbaan a naadal iti Libro ni Mormon. Nagbanaganna, naaramid ti panagunnoy tapno ipakita ti Apo ti pagayatanna no nasken a maibaon dagiti elder iti dayta a panawen kadagiti tribu ti Indian iti Laud. Simmaruno ti paltiing.
1–3, Natudingan da Parley P. Pratt ken Ziba Peterson a mangasaba kadagiti Lamanite ken mangkuyog kada Oliver Cowdery ken Peter Whitmer, Jr.; 4–5, Nasken nga agkararagda tapno maawatanda dagiti nasantuan a kasuratan.
Benneg 33
Paltiing a naited kada Ezra Thayre ken Northrop Sweet babaen ni Joseph Smith a Propeta, iti Fayette, Nueva York, idi Oktubre 1830 (History of the Church, 1:126–127). Iti panangisurat ti Propeta iti daytoy a paltiing, pinasingkedanna a "ti... Apo kanayon a sisasagana a mangiwanwan kadagiti naregta a mangtunton iti pammati" (History of the Church, 1:126).
1–4, Maawagan dagiti agtartrabaho a mangipakdaar iti ebanghelio iti maikasangapulo-ket-maysa nga oras; 5–6, Maipasdek ti Simbaan, ket maummong dagiti pili; 7–10, Agbabawikayo, ta asidegen ti pagarian ti langit; 11–15, Mabangon ti Simbaan iti panuli ti ebanghelio; 16–18, Agsaganakayo iti yaay ti Nobio.
Benneg 34
Paltiing a naited ken ni Orson Pratt babaen ni Joseph Smith a Propeta, iti Fayette, Nueva York, idi 4 ti Nobiembre 1830 (History of the Church, 1:127–128). Sangapulo-ket-siam idi ni kabsat a Pratt. Napasurot ken nabuniaganen idi damo a mangngegna ti pannakaikasaba ti naisubli nga ebanghelio babaen ti in-inauna a kabsatna, ni Parley P. Pratt, innem a lawas sakbayna. Naawat daytoy a paltiing iti pagtaengan ni Peter Whitmer, Sr.
1–4, Agbalin nga annak ti Dios dagiti napudno babaen ti Pannubbot; 5–9, Isagana ti pannakaikasaba ti ebanghelio ti dana para iti Maikadua a Yaay; 10–12, Umay ti padto babaen ti bileg ti Espiritu Santo.
Benneg 35
Paltiing a naited kada Joseph Smith a Propeta ken Sidney Rigdon, iti wenno asideg ti Fayette, Nueva York, idi Disiembre 1830 (History of the Church, 1:128–131). Iti daytoy a panawen, dandani inaldaw nga ipatpatarus ti Propeta ti Biblia. Narugian ti panagipatarus ti kas iti kasapa ti Hunio 1830, ket agpadpada da Oliver Cowdery ken John Whitmer a nagpaay a para surat. Gapu iti pannakatudingda itan kadagiti sabali pay a pagrebbengan, natudingan ni Sidney Rigdon babaen ti nadiosan a pannutok nga agbalin a para surat ti Propeta iti daytoy nga aramid (kitaen ti bersikulo 20). Kas pakauna iti kasuratanna iti daytoy a paltiing insurat ti Propeta: "Simmangpet ni Sidney Rigdon idi Disiembre [manipud iti Ohio] tapno agsaludsod iti Apo, ket simmurot kenkuana ni Edward Partridge.... Saan unay a nabayag simmangpet dagitoy dua a kabsat, kastoy ti kinuna ti Apo" (History of the Church, 1:128).
1–2, Kasano nga agbalin dagiti tao nga annak ti Dios; 3–7, Natudingan ni Sidney Rigdon a mamuniag ken mangitalek iti Espiritu Santo; 8–12, Gutugoten ti pammati dagiti tanda ken milagro; 13–16, Ipilianto dagiti katulongan ti Apo dagiti pagilian babaen ti bileg ti Espiritu; 17–19, Iggem ni Joseph Smith dagiti tulbek ti kinadatdatlag; 20–21, Agtungpalto ti napili iti aldaw a yaay ti Apo; 22–27, Maisalakanto ti Israel.
Benneg 36
Paltiing a naited ken ni Edward Partridge babaen ni Joseph Smith a Propeta, iti asideg ti Fayette, Nueva York, idi Disiembre 1830 (History of the Church, 1:131). (Kitaen ti paulo ti benneg 35.) Kinuna ti Propeta a "nasayaat a pagarigan ti kinarelihioso, ken maysa kadagiti naindaklan a tao ti Apo" ni Edward Partridge (History of the Church, 1:128).
1–3, Ipatay ti Apo dagiti dakulapna ken ni Edward Partridge babaen dagiti dakulap ni Sidney Rigdon; 4–8, Nasken a matudingan ti tunggal lalaki nga umawat iti ebanghelio ken iti kinasaserdote a mapan mangasaba.
Benneg 37
Paltiing a naited kada Joseph Smith a Propeta ken Sidney Rigdon, iti asideg ti Fayette, Nueva York, idi Disiembre 1830 (History of the Church, 1:139). Ditoy ti nakaitedan ti umuna a bilin maipanggep iti panaguummong iti daytoy a dispensasion.
1–4, Naawagan dagiti Santo nga aguummong iti Ohio.
Benneg 38
Paltiing a naited babaen ni Joseph Smith a Propeta, iti Fayette, Nueva York, idi 2 ti Enero 1831 (History of the Church, 1:140–143). Taripnong ti Simbaan ti pasamak.
1–6, Pinarsua ni Cristo amin a banag; 7–8, Adda iti tengnga dagiti Santona, a makakitanton kenkuana; 9–12, Agrupsa amin a lasag iti imatangna; 13–22, Inlatangna ti naikari a daga para kadagiti Santona ita ken iti agnanayon; 23–27, Nabilin dagiti Santo nga agkaykaysa ket agpipinnategda iti tunggal maysa a kasla agkakabsat; 28–29, Naipadles dagiti gubat; 30–33, Maikkan dagiti Santo iti bileg manipud iti ngato ket mapanda kadagiti amin a pagilian; 34–42, Mabilin ti Simbaan a mangtaripato kadagiti nakurapay ken agkasapulan ken mangtunton iti agnanayon a kinabaknang.
Benneg 39
Paltiing a naited ken ni James Covill babaen ni Joseph Smith a Propeta, iti Fayette, Nueva York, idi 5 ti Enero 1831 (History of the Church, 1:143–145). Nakitulag ni James Covill, a nagserbi a Bautista iti agarup nga uppat-a-pulo a tawen, iti Apo a tungpalenna ti ania man nga ibilin kenkuana ti Apo babaen ni Joseph a Propeta.
1–4, Adda bileg dagiti Santo nga agbalin nga annak ti Dios; 5–6, Ti yaawat iti ebanghelio yaawat ken ni Cristo; 7–14, Mabilin ni James Covill nga agpabuniag ken agtrabaho iti bangkag ti Apo; 15–21, Ikasaba dagiti katulongan ti Apo ti ebanghelio sakbay ti Maikadua a Yaay; 22–24, Maummongto dagiti umawat iti ebanghelio ita ken iti agnanayon.
Benneg 40
Paltiing a naited kada Joseph Smith a Propeta ken Sidney Rigdon, iti Fayette, Nueva York, idi Enero 1831 (History of the Church, 1:145). Sakbay a naisurat daytoy a paltiing, insurat ti Propeta, "Iti panangtallikud ni James Covill iti balikas ti Apo, ket nagsubli kadagiti sigud a pagbatayan ken tattaona, inted ti Apo kaniak ken ni Sidney Rigdon ti sumaganad a paltiing" (History of the Church, 1:145).
1–3, Pinataud ti buteng a maidadanes ken panagessem iti lubong ti itatallikud iti ebanghelio.
Benneg 41
Paltiing a naited iti Simbaan babaen ni Joseph Smith a Propeta, iti Kirtland, Ohio, idi 4 ti Pebrero 1831 (History of the Church, 1:146–147). Napartak ti yaadu dagiti kameng iti Sanga ti Simbaan iti Kirtland iti daytoy a panawen. Kas panangirugina iti daytoy a paltiing insurat ti Propeta, "Sigaganetget dagiti kameng a mangaramid iti pagayatan ti Dios, iti pannakaammoda, nupay adda dagiti karkarna a tignay ken sinsinan nga espiritu a nangserrek kadakuada...[ket] inted ti Apo iti Simbaan ti sumaganad" (History of the Church, 1:146–147).
1–3, Iturong dagiti elder ti Simbaan babaen ti espiritu ti pammaltiing; 4–6, Awaten ken salimetmetanto dagiti pudno a disipulo ti paglintegan ti Apo; 7–12, Nainaganan ni Edward Partridge nga obispo iti Simbaan.
Benneg 42
Paltiing a naited babaen ni Joseph Smith a Propeta, iti Kirtland, Ohio, idi 9 ti Pebrero 1831 (History of the Church, 1:148–154). Naawat iti imatang dagiti sangapulo-ket-dua nga elder ken iti pannakatungpal iti kari ti Apo a naaramid iti napalabas a maited ti "paglintegan" iti Ohio (kitaen ti benneg 38:32). Inlawlawag ti Propeta daytoy a paltiing a kas "panangawat iti paglintegan ti Simbaan" (History of the Church, 1:148).
1–10, Matudingan dagiti elder a mangikasaba iti ebanghelio, mangbuniag kadagiti mapasurot, ken mangbangon iti Simbaan; 11–12, Nasken a matudingan ken maordenanda ken mangisuro kadagiti pagbatayan ti ebanghelio a masarakan kadagiti nasantuan a kasuratan; 13–17, Mangisuro ken mangipadtoda babaen ti bileg ti Espiritu; 18–29, Nabilin dagiti Santo a saan a mamapatay, agtakaw, agulbod, agdederrep, makiabig, wenno agsao iti dakes a maibusor iti sabali; 30–39, Dagiti paglintegan a maaramid a mangsakup iti pannangted-pateg iti sanikua; 40–42, Makedngan ti kinapalangguad ken kinasadut; 43–52, Maagasan dagiti masakit babaen ti panangannurot kadagiti alagaden ken babaen ti pammati; 53–60, Iwanwan dagiti nasantuan a kasuratan ti Simbaan ken nasken a maiwaragawag iti lubong; 61–69, Maipalgakto ti disso ti Baro a Jerusalem ken dagiti kinadatdatlag iti pagarian; 70–73, Nasken a maaramat dagiti naikkan-pateg a sanikua a pangtulong kadagiti agrebbeng ti Simbaan; 74–93, Naaramid dagiti paglintegan a mangsakup iti panagdederrep, pannakiabig, panagpapatay, panagtakaw, ken panangipudno kadagiti basol.
Benneg 43
Paltiing a naited babaen ni Joseph Smith a Propeta, iti Kirtland, Ohio, idi Pebrero 1831 (History of the Church, 1:154–156). Iti daytoy a panawen sumagmamano a kameng ti Simbaan ti rirriribuken dagiti tao nga agkunkuna a mammaltiingda. Nagdamag ti Propeta iti Apo ket naawatna daytoy a surat a naiturong kadagiti elder ti Simbaan. Maipapan ti umuna a paset kadagiti banag ti pannakaiwardas ti Simbaan; linaon ti naud-udi a paset ti ballaag nga ited dagiti elder kadagiti pagilian iti daga.
1–7, Dumteng laeng dagiti paltiing ken bilin babaen ti maysa a natudingan; 8–14, Mapasanto dagiti Santo babaen ti nasantuan a panagtignayda iti imatang ti Apo; 15–22, Naibaon dagiti elder a mangyararaw iti panagbabawi ken mangisagana kadagiti tao iti naindaklan nga aldaw ti Apo; 23–28, Awagan ti Apo dagiti tao babaen ti timekna ken babaen dagiti bileg ti nakaparsuaan; 29–35, Dumtengto ti Millennium ken ti pannakaigalut ni Satanas.
Benneg 44
Paltiing a naited kada Joseph Smith a Propeta ken Sidney Rigdon, iti Kirtland, Ohio, idi arinunos ti Pebrero 1831 (History of the Church, 1:157). Iti pannakasurot kadagiti kasapulan a naikabil ditoy, nangituding ti Simbaan iti taripnong a maangay iti umuna a paset ti sumuno a Hunio.
1–3, Nasken nga aguummong dagiti elder iti taripnong, 4–6, Nasken a maurnosda a maibatay kadagiti paglintegan ti daga ken mataripatoda dagiti nakurapay.
Benneg 45
Paltiing a naited iti Simbaan babaen ni Joseph Smith a Propeta, iti Kirtland, Ohio, idi 7 ti Marso 1831 (History of the Church, 1:158–163). Iti panangirugina iti kasuratanna iti paltiingna, ilanad ti Propeta nga "iti daytoy a tawen ti Simbaan adu a sinsinan a palawag ken minamaag nga estoria ti naipablaak ken naiwaras, a pangtubeng kadagiti tao a mangamiris iti aramid wenno umawat iti pammati; ngem iti rag-o dagiti Santo...naawatko ti sumaganad" (History of the Church, 1:158).
1–5, Ni Cristo ti Mangibabaet kadatayo iti Ama; 6–10, Ti ebanghelio ti mensahero a mangisagana iti dana sakbay ti Apo; 11–15, Ti Apo a mismo ti nangawat kada Enoc ken dagiti kabsatna; 16–23, Impalgak ni Cristo dagiti tanda ti yaayna a kas naited iti Bantay ti Olibo; 24–38, Maisublinto ti ebanghelio, matungpalto ti panawen dagiti Gentil, ket agsaknapto iti daga ti makadadael a sakit; 39–47, Mayappengto dagiti tanda, pagsidsiddaawan, ken ti Panagungar iti Maikadua a Yaay; 48–53, Agtakderto ni Cristo iti Bantay ti Olibo, ket makitanto dagiti Hudio dagiti sugat kadagiti dakulap ken dapanna; 54–59, Agturayto ti Apo bayat ti Millennium; 60–62, Naiwanwan ti Propeta a mangirugi iti pannakaipatarus ti Baro a Tulag, babaen ti napateg a pakaammo a maipakaammonto; 63–75, Nabilin dagiti Santo a mangummong ken mangbangon iti Baro a Jerusalem, nga umayanto dagiti tao manipud iti amin a pagilian.
Benneg 46
Paltiing a naited iti Simbaan babaen ni Joseph Smith a Propeta, iti Kirtland, Ohio, idi 8 ti Marso 1831 (History of the Church, 1:163–165). Iti daytoy nasapa a panawen ti Simbaan, awan pay ti nabukel a naurnos nga annuroten ti panangiturong kadagiti annongen iti Simbaan. Nupay kasta, nagbalin a kasla sapasap ti kannawidan a panangawat laeng kadagiti kameng ken naregget nga agusig kadagiti miting iti sakramento ken dadduma pay a pagtitiponan ti Simbaan. Ipeksa daytoy a paltiing ti pagayatan ti Apo a mainaig iti pannakaituray ken pannakaiturong dagiti miting.
1–2, Mangiturong dagiti elder kadagiti miting kas panangiwanwan ti Nasantuan nga Espiritu; 3–6, Saan a rumbeng a mailaksid dagiti agsapsapul iti kinapudno kadagiti annongen ti sakramento; 7–12, Agdawat iti Dios ken sapulen dagiti sagut ti Espiritu; 13–26, Naited ti pannakainagan ti sumagmamano kadagitoy a sagut; 27–33, Naikkan dagiti dadaulo ti Simbaan iti bileg a mangrikna kadagiti sagut ti Espiritu.
Benneg 47
Paltiing a naited babaen ni Joseph Smith a Propeta, iti Kirtland, Ohio, idi 8 ti Marso 1831 (History of the Church, 1:166). Nagpaay ni Oliver Cowdery a mannalaysay ken para surat ti Simbaan sakbay daytoy a panawen. Saan a ginamgam ni John Whitmer ti matudingan a mannalaysay, ngem, iti pannakaidawat kenkuana nga agpaay iti daytoy a takem, imbagana a tungpalenna ti pagayatan ti Apo iti dayta a banag. Nagserbi idin a sekretario ti Propeta iti panagisurat iti adu a paltiing a naawat iti Fayette, Nueva York, a disso.
1–4, Napusgan ni John Whitmer a mangaramid iti pakasaritaan ti Simbaan ken agsurat para iti Propeta.
Benneg 48
Paltiing a naited babaen ni Joseph Smith a Propeta, iti Kirtland, Ohio, idi Marso 1831 (History of the Church, 1:166–167). Nagsaludsod ti Propeta iti Apo maipanggep iti wagas ti panaggatang iti daga a pagyanan dagiti Santo. Napateg daytoy a banag para iti panagdappat dagiti kameng ti Simbaan manipud iti dumaya nga Estados Unidos, iti panagtungpal iti bilin ti Apo a nasken nga agummongda iti Ohio (kitaen dagiti benneg 37:1–3; 45; 64).
1–3, Nasken nga ibinglayan dagiti Santo iti Ohio dagiti kabsatda iti dagdagada; 4–6, Nasken a gumatang dagiti Santo iti dagdaga, mangbangonda iti siudad, ken surotenda ti pammagbaga dagiti mangimaton a dadauloda.
Benneg 49
Paltiing a naited kada Sidney Sigdon, Parley P. Pratt, ken Leman Copley, babaen ni Joseph Smith a Propeta, iti Kirtland, Ohio, idi Marso 1831 (History of the Church, 1:167–169). (Sumagmamano a nagadawan iti pakasaritaan ti mangted iti petsa daytoy a paltiing a Mayo 1831.) Inawat ni Leman Copley ti ebanghelio ngem naggudeng pay laeng kadagiti sumagmamano a pannursuro dagiti Shaker [Manangbutbuteng] (Gunglo Dagiti Mamati iti Maikadua a Panagparang ni Cristo), a sigud a pakaibilanganna. Sumagmamano kadagiti pammati dagiti Shaker a napasamaken ti maikadua a yaay ni Cristo ken nagparang iti langa ti babai, a ni Ann Lee; saan a maibilang a nasken ti panagbuniag iti danum; naipangpangruna a maipawil ti panagsida iti baboy, ken adu ti di nagsida iti ania man a karne; ken maibilang a nangatngato nga agpang ti di panangasawa ngem iti panagasawa. Iti panangirugina iti daytoy a paltiing, insurat ti Propeta, "Tapno nalawlawag ti pannakaawat iti daytoy a saritaan, nagsaludsodak iti Apo, ket naawatko ti sumaganad" (History of the Church, 1:167). Barusngien ti paltiing ti sumagmamano a nakaibatayan ti kapanunotan ti ragup dagiti Shaker. Intugot dagiti kabsat a naagapad ti kopia ti paltiing iti purok dagiti Shaker (iti asideg ti Cleveland, Ohio) ket binasada a sibubukel, ngem dida inawat.
1–7, Agtalinaedto a di ammo ti aldaw ken oras a yaay ni Cristo agingga a dumteng; 8–14, Nasken nga agbabawi ti tao, mamati iti ebanghelio, ken agtungpal kadagiti ordinansa tapno maisalakan; 15–16, Imbilin ti Dios ti panagasawa; 17–21, Maipalubos ti panagsida iti karne; 22–28, Rumang-ayto ti Zion ken agbukar dagiti Lamanite a kas iti rosas sakbay ti Maikadua a Yaay.
Benneg 50
Paltiing a naited babaen ni Joseph Smith a Propeta, iti Kirtland, Ohio, idi Mayo 1831 (History of the Church, 1:170–173). Inlanad ti Propeta a sumagmamano kadagiti elder ti di makaawat iti panagpakita dagiti nadumaduma nga espiritu a nagwaras iti daga ken naited daytoy a paltiing a kas sungbat iti naisangsangayan a panagdamagna maipanggep iti dayta a banag. Saan a karkarna dagiti masasao a naespirituan a pagteng kadagiti kameng, sumagmamano kadakuada ti nagkuna nga umaw-awat kadagiti parmata ken paltiing.
1–5, Adu a sinsinan nga espiritu ti adda iti sabsabali a daga; 6–9, Ay-ay pay dagiti managinkukuna ken dagiti naisina iti Simbaan; 10–14, Ikasaba dagiti elder ti ebanghelio babaen ti Espiritu; 15–22, Nasken nga agpadpada nga iwanwan ti Espiritu dagiti mangaskasaba ken dagiti dumngeg; 23–25, Ti saan a mangitandudo saan a para iti Dios; 26–28, Dagiti napudno ti agtagikua iti amin a banag; 29–36, Masungbatan dagiti kararag dagiti napatarnaw; 37–46, Ni Cristo ti Naimbag a Pastor ken ti Bato ti Israel.
Benneg 51
Paltiing a naited babaen ni Joseph Smith a Propeta, iti Thompson, Ohio, idi Mayo 1831 (History of the Church, 1:173–174). Nangrugi a dimteng iti Ohio iti daytoy a panawen dagiti Santo nga agdappat manipud kadagiti estado iti dumaya, ket nasken ti pannakaaramid ti nalawag a pannakaurnos ti pagtaenganda. Gapu ta agpaay daytoy nga aramid iti saad ti obispo, dimmawat ni Obispo Edward Partridge iti panangiwanwan iti daytoy a banag, ket nagdamag ti Propeta iti Apo.
1–8, Natudingan ni Edward Partridge a mangurnos iti panangaywan ken kadagiti pagsanikuaan; 9–12, Nasken a napudno dagiti Santo iti pannakilangenda ken awan ti maidaddaduma; 13–15, Nasken nga addaanda iti pagidulinan ti obispo ken urnosenda dagiti pagsanikuaan a maibatay iti paglintegan ti Apo; 16–20, Saan nga agnanayon a paguummongan a lugar ti Ohio.
Benneg 52
Paltiing a naited kadagiti elder ti Simbaan babaen ni Joseph Smith a Propeta, iti Kirtland, Ohio, idi 7 ti Hunio 1831 (History of the Church, 1:175–179). Naangay ti taripnong iti Kirtland, a nangrugi iti maikatlo ken naggibus iti maikanem ti Hunio. Naaramid iti daytoy a taripnong ti umuna a naisalsalumina a panagorden iti takem ti nangato a saserdote, ken narikna ken nasuppiat ti nalawag a pannakaipakita dagiti sinsinan ken manangallilaw nga espiritu.
1–2, Natinong a maangay ti sumaruno a taripnong iti Missouri; 3–8, Natudingan dagiti napili nga elder a sangsangkamaysa nga agdaliasat; 9–11, Isuro dagiti elder ti insurat dagiti apostol ken propeta; 12–21, Mangidateng iti bungbunga ti panagdayaw ken kinasirib dagiti linawlawagan ti Espiritu; 22–44, Sumagmamano nga elder ti natudingan a mapan mangikasaba iti ebanghelio bayat ti panagdaliasatda a mapan makitaripnong iti Missouri.
Benneg 53
Paltiing a naited ken ni Algernon Sidney Gilbert babaen ni Joseph Smith a Propeta, iti Kirtland, Ohio, idi Hunio 1831 (History of the Church, 1:179–180). Babaen ti dawat ni Sidney Gilbert, dinamag ti Propeta iti Apo ti maipanggep iti aramid ken naituding ken ni Kabsat a Gilbert iti Simbaan.
1–3, Maordenan nga elder ti pagakeman ken pakapilian ni Sidney Gilbert iti Simbaan; 4–7, Agserbi met a pannakabagi ti obispo.
Benneg 54
Paltiing a naited ken ni Newel Knight babaen ni Joseph Smith a Propeta, iti Kirtland, Ohio, idi Hunio 1831 (History of the Church, 1:180–181). Nabingay dagiti kameng ti Simbaan iti sanga iti Thompson, Ohio, kadagiti saludsod nga adda pakainaiganna iti pannangted-pateg kadagiti sanikua. Naipakita ti kinaimut ken kinaagum, ket dinadael ni Leman Copley ti katulaganna a mangted-pateg iti nalawa a talonna a kas lugar a tawiden dagiti Santo nga aggapu iti Colesville, Nueva York. Nairaman met ni Ezra Thayre iti risiris. Kas nagbanaganna, immasideg da Newel Knight (presidente ti sanga iti Thompson) ken dadduma pay nga elder iti Propeta tapno damagenda no kasano ti maaramid. Dinamag ti Propeta iti Apo ket nayawat kenkuana daytoy a paltiing. (Kitaen met ti benneg 56, a tuloy daytoy a banag.)
1–6, Nasken a tungpalen dagiti Santo ti katulagan ti ebanghelio tapno magun-odda ti kaasi; 7–10, Nasken nga aganusda iti panagtutuok.
Benneg 55
Paltiing a naited ken ni William W. Phelps babaen ni Joseph Smith a Propeta, iti Kirtland, Ohio, idi Hunio 1831 (History of the Church, 1:184–186). Sangsangpet da William W. Phelps, ti agimalmaldit, ken ti kaamaanna iti Kirtland, ket sinapul ti Propeta iti Apo ti pakaammo maipanggep kenkuana.
1–3, Naawagan ken napili ni W. W. Phelps a mabuniagan, tapno maordenan nga elder, ken tapno mangikasaba iti ebanghelio; 4, Mangsurat met iti liblibro a para ubbing kadagiti pagadalan ti Simbaan; 5–6, Agdaliasat iti Missouri, nga isu ti disso a pagtrabahuanna.
Benneg 56
Paltiing a naited babaen ni Joseph Smith a Propeta, iti Kirtland, Ohio, idi Hunio 1831 (History of the Church, 1:186–188). Saan a marugian ni Ezra Thayre, ti natudingan nga agdaliasat nga agturong iti Missouri a kadua ni Thomas B. Marsh (kitaen ti benneg 52:22), ti misionna idi sisasaganan ti naud-udi. Saan a sisasagana ni Elder Thayre nga agtuloy iti panagdaliasatna gapu iti pannakairamanna kadagiti parikut iti Thompson, Ohio (kitaen ti paulo ti benneg 54). Sinungbatan ti Apo ti saludsod ti Propeta maipanggep iti dayta a banag babaen ti pannangtedna iti daytoy a paltiing.
1–2, Nasken a bagkaten dagiti Santo ti krusda ket surotenda ti Apo tapno magun-odda ti pannakaisalakan; 3–13, Agbilin ken mangwaswas iti bilin ti Apo, ket mapapanaw dagiti nasukir; 14–17, Ay-ayto dagiti baknang a di tumulong kadagiti nakurapay, ken ay-ayto dagiti nakurapay a di nasneban ti puspusoda; 18–20, Nagasat dagiti nakurapay a natarnaw ti panagpuspusoda, ta tawidendanto ti daga.
Benneg 57
Paltiing a naited babaen ni Joseph Smith a Propeta, iti Zion, Jackson County, Missouri, idi 20 ti Hulio, 1831 (History of the Church, 1:189–190). Iti panangtungpal iti bilin ti Apo (benneg 52), nagdaliasat dagiti elder a napan iti Missouri manipud iti Kirtland nga addaan iti nadumaduma a padas ken sumagmamano a tubeng. Iti panangpanunotna iti kasasaad dagiti Lamanite ken ti kinakurang iti sursuro, pannakamuli, ken pammati kadagiti kaaduanna a tattao, impukkaw ti Propeta iti agpakpakaasi a kararag: "Kaanonto nga agbukar ti langalang a kas iti rosas? Kaanonto a maipatakder ti Zion iti dayagna, ken sadinonto ti pagtakderan ti templom, nga umayanto amin dagiti pagilian kadagiti maudi nga aldaw?" (History of the Church, 1:189). Simmaruno ti pannakaawatna iti daytoy a paltiing.
1–3, Iti Independence, Missouri ti lugar a para iti Siudad ti Zion ken ti templo; 4–7, Nasken a gumatang dagiti Santo iti dagdaga ken umawatda kadagiti tawid iti dayta a disso; 8–16, Nasken a mangbangon ni Sidney Gilbert iti pagtagilakuan, agbalin nga agimalmaldit ni W. W. Phelps, ket ni Oliver Cowdery ti mangtarimaan kadagiti sinurat a maipablaak.
Benneg 58
Paltiing a naited babaen ni Joseph Smith a Propeta, iti Zion, Jackson County, Missouri, idi 1 ti Agosto 1831 (History of the Church, 1:190–195). Iti umuna a Domingo kalpasan ti idadateng ti Propeta ken ti bunggoyna iti Jackson County, Missouri, naangay ti miting ket dua a kameng ti naawat babaen ti panagbuniag. Iti uneg dayta a lawas, dimteng dagiti kameng a Santo ti Colesville manipud iti Sanga ti Thompson ken dadduma pay (kitaen ti benneg 54). Adu ti aggagar a mangadal iti pagayatan ti Apo maipanggep kadakuada iti baro a lugar a paguummongan.
1–5, Makoronaanto iti dayag dagiti makaandur iti panagtutuok; 6–12, Nasken nga agsagana dagiti Santo iti panagkallaysa ti Kordero ken ti pangrabii ti Apo; 13–18, Ukom iti Israel dagiti obispo; 19–23, Nasken a tungpalen dagiti Santo dagiti paglintegan ti daga; 24–29, Nasken nga aramaten dagiti tao ti wayawayada nga agaramid iti naimbag; 30–33, Agbilin ken mangwaswas iti bilin ti Apo; 34–43, Tapno makapagbabawi, nasken nga agpudno dagiti tao ken tallikudanda dagiti basolda; 44–58, Nasken a gumatang dagiti Santo iti tawidda ket aguummongda iti Missouri; 59–65, Nasken a maikasaba ti ebanghelio iti tunggal parsua.
Benneg 59
Paltiing a naited babaen ni Joseph Smith a Propeta, iti Zion, Jackson County, Missouri, idi 7 ti Agosto 1831 (History of the Church, 1:196–201). Sakbay ti panangisuratna iti daytoy a paltiing, insurat ti Propeta nga inlawlawag ti daga ti Zion, a naguummongan idi dagiti tao. Naikkan-pateg ti daga, a kas iti panangiwanwan ti Apo, ken naisagut ti disso a pakaipatakderanto ti templo. Inaramid ti Apo dagitoy a bilin a kangrunaan a maibagay kadagiti Santo iti Zion.
1–4, Mabendisionanto dagiti napudno a Santo iti Zion; 5–8, Nasken nga ayaten ken pagpaayanda ti Apo ken tungpalenda dagiti bilinna; 9–19, Babaen ti panangtungpalda a nasantuan ti aldaw ti Apo, mabendisionan dagiti Santo iti naindagaan ken naespirituan; 20–24, Maikarian dagiti nalinteg iti kappia iti daytoy a lubong ken iti agnanayon a biag iti umay a lubong.
Benneg 60
Paltiing a naited babaen ni Joseph Smith a Propeta, iti Jackson County, Missouri, idi 8 ti Agosto 1831 (History of the Church, 1:201–202). Iti daytoy a pasken tinarigagayan dagiti elder a natudingan nga agsubli iti Daya a maammuan no kasano ti panagtuloyda ken no ania nga ayo ken wagas ti panagdaliasatda.
1–9, Nasken a mangasaba dagiti elder kadagiti paguummongan dagiti nadangkes; 10–14, Nasken a dida dadaelen ti panawenda, wenno ilemmeng ti kabaelanda; 15–17, Mabalinda a bugguan dagiti sakada a kas pammaneknek a maibusor kadagiti mangsupring iti ebanghelio.
Benneg 61
Paltiing a naited babaen ni Joseph Smith a Propeta, iti igid ti Karayan Missouri, iti McIlwaine’s Bend, idi 12 ti Agosto 1831 (History of the Church, 1:202–205). Iti panagdaliasat nga agsubli iti Kirtland, nagdaliasat ti Propeta ken dagiti sangapulo nga elder a bimmaba iti Karayan Missouri babaen ti barangay. Iti maikatlo nga aldaw ti panagdaliasatda, adu a peggad ti napadasanda. Nakita ni Elder William W. Phelps, iti parmata iti aldaw, ti mangdadael nga agtatapaw ti bilegna iti danum.
1–12, Impaulog ti Apo ti adu a pannakadadael iti danum; 13–22, Inlunod ni Juan ti dandanum, ket agtapaw ti mangdadael; 23–29, Sumagmamano ti addaan iti bileg a mangbilin kadagiti danum; 30–35, Nasken nga agdaliasat dagiti elder a sagdudua a mangikasaba iti ebanghelio; 36–39, Nasken nga agsaganada iti yaay ti Anak ti Tao.
Benneg 62
Paltiing a naited babaen ni Joseph Smith a Propeta, iti igid ti Karayan Missouri iti Chariton, Missouri, idi 13 ti Agosto 1831 (History of the Church, 1:205–206). Iti daytoy nga aldaw sinabat ti Propeta ken ti bunggoyna, iti panagturongda iti Kirtland manipud iti Independence, ti sumagmamano nga elder nga agturong iti daga ti Zion, ket kalpasan ti naragsak a panagkikinnablaaw, inawatda daytoy a paltiing.
1–3, Maisurat iti langit dagiti pammaneknek; 4–9, Agdaliasat ken mangasaba dagiti elder a maibatay iti panangukom ken kas iti panangiturong ti Espiritu.
Benneg 63
Paltiing a naited babaen ni Joseph Smith a Propeta, iti Kirtland, Ohio, iti arinunos ti Agosto 1831 (History of the Church, 1:206–211). Simmangpet ti Propeta, da Sidney Rigdon, ken Oliver Cowdery iti Kirtland iti 27 ti Agosto, manipud iti isasarungkarda iti Missouri. Iti pakauna ti panangisuratna iti daytoy a paltiing, insurat ti Propeta, "Kadagitoy maladaga nga aldaw ti Simbaan, adda nagpaiduma a gagar a manggun-od iti balikas ti Apo iti tunggal pagsasaritaan a mabalin a pakaseknan ti pannakaisalakantayo; ket gapu ta ti daga ti Zion ti kapatgan ita iti imatang iti naindagaan, nagsaludsodak iti Apo iti pakaammuan maipapan iti panaguummong dagiti Santo, ken iti panaggatang iti daga, ken dadduma pay a banag" (History of the Church, 1:207).
1–6, Umayto ti aldaw ti pungtot kadagiti nadangkes; 7–12, Umay dagiti tanda babaen ti pammati; 13–19, Tallikudanto dagiti napeklan a mannakikamalala ti pammati ket maipuruakdanto iti dan-aw nga apuy; 20, Umawatto dagiti napudno iti tawid iti daga a nabalbaliwan-langana; 21, Ti sibubukel a pakaammuan kadagiti pasamak iti Bantay a Pakabalbaliwan-langa saan pay a naipalgak; 22–23, Awaten dagiti natulnog dagiti pagsidsiddaawan iti pagarian; 24–31, Nasken a magatang dagiti tawid iti Zion; 32–35, Ipaulog ti Apo ti gubgubat, ket papatayento dagiti nadangkes dagiti nadangkes; 36–48, Nasken nga aguummong dagiti Santo iti Zion ket mangtedda iti kuarta a pangbangon iti daytoy; 49–54, Naipatalged kadagiti napudno dagiti bendision iti Maikadua a Yaay, iti Panagungar, ken bayat ti Millennium; 55–58, Daytoy ti aldaw ti ballaag; 59–66, Binarengbareng dagiti nangaramat iti nagan ti Apo nga awanan iti turay.
Benneg 64
Paltiing a naited kadagiti elder ti Simbaan babaen ni Joseph Smith a Propeta, iti Kirtland, Ohio, idi 11 ti Septiembre 1831 (History of the Church, 1:211–214). Agsagsagana idi ti Propeta nga umakar iti Hiram, Ohio, a pangpabaruanna iti aramidna a panangipatarus iti Biblia, a naitungtungkua bayat ti kaaddana iti Missouri. Sipapasnek a nakiraman ti bunggoy dagiti kabsat a nabilin nga agdaliasat iti Zion (Missouri) iti panagsagana a pumanaw iti Oktubre. Iti daytoy nakumikom a panawen, naawat ti paltiing.
1–11, Nabilin dagiti Santo nga agpipinnakawan iti tunggal maysa, no saan agtalinaed kadakuada ti nakarkaro a basol; 12–22, Nasken a maidatag dagiti saan nga agbabawi iti Simbaan; 23–25, Saanto a mapuoran iti yaay ti Apo ti mangted iti apagkapullo; 26–32, Naballaagan dagiti Santo a maibusor iti utang; 33–36, Maisinanto iti Zion dagiti nasukir; 37–40, Kednganto ti Simbaan dagiti pagilian; 41–43, Rumang-ayto ti Zion.
Benneg 65
Paltiing a naited babaen ni Joseph Smith a Propeta, iti Hiram, Ohio, idi Oktubre 1831 (History of the Church, 1:218). Intuding ti Propeta a kas kararag daytoy a paltiing.
1–2, Naitalek iti tao iti daga dagiti tulbek ti pagarian ti Dios, ket agballiginto ti panggep ti ebanghelio; 3–6, Dumtengto ti sangaribu a tawen ti pagarian ti langit ken tumiponto iti pagarian ti Dios iti daga.
Benneg 66
Paltiing a naited babaen ni Joseph Smith a Propeta, iti Orange, Ohio, idi 25 ti Oktubre 1831 (History of the Church, 1:219–221). Daytoy ti immuna nga aldaw ti napateg a taripnong. Iti panangirugina iti daytoy a paltiing, insurat ti Propeta, "Iti dawat ni William E. McLellin, nagdamagak iti Apo, ket naawatko ti sumaganad" (History of the Church, 1:220).
1–4, Ti agnanayon a katulagan ti pakabuklan ti ebanghelio; 5–8, Nasken a mangikasaba, mamaneknek, ken mangikalintegan kadagiti tao dagiti elder; 9–13, Ipanamnama ti napudno a panangiwanwan a serbisio ti tawid iti agnanayon a biag.
Benneg 67
Paltiing a naited babaen ni Joseph Smith a Propeta, iti Hiram, Ohio, idi Nobiembre 1831 (History of the Church, 1:224–225). Naisangsangayan a taripnong ti pasken, ket napagsasaritaan ken naikeddeng ti pannakaipablaak dagiti paltiing a naawaten ti Propeta manipud iti Apo (kitaen ti paulo ti benneg 1). Napagnanamingan a nasken nga ipan da Oliver Cowdery ken John Whitmer dagiti manuskrito dagiti paltiing iti Independence, a pangipablaakan kadakuada ni W. W. Phelps a kas Libro dagiti Bilin. Adu kadagiti kakabsat ti nangiburay iti nasged a pammaneknekda a napudno unay dagiti paltiing a naurnos a maipablaak, a kas pinaneknekan ti Espiritu Santo a nangsallukob kadakuada. Insurat ti Propeta a kalpasan ti pannakaawat iti paltiing nga ammo a kas benneg 1, adda dagiti maisuppiat a kapanunotan maipanggep iti pagsasao a naaramat kadagiti paltiing. Simmaruno ti agdama a paltiing.
1–3, Mangngeg ti Apo dagiti kararag ket saluadanna dagiti elderna; 4–9, Karitenna dagiti kasiriban a tao a mangtulad uray no ti la kabassitan kadagiti paltiingna; 10–14, Tignayento ti Espiritu dagiti elder ket makitada ti rupa ti Dios.
Benneg 68
Paltiing a naited babaen ni Joseph Smith a Propeta, iti Hiram, Ohio, idi Nobiembre 1831, babaen ti dawat da Orson Hyde, Luke S. Johnson, Lyman E. Johnson, ken William E. McLellin (History of the Church, 1:227–229). Nupay naited daytoy a paltiing a sungbat ti araraw a maammuan koma ti panunot ti Apo maipanggep kadagiti nainaganan nga elder, nga ad-adu ti linaonna a maipanggep iti sangabukel a Simbaan.
1–5, Nasantuan a kasuratan dagiti balikas dagiti elder no tignayen ida ti Espiritu Santo; 6–12, Nasken a mangasaba ken mamuniag dagiti elder, ket sumaruno dagiti tanda kadagiti pudno a mamati; 13–24, Ti inauna kadagiti lallaki nga annak ni Aaron ti mabalin nga agserbi a Mangimatmaton nga Obispo (a kastoy, mangiggem kadagiti tulbek ti panguluen a kas obispo) babaen ti panangiturong ti Umuna a Panguluen; 25–28, Nabilin dagiti nagannak a mangisuro iti ebanghelio kadagiti annakda; 29–35, Nasken a ngilinen dagiti Santo ti Aldaw a Panaginana, agtrabahoda a sireregta, ken agkararagda.
Benneg 69
Paltiing a naited babaen ni Joseph Smith a Propeta, iti Hiram, Ohio, idi Nobiembre 1831 (History of the Church, 1:234–235). Naidatag ti pannakaurnong dagiti paltiing a naisangrat a para iti nasapa a pannakaipablaakna iti naisangsangayan a taripnong iti 1 ti Nobiembre. Idi 3 ti Nobiembre, nainayon ti makita ditoy a paltiing a kas benneg 133, ket maawagan iti Apendiks. Babaen ti aramid iti taripnong, natudingan ni Oliver Cowdery a mangipan iti manuskrito dagiti naurnong a paltiing ken bilin iti Independence, Missouri, tapno maimaldit. Itugotna met ti kuarta a nayabuloy a para iti pannakaipatakder ti Simbaan iti Missouri. Gapu ta iti panagdaliasatna aglasat iti awan pay matagtagitao a pagilian a mangiturong kenkuana iti sibilisado a lugar, nasken ti kaduana nga agdaliasat.
1–2, Kuyogen ni John Whitmer ni Oliver Cowdery a mapan iti Missouri; 3–8, Mangasaba met ken agur-or, agilista, ken agsurat iti pakaammuan iti paspasamak.
Benneg 70
Paltiing a naited babaen ni Joseph Smith a Propeta, iti Kirtland, Ohio, idi 12 ti Nobiembre 1831 (History of the Church, 1:235–237). Nailanad iti pakasaritaan nga insurat ti Propeta nga uppat a naisangsangayan a taripnong ti naangay manipud iti umuna agingga iti maika-12 nga aldaw ti Nobiembre, a nagsasaganad. Iti naudi kadagitoy a panaguummong, napagsasaritaan ti dakkel a kaipapanan ti Libro dagiti Bilin, a naawagan idi agangay iti Doktrina ken Katulagan; ket inladawan ti Propeta a kas "pamuon ti Simbaan kadagitoy maudi nga aldaw, ket pagsayaatan ti lubong, mangipakita a naitalek manen iti tao dagiti tulbek dagiti kinadatdatlag iti pagarian ti Mangisalakantayo" (History of the Church, 1:235).
1–5, Matudingan dagiti agaywan a mangipablaak kadagiti paltiing; 6–13, Maikari nga umawat iti tangdan dagiti agtrabaho kadagiti naespirituan a banag; 14–18, Nasken nga agpapatas dagiti Santo kadagiti naindagaan a banag.
Benneg 71
Paltiing a naited kada Joseph Smith a Propeta ken Sidney Rigdon, iti Hiram, Ohio, idi 1 ti Disiembre, 1831 (History of the Church, 1:238–239). Intuloy ti Propeta nga impatarus ti Biblia a ni Sidney Rigdon ti para suratna agingga a naawat daytoy a paltiing, a naisanud pay laeng iti dayta a panawen tapno maikkanda iti gundaway a mangtungpal iti panangiwanwan a naited ditoy. Mapan dagiti kakabsat a mangasaba tapno maalep-epda ti sumagibar a rikna a rimmaba a maisuppiat iti Simbaan a bunga ti pannakaipablaak ti sumagmamano a warnakan kadagiti sinurat ni Ezra Booth, a kimmalilis.
1–4, Naibaon da Joseph Smith ken Sidney Rigdon a mangipakdaar iti ebanghelio; 5–11, Mapagulimek dagiti kabusor dagiti Santo.
Benneg 72
Paltiing a naited babaen ni Joseph Smith a Propeta, iti Kirtland, Ohio, idi 4 ti Disiembre 1831 (History of the Church, 1:239–241). Sumagmamano nga elder ken kameng ti naguummong a mangadal iti pagrebbenganda ken ad-adda a maipasagepsep kadakuada dagiti pannursuro ti Simbaan. Natipon iti daytoy a benneg ti dua a paltiing a naawat iti isu met la nga aldaw. Ipakaammo dagiti bersikulo 1–8 ti pannakatuding ni Newel K. Whitney nga obispo. Natudingan ken naordenan kalpasanna, kalpasan ti pannakaawat kadagiti bersikulo 9–26, a mangted iti ad-adu pay a pakaammuan kadagiti pagrebbengan ti obispo.
1–8, Nasken a mangidatag dagiti elder iti obispo iti pakaammuan iti panagaywanda; 9–15, Saluadan ti obispo ti pagidulinan ken taripatuenna dagiti nakurapay ken agkasapulan; 16–26, Nasken dagiti obispo ti mangpaneknek iti pannakaikari dagiti elder.
Benneg 73
Paltiing a naited kada Joseph Smith a Propeta ken Sidney Rigdon, iti Hiram, Ohio, idi 10 ti Enero 1832 (History of the Church, 1:241–242). Manipud kadagiti umuna nga aldaw ti napalabas a Disiembre, nakumikomen ti Propeta ken ni Sidney a mangasaba, ket kaipapanan daytoy ti adu a naiwakas iti pannakaksay dagiti saan a nasayaat a rikna a rimsua a maibusor iti Simbaan (kitaen ti paulo ti benneg 71).
1–2, Nasken nga ituloy dagiti elder ti mangasaba; 3–6, Nasken nga ituloy da Joseph Smith ken Sidney Rigdon nga ipatarus ti Biblia agingga a malpas.
Benneg 74
Paltiing a naited ken ni Joseph Smith a Propeta, iti Hiram, Ohio, idi Enero 1832 (History of the Church, 1:242). Insurat ti Propeta: "Kalpasan ti pannakaawatko iti kallabes a balikas ti Apo [DkK 73], intuloyko nga impatarus dagiti Nasantuan a Kasuratan, ket nagtrabahuak a sireregta agingga iti sakbay la unay ti taripnong, a naaramid idi 25 ti Enero. Bayat daytoy a panawen naawatko met ti sumaganad, a kas pangilawlawag iti 1 Taga Corinto 7:14" (History of the Church, 1:242).
1–5, Patigmaanan ni Pablo ti Simbaan iti aldawna a saan a mangsurot iti paglintegan ni Moises; 6–7, Nasantuan ken mapasanto dagiti babassit nga ubbing babaen ti Pannakasubbot.
Benneg 75
Paltiing a naited babaen ni Joseph Smith a Propeta, iti Amherst, Ohio, idi 25 ti Enero 1832 (History of the Church, 1:242–245). Napasamak ti immun-una a taripnong. Iti daytoy a taripnong nakanunongan ken naordenan ni Joseph Smith a Presidente ti Nangato a Kinasaserdote. Sumagmamano nga elder, a nakasagang iti parikut a mangipaawat kadagiti tao iti mensaheda, ti nagtarigagay a mangadal iti ad-adda a pannakailawlawag dagiti pagrebbenganda. Siimmaruno daytoy a paltiing.
1–5, Magun-od dagiti napudno nga elder a mangikasaba iti ebanghelio ti agnanayon a biag; 6–12, Agkararagkayo tapno maawattayo ti Mangliwliwa, a mangisuro iti amin a banag; 13–22, Agtugawto iti pangukoman dagiti elder kadagiti mangsuppiat iti mensaheda; 23–36, Nasken nga umawat iti kaamaan dagiti misionario iti tulong manipud iti Simbaan.
Benneg 76
Ti parmata a naited kada Joseph Smith a Propeta ken Sidney Rigdon, iti Hiram, Ohio, idi 16 ti Pebrero 1832 (History of the Church, 1:245–252). Iti panangirugi ti Propeta iti daytoy naisurat a parmata insuratna: "Iti panagsublik manipud iti taripnong iti Amherst, intuloyko ti nagipatarus kadagiti Nasantuan a Kasuratan. Manipud iti nadumaduma a paltiing a naawat, nalawag nga adu a napateg a punto a mangsagid iti pannakaisalakan ti tao ti naadaw manipud iti Biblia, wenno napukaw sakbay ti pannakaurnongna. Nakalawlawag kadagiti nabati a kinapudno, a no gunggonaan ti Dios ti tunggal maysa a maibatay iti aramid a naaramid iti bagi, ti balikas a 'Langit,' a naikari a para iti agnanayon a taeng dagiti Santo, nasken a mangiraman iti ad-adu a pagarian ngem iti maysa. Maibatay itoy,...bayat ti panangipatarusko iti Ebanghelio ni San Juan, nakitami ken ni Elder Rigdon ti sumaganad a parmata" (History of the Church, 1:245). Naited daytoy a parmata kalpasan ti panangipatarus ti Propeta iti Juan 5:29.
1–4, Dios ti Apo; 5–10, Maipakitanto kadagiti amin a napudno dagiti datdatlag iti pagarian; 11–17, Dumtengto ti amin iti panagungar dagiti nalinteg ken killo; 18–24, Annakto ti Dios dagiti agindeg iti adu a lubong babaen ti pannubbot ni Jesucristo; 25–29, Natnag ti anghel ti Dios ket nagbalin a sairo; 30–49, Agsagabanto dagiti annak a lallaki ti manangdadael iti agnanayon a lunod; magun-odto amin a sabsabali ti tukad ti pannakaisalakan; 50–70, Dagiti gloria ken gunggona dagiti naitan-ok a tao iti celestial a pagarian ket nailadawan; 71–80, Dagiti agtawidto iti terestrial a pagarian nailadawanda; 81–113, Kasasaad dagiti adda iti telestial, terestrial, ken celestial a gloria; 114–119, Mabalin a makita amin dagiti napudno ken maawatan dagiti datdatlag ti pagarian ti Dios babaen ti bileg ti Nasantuan nga Espiritu.
Benneg 77
Paltiing a naited ken ni Joseph Smith a Propeta, iti Hiram, Ohio, idi Marso 1832 (History of the Church, 1:253–255). Insurat ti Propeta, "Mainaig iti pannakaipatarus dagiti Nasantuan a Kasuratan, a naawatko ti sumaganad a palawag iti Apocalipsis ni San Juan" (History of the Church, 1:253).
1–4, Adda espiritu dagiti ayup ket agtaengdanto iti agnanayon a ragsak iti saan a matay a daga; 5–7, Agpaut daytoy a daga iti 7,000 a tawen; 8–10, Nadumaduma nga anghel ti mangisubli iti ebanghelio ken agserbi iti daga; 11, Ti pannakapatalged dagiti 144,000; 12–14, Umay ni Cristo iti rugi ti maikapito ribu a tawen; 15, Duanto a propeta ti tumanor iti pagilian dagiti Hudio.
Benneg 78
Paltiing a naited babaen ni Joseph Smith a Propeta, iti Hiram, Ohio, idi Marso 1832 (History of the Church, 1:255–257). Ti bilin nga inted ti Apo ken ni Joseph Smith para iti pannakabangon ti pagidulinan iti agpaay kadagiti marigrigat. Saan a kanayon a makaay-ayo ti pannakaipakaammo iti lubong ti kinasiasino dagiti tao nga inagapad ti Apo kadagiti paltiing; ngarud, iti pannakaipablaak daytoy ken sumagmamano a simmaruno a paltiing naagapad dagiti kabsat iti sabali a saan a ti pudno a naganda. Idi saanen a nasken ti pannakailimed ti nagan dagiti di am-ammo a tao, naiteden ti pudno a naganda manipud idin iti saklot ti pangidasig. Gapu ta saanen a nasken ita ti panagaramat iti parbo a nagan, dagiti laengen pudno a nagan ti naaramat ditoy a kas naited kadagiti orihinal a manuskrito.
1–4, Nasken a mangurnos ken mangbangon dagiti Santo iti pagidulinan; 5–12, Mangiturong iti pannakaisalakan ti nainsiriban a pannakaaramat dagiti sanikuada; 13–14, Nasken a nawaya ti Simbaan kadagiti naindagaan a bileg; 15–16, Agserbi ni Miguel (Adan) babaen ti panangiturong ti Nasantuan (Cristo); 17–22, Nagasat dagiti napudno, ta tawidendanto amin a banag.
Benneg 79
Paltiing a naited babaen ni Joseph Smith a Propeta, iti Hiram, Ohio, idi Marso 1832 (History of the Church, 1:257).
1–4, Natudingan ni Jared Carter a mangikasaba iti ebanghelio babaen ti Mangliwliwa.
Benneg 80
Paltiing a naited babaen ni Joseph Smith a Propeta, iti Hiram, Ohio, idi Marso 1832 (History of the Church, 1:257).
1–5, Natudingan da Stephen Burnett ken Eden Smith a mangasaba iti sadino man a lugar a kayatda.
Benneg 81
Paltiing a naited babaen ni Joseph Smith a Propeta, iti Hiram, Ohio, idi Marso 1832 (History of the Church, 1:257–258). Natudingan ni Frederick G. Williams a nangato a saserdote ken mamalbalakad iti Panguluen ti Nangato a Kinasaserdote. Ipakita dagiti naisurat a pakasaritaan nga idi maawat daytoy a paltiing idi Marso 1832, tinudinganna ni Jesse Gause iti takem a mamalbalakad ni Joseph Smith iti Panguluen. Nupay kasta, idi nagkamtud a mangituloy iti wagas a mainugot iti daytoy a pannakatuding, nayakar kalpasanna daytoy nga akem ken ni Frederick G. Williams. Maibilang koma ti paltiing (a napetsaan iti Marso 1832) nga addang nga agturong iti pudno a pannakabukel ti Umuna a Panguluen, a naipangruna ti akem para iti saad ti mamagbaga iti dayta a bagi ken mangilawlawag iti kinapateg ti pannakatuding. Saan a nagpaut ti panagserbi ni Kabsat a Gause, ta naikkat iti Simbaan idi Disiembre 1832. Naordenan ni Kabsat a Williams iti dayta a takem idi 18 ti Marso, 1833.
1–2, Iggem a kanayon ti Umuna a Panguluen dagiti tulbek ti pagarian; 3–7, No napudno ni Frederick G. Williams iti panagserbina, maaddaanto iti agnanayon a biag.
Benneg 82
Paltiing a naited ken ni Joseph Smith a Propeta, iti Jackson County, Missouri, idi 26 ti Abril 1832 (History of the Church, 1:267–269). Kangrunaan a taripnong ti Simbaan ti pasken a nakakanunongan ni Joseph Smith a Propeta a Presidente ti Nangato a Kinasaserdote, ti takem a nakaordenanna iti napalabas a taripnong dagiti nangato a saserdote, elder, ken kameng, iti Amherst, Ohio, idi 25 Enero 1832 (kitaen ti paulo ti benneg 75). Iti napalabas naaramat dagiti karkarna a nagan iti pannakaipablaak daytoy a paltiing a pangipalgakan iti kinasiasino dagiti nainaganan a tao (kitaen ti paulo ti benneg 78).
1–4, No adu ti maited, adu met ti kasapulan; 5–7, Agari ti sipnget iti lubong; 8–13, Maragsakan ti Apo no aramidentayo ti ibagana; 14–18, Nasken a mapapintas ken mapasanto pay ti Zion; 19–24, Nasken a tun-oyen ti tunggal tao ti pagsayaatan ti padana a tao.
Benneg 83
Paltiing a naited babaen ni Joseph Smith a Propeta, iti Independence, Missouri, idi 30 ti Abril 1832 (History of the Church, 1:269–270). Naawat daytoy a paltiing bayat ti pannakimitingna kadagiti kabsatna.
1–4, Adda kalintegan dagiti babbai ken ubbing nga abastuan ida dagiti assawa ken ammada; 5–6, Adda kalintegan dagiti balo ken ulila nga abastuan ida ti Simbaan.
Benneg 84
Paltiing a naited babaen ni Joseph Smith a Propeta, iti Kirtland, Ohio, idi 22 ken 23 ti Septiembre 1832 (History of the Church, 1:286–295). Iti bulan ti Septiembre, rinugian dagiti elder ti nagsubli manipud kadagiti misionda kadagiti estado iti dumaya ken ti panagidatagda kadagiti pakaammoda kadagiti aramidda. Addada iti kastoy a panagdedenna iti daytoy a panawen ti rag-o ti pannakaawat iti sumaganad a pannakisarita. Imbilang ti Propeta daytoy a paltiing maipanggep iti kinasaserdote.
1–5, Mabangonto ti Baro a Jerusalem ken ti templo iti Missouri; 6–17, Maited ti panagsasaganad ti kinasaserdote manipud ken ni Moises agingga ken ni Adan; 18–25, Ti nangatngato a kinasaserdote ti mangannong kadagiti ordinansa ti ebanghelio; 26–32, Ti nababbaba a kinasaserdote ti mangannong iti pangisagana nga ebanghelio; 33–44, Magun-od dagiti tao ti agnanayon a biag babaen ti sapata ken katulagan ti kinasaserdote; 45–53, Lawlawagan ti Espiritu ni Cristo dagiti tao, ket agpannuray ti lubong iti basol; 54–61, Nasken nga ipaneknek dagiti Santo dagiti banag a naawatda; 62–76, Ikasabada ti ebanghelio, ket sumarunonto dagiti tanda; 77–91, Mapan dagiti elder nga awanan iti petaka wenno maleta, ket ti Apo ti makaammo iti kasapulanda; 92–97, Angol ken lunod ti agur-uray kadagiti saan a mamati iti ebanghelio; 98–102, Ti baro a kanta iti pannakasubbot ti Zion; 103–110, Pagakamenyo ti tunggal tao iti takemna ket agtrabaho iti pagrebbenganna; 111–120, Ipakdaar dagiti katulongan ti Apo ti makarimon nga aramid ti liday kadagiti maudi nga aldaw.
Benneg 85
Paltiing a naited babaen ni Joseph Smith a Propeta, iti Kirtland, Ohio, idi 27 ti Nobiembre 1832 (History of the Church, 1:298–299). Naadaw daytoy a benneg iti surat ti Propeta ken ni W.W. Phelps, nga agnanaed idi iti Independence, Missouri. Naited daytoy a sungbat dagiti saludsod maipanggep kadagiti Santo nga immakar iti Zion ngem saan a nakaawat iti tawid a maibatay iti nabangon a timpuyog ti Simbaan.
1–5, Maawat dagiti tawid iti Zion babaen ti pannangted-pateg; 6–12, Maysa a nabileg ken napigsa ti mangtedto kadagiti Santo iti tawidda iti Zion.
Benneg 86
Paltiing a naited babaen ni Joseph Smith a Propeta, iti Kirtland, Ohio, idi 6 ti Disiembre 1832 (History of the Church, 1:300). Naawat daytoy a paltiing bayat ti panangam-amiris ken panangtartarimaan ti Propeta iti manuskrito ti patarus ti Biblia.
1–7, Ited ti Apo ti kaipapanan ti pangngarig ti trigo ken ruruot; 8–11, Inlawlawagna ti bendision ti kinasaserdote kadagiti maikari nga agtawid a maibatay iti lasag.
Benneg 87
Paltiing ken padto iti gubat, naited babaen ni Joseph Smith a Propeta, idi 25 ti Disiembre 1832 (History of the Church, 1:301–302). Naawat daytoy a benneg iti panawen a panagpampanunot ken panagsisinnukat ti kapanunotan dagiti kabsat maipapan iti pannakaadipen dagiti Aprikano iti kontinente ti America ken ti pannakaadipen dagiti annak ti tattao iti intero a lubong.
1–4, Naipadto ti gubat iti nagbaetan ti Amianan nga Estado ken ti Abagatan nga Estado; 5–8, Nakaro a didigra ti mapasamakto kadagiti amin nga agindeg iti daga.
Benneg 88
Paltiing a naited babaen ni Joseph Smith a Propeta iti Kirtland, Ohio, idi 27 ti Disiembre 1832 (History of the Church, 1:302–312). Intuding ti Propeta a kas "bulong ti olibo...a naala manipud iti Kayo ti Paraiso, ti mensahe ti Apo iti kappia kadatayo" (History of the Church, 1:312). Nailanad kadagiti kasuratan ti pakasaritaan a naawat dagiti paset ti paltiing idi 27 ken 28 ti Disiembre 1832 ken idi 3 ti Enero 1833.
1–5, Awaten dagiti napudno a Santo dayta a Mangliwliwa nga isu ti kari ti agnanayon a biag; 6–13, Matengngel ken maiturong amin a banag babaen ti Silaw ni Cristo; 14–16, Dumteng ti Panagungar babaen ti Pannakasubbot; 17–31, Ti panangtungpal iti paglintegan ti celestial, terestrial, wenno telestial a pagarian isaganana dagiti tao kadagiti naituding kadakuada a pagarian ken gloria; 32–35, Agtalinaedto pay laeng a narugit dagiti agnunog iti basol; 36–41, Iturong ti paglintegan amin a pagarian; 42–45, Inikkan ti Dios iti paglintegan dagiti amin a banag; 46–50, Matukodto ti tao uray ti Dios; 51–61, Ti pangngarig ti tao iti panangibaonna kadagiti katulonganna iti talon ken ti panangsarungkarnanto kadakuada; 62–73, Umasidegkayo iti Apo, ket makitayonto ti rupana; 74–80, Pasantuenyo ti bagbagiyo ket isuroyo iti tunggal maysa dagiti doktrina ti pagarian; 81–85, Nasken a ballaagan ti tunggal tao a naballaaganen ti padana a tao; 86–94, Isagana dagiti tanda, riribuk dagiti elemento, ken dagiti anghel ti dalan iti yaay ti Apo; 95–102, Agsasaruno dagiti natay nga awagan dagiti anghel babaen ti trumpeta; 103–116, Ipakdaar dagiti anghel babaen ti trumpeta ti pannakaisubli ti ebanghelio, ti pannakatnag ti Babilonia, ken ti dangadang ti naindaklan a Dios; 117–126, Agadalkayo, mangipasdekkayo iti balay ti Dios (ti templo), ken kawesanyo ti bagbagiyo iti mamagkakamet a kaasi; 127–141, Naituding ti urnos ti Pagadalan dagiti Propeta, a pakairamanan ti ordinansa iti panangbuggo kadagiti dapan.
Benneg 89
Paltiing a naited babaen ni Joseph Smith a Propeta, iti Kirtland, Ohio, idi 27 ti Pebrero 1833 (History of the Church, 1:327–329). Kas nagbanagan ti miting dagiti nagkauna a kakabsat nga agar-aramat iti tabako, naiturong ti Propeta nga agutob maipanggep iti daytoy a banag; kas nagbanaganna nagdamag iti Apo maipanggep iti daytoy. Daytoy a paltiing, a maawagan iti Nainsiriban a Balikas, ti banagna. Immun-una a naisurat dagiti tallo nga umuna a bersikulo a kas naparegta a pakauna ken pangilawlawag ti Propeta.
1–9, Maiparit ti panagaramat iti arak, naingel nga inumen, tabako, ken dagiti napudot nga inumen; 10–17, Naisangrat nga aramaten ti tao ken dagiti ayup dagiti ruot, bungbunga, karne, ken bukbukel; 18–21, Panagtungpal iti paglintegan ti ebanghelio, a pakairamanan ti Nainsiriban a Balikas, ti mangipaay iti bendision a naindagaan ken naespirituan.
Benneg 90
Paltiing ken ni Joseph Smith a Propeta, a naited iti Kirtland, Ohio, idi 8 ti Marso 1833 (History of the Church, 1:329–331). Daytoy a paltiing ti agtultuloy nga addang iti pannakabukel ti Umuna a Panguluen (kitaen ti paulo ti benneg 81); ket kas banagna naordenan dagiti naagapad a mamalbalakad idi 18 Marso 1833.
1–5, Naitalek dagiti tulbek ti pagarian ken ni Joseph Smith ken iti Simbaan babaen kenkuana; 6–7, Nasken nga agserbi da Sidney Rigdon ken Frederick G. Williams iti Umuna a Panguluen; 8–11, Nasken a maikasaba ti ebanghelio kadagiti pagilian iti Israel, kadagiti Gentil, ken kadagiti Hudio, mangngeg ti tunggal tao iti bukodna a pagsasao; 12–18, Nasken nga urnosen ni Joseph Smith ken dagiti mamalbalakadna ti Simbaan; 19–37, Sumagmamano a tao ti bagbagaan ti Apo a magna a sililinteg ken agserbi iti pagarianna.
Benneg 91
Paltiing a naited babaen ni Joseph Smith a Propeta, iti Kirtland, Ohio, idi 9 ti Marso 1833 (History of the Church, 1:331–332). Makumikom ti Propeta a mangipatpatarus iti Daan a Tulag iti daytoy a panawen. Iti pannakadanonna iti dayta a paset ti nagkauna a sinurat a managan Apocrypha, nagdamag iti Apo ket naawatna daytoy a panangiwanwan.
1–3, Agarup umno ti pannakaipatarus ti Apocrypha ngem adu ti linaonna nga innayon ti ima dagiti tao a saan a pudno; 4–6, Mairanud dagiti paglawagen ti Espiritu.
Benneg 92
Paltiing a naited ken ni Joseph Smith a Propeta, iti Kirtland, Ohio, idi 15 ti Marso 1833 (History of the Church, 1:333). Naiturong ti paltiing ken ni Frederick G. Williams, a natudingan iti kallabes a mamalbalakad iti Umuna a Panguluen.
1–2, Mangted ti Apo iti bilin maipanggep iti pannakaawat iti sangsangkamaysa a timpuyog.
Benneg 93
Paltiing a naited babaen ni Joseph Smith a Propeta, iti Kirtland, Ohio, idi 6 ti Mayo 1833 (History of the Church, 1:343–346).
1–5, Makitanto amin dagiti napudno ti Apo; 6–18, Pinaneknekan ni Juan a nagtultuloy nga immawat iti parabur ti Anak ti Dios agingga a naawatna ti pakabuklan ti gloria ti Ama; 19–20, Dagiti napudno a tao, a dumurdur-as ti naespirituan a bilegda, awatendanto met ti pakabuklanna; 21–22, Dagiti naipasngay babaen ni Cristo ti Simbaan ti Inauna; 23–28, Naawat ni Cristo ti pakabuklan ti amin a kinapudno, kasta met ti tao babaen ti panagtungpal; 29–32, Kadua ti tao ti Dios idi punganay; 33–35, Agnanayon dagiti elemento, ket mabalin a maawat ti tao ti pakabuklan ti rag-o iti Panagungar; 36–37, Kinasaririt ti gloria ti Dios; 38–40, Inosente dagiti ubbing iti imatang ti Dios gapu iti panangsubbot ni Cristo; 41–53, Mabilin dagiti mangidadaulo a kakabsat a mangurnos kadagiti kaamaanda.
Benneg 94
Paltiing a naited babaen ni Joseph Smith a Propeta, iti Kirtland, Ohio, idi 6 ti Mayo 1833 (History of the Church, 1:346–347). Natudingan da Hyrum Smith, Reynolds Cahoon, ken Jared Carter iti komite ti panagipasdek ti Simbaan.
1–9, Nangted ti Apo iti bilin a mayappeng iti pannakapatakder ti balay a pagtrabahuan ti Panguluen; 10–12, Mabangon ti balay a pagimalditan; 13–17, Mailatang dagiti sumagmamano a tawid.
Benneg 95
Paltiing a naited babaen ni Joseph Smith a Propeta, iti Kirtland, Ohio, idi 1 ti Hunio 1833 (History of the Church, 1:350–352). Kasilpo daytoy a paltiing dagiti nailangitan a panangiwanwan a mangbangon kadagiti balay a pagdaydayawan ken pagisuruan, kangrunaanna ti Balay ti Apo (kitaen ti benneg 88:119–136 ken benneg 94).
1–6, Madusa dagiti Santo iti dida panangbangon iti balay ti Apo; 7–10, Tarigagayan ti Apo nga aramaten ti balayna a pangyawatanna iti talugading kadagiti taona babaen ti bileg nga aggapu iti ngato; 11–17, Maidaton ti balay a pagdaydayawan ken pagadalan dagiti Apostol.
Benneg 96
Paltiing a naited ken ni Joseph Smith a Propeta, a mangipakita iti pannakabukel ti siudad wenno istaka ti Zion iti Kirtland, Ohio, idi 4 ti Hunio 1833, a pagarigan dagiti Santo iti Kirtland (History of the Church, 1:352–353). Taripnong ti pasken dagiti nangato a saserdote, ket kangrunaan a napagsasaritaan ti pannakailako ti daga, a managan iti talon a French, a tinagikua ti Simbaan iti asideg ti Kirtland. Gapu ta saan a makapagtutunos ti taripnong no asino ti mangaywan iti talon, nagnanamingan ti amin a saludsodenda iti Apo ti maipanggep iti daytoy a banag.
1, Mapapigsa ti Istaka ti Zion iti Kirtland; 2–5, Bingaybingayen ti obispo dagiti tawid para kadagiti Santo; 6–9, Agkameng ni John Johnson iti sangsangkamaysa a timpuyog.
Benneg 97
Paltiing a naited babaen ni Joseph Smith a Propeta, iti Kirtland, Ohio, idi 2 ti Agosto 1833 (History of the Church, 1:400–402). Naitalimudok daytoy a paltiing kadagiti aramid dagiti Santo iti Zion, Jackson County, Missouri, kas sungbat iti panagdamag ti Propeta iti Apo iti pakaammuan. Kairut idi ti pannakaidadanes dagiti kameng ti Simbaan iti Missouri, ket idi 23 ti Hulio 1833, napilitanda a nagpirma iti napagnamingan nga ipapanawda iti Jackson County.
1–2, Adu kadagiti Santo iti Zion (Jackson County, Missouri) ti nabendisionan gapu iti kinapudnoda; 3–5, Napadayawan ni Parley P. Pratt iti trabahona iti pagadalan iti Zion; 6–9, Awaten ti Apo dagiti agtungpal kadagiti katulaganda; 10–17, Mabangon ti balay iti Zion a pakakitaan dagiti natarnaw ti panagpuspusona iti Dios; 18–21, Ti Zion ti natarnaw ti panagpuspusona; 22–28, Maliklikanto ti Zion ti pungtot ti Dios no napudno.
Benneg 98
Paltiing a naited babaen ni Joseph Smith a Propeta, iti Kirtland, Ohio, idi 6 ti Agosto 1833 (History of the Church, 1:403–406). Immay daytoy a paltiing a bunga ti pannakaidadanes dagiti Santo iti Missouri. Gagangay a marikna dagiti Santo iti Missouri, ta nagsagaba ti bagbagida ken napukaw dagiti sanikuada, ti panggep a bumales ken agibales. Ngarud, inted ti Apo daytoy a paltiing. Nupay awan duadua a nakadanon iti Propeta iti Kirtland (siam-a-gasut a milia ti kaadayo), ti sumagmamano a damag iti parikut iti Missouri, dimmanon la kenkuana iti daytoy a petsa babaen ti paltiing ti kadagsen ti kasasaad.
1–3, Pagimbaganto dagiti Santo dagiti panagrigrigatda; 4–8, Isinged dagiti Santo ti bagbagida iti pagalagadan ti paglintegan ti daga; 9–10, Nasken a matarabay dagiti napudno, masirib, ken nasayaat a tao kadagiti pagtakeman nga awan ti pakainaiganna iti relihion; 11–15, Maaddaan iti agnanayon a biag dagiti mangpukaw iti biagda iti pagsayaatan ti Apo; 16–18, Rubsien ti gubat ket ipakdaar ti kappia; 19–22, Mababalaw ken mabilin nga agbabawi dagiti Santo iti Kirtland; 23–32, Ipalgak ti Apo dagiti paglinteganna a mangsakup iti pannakaidadanes ken panagrigrigat a naipabaklay kadagiti taona; 33–38, Nainkalintegan laeng ti gubat no ibilin ti Apo; 39–48, Nasken a pakawanen dagiti Santo dagiti kabusorda, a, no agbabawida, makaliklikdanto met iti pammales ti Apo.
Benneg 99
Paltiing a naited babaen ni Joseph Smith a Propeta ken ni John Murdock, idi Agosto 1832, iti Hiram, Ohio. Nupay nailista daytoy a paltiing kadagiti edision ti Doktrina ken Katulagan manipud iti 1876 a kas Kirtland, idi Agosto 1833, paneknekan dagiti immuna nga edision ken sabsabali pay a naisurat a pakasaritaan ti umno a pakaammo.
1–8, Natudingan ni John Murdock a mangipakdaar iti ebanghelio, ket awaten dagiti mangawat kenkuana ti Apo ken magun-oddanto ti kaasi.
Benneg 100
Paltiing a naited kada Joseph Smith a Propeta ken ni Sidney Rigdon, iti Perrysburg, Nueva York, idi 12 ti Oktubre 1833 (History of the Church, 1:416, 419–421). Nakarikna dagiti dua a kabsat, kalpasan ti pannakayadayoda kadagiti kaamaanda iti sumagmamano nga aldaw, iti pannakaseknan maipanggep kadakuada.
1–4, Ikasaba da Joseph ken Sidney ti ebanghelio para iti pannakaisalakan dagiti kararua; 5–8, Maitedto kadakuada iti dayta met la nga oras ti sawenda; 9–12, Ni Sidney ti pannakangiwat ken ni Joseph ti agited iti paltiing ken ti naindaklan a mamaneknek; 13–17, Mangpatanor ti Apo iti nadalus a tattao, ket maisalakanto dagiti natudio.
Benneg 101
Paltiing a naited ken ni Joseph Smith a Propeta, iti Kirtland, Ohio, idi 16 ti Disiembre 1833 (History of the Church, 1:458–464). Agsagsagaba iti nakaro a pannakaidadanes iti daytoy a panawen dagiti Santo a naguummong iti Missouri. Pinapanaw ida dagiti mangriribuk kadagiti balayda iti Jackson County; ket sumagmamano kadagiti Santo ti nangpadas nga agtaeng iti Van Buren County, ngem sinurot ida ti pannakaidadanes. Adda iti dayta a panawen ti kangrunaan a ragup dagiti Santo iti Clay County, Missouri. Adu kadagiti kameng ti Simbaan ti naipangta a mapapatay. Napukaw dagiti tao dagiti muebles, lupot, taraken, ken dadduma pay nga alikamenda; ken adu kadagiti mulada ti nadadael.
1–8, Madusa ken maparparigat dagiti Santo gapu kadagiti basolda; 9–15, Agtinnagto ti pungtot ti Apo kadagiti pagilian, ngem maummongto ken maliwliwa dagiti taona; 16–21, Mabangonto ti Zion ken dagiti istakana; 22–31, Maisagana ti kasasaad ti biag bayat ti Millenium; 32–42, Mabendisionan ken magunggonaanto dagiti Santo kalpasanna; 43–62, Tanda ti riribuk ken di pagduaduaan a pannakasubbot ti Zion ti pangngarig ti natakneng a tao ken dagiti kayo ti olibo; 63–75, Ituloy dagiti Santo ti panaguummong a sangsangkamaysa; 76–80, Buklen ti Apo ti Pagalagadan ti Estados Unidos; 81–101, Ipakpakaasi dagiti Santo ti supapak ti ladladingitda, a maibatay iti pangngarig ti babai ken ti mamalballikog nga ukom.
Benneg 102
Dagiti detalye iti pannakabukel ti umuna a nangato a konseho ti Simbaan, iti Kirtland, Ohio, idi 17 ti Pebrero 1834 (History of the Church, 2:28–31). Insurat da Elder Oliver Cowdery ken Orson Hyde dagiti orihinal a detalye. Dua nga aldaw kalpasanna, inatur ti Propeta dagiti detalye, naibasa iti nangato a konseho, ken inawat ti konseho. Innayon ni Propeta Joseph Smith idi 1835 dagiti bersikulo 30 agingga iti 32, nga adda pakainaiganna iti Konseho dagiti Sangapulo-ket-dua nga Apostol, idi isaganana daytoy a benneg a maipablaak iti Doktrina ken Katulagan.
1–8, Matudingan ti nangato a konseho a mangrisut kadagiti napateg a parikut a mapasamak iti Simbaan; 9–18, Naited dagiti annuroten iti panangdengngeg kadagiti kaso; 19–23, Yetnag ti presidente ti konseho ti pangngeddeng; 24–34, Maited ti annuroten iti panagapela.
Benneg 103
Paltiing a naited babaen ni Joseph Smith a Propeta, iti Kirtland, Ohio, idi 24 ti Pebrero 1834 (History of the Church, 2:36–39). Naawat daytoy a paltiing kalpasan ti isasangpet iti Kirtland, Ohio da Parley P. Pratt ken Lyman Wight, a naggapu iti Missouri tapno pabalakadan iti Propeta maipapan iti tulong ken pannakaisubli manen dagiti Santo iti dagdagada iti Jackson County.
1–4, No apay nga impalubos ti Apo a maidadanes dagiti Santo iti Jackson County; 5–10, Agballiginto dagiti Santo no tungpalenda dagiti bilin; 11–20, Dumtengto ti pannakasubbot ti Zion babaen ti bileg, ket kuyogento ti Apo dagiti taona; 21–28, Aguummong dagiti Santo iti Zion, ket masarakanto manen dagiti nangpukaw iti biagda dagiti biagda, 29–40, Sumagmamano a kakabsat ti natudingan a mangbangon iti Kampo ti Zion ken mapan iti Zion; naikarianda iti balligi no napudnoda.
Benneg 104
Paltiing a naited ken ni Joseph Smith a Propeta, idi 23 ti Abril 1834, maipanggep iti sangsangkamaysa a timpuyog, wenno ti timpuyog ti Simbaan para iti pagimbagan dagiti nakurapay (History of the Church, 2:54–60). Miting a konseho ti Umuna a Panguluen ken dadduma pay a nangato a saserdote ti pasken a nakaitalimudokan ti pakaseknan ti naindagaan a kasapulan. Mawara pay laeng ti sangsangkamaysa a timpuyog iti Kirtland ken mabaliwan a mabukel, ket mabingaybingay kadagiti kameng ti timpuyog dagiti sanikua a kas aywan.
1–10, Mailunodto dagiti Santo a nagbasol iti sangsangkamaysa a timpuyog: 11–16, Itden ti Apo ti kasapulan dagiti Santo iti bukodna a wagas; 17–18, Imatonan ti paglintegan ti ebanghelio ti pannakataripato dagiti nakurapay; 19–46, Nailatang ti pannakaaywan ken bendision dagiti nadumaduma a kakabsat; 47–53, Aggiddiat ti pannakaipagna ti sangsangkamaysa a timpuyog iti Kirtland ken ti timpuyog iti Zion; 54–66, Naipasdek ti sagrado a tesoreria ti Apo para iti pannakaimaldit dagiti nasantuan a kasuratan; 67–77, Maipagna ti kangrunaan a tesoreria ti sangsangkamaysa a timpuyog babaen ti panagtutunos; 78–86, Bayadan dagiti adda iti sangsangkamaysa a timpuyog ti amin nga utangda, ket wayawayaan ida ti Apo iti parikutda iti kuarta.
Benneg 105
Paltiing a naited babaen ni Joseph Smith a Propeta, iti Karayan Fishing, Missouri, idi 22 ti Hunio 1834 (History of the Church, 2:108–111). Kimmaro ti panagranggas dagiti manangriribuk kadagiti Santo iti Missouri, ket impakdaar dagiti nabukel a bunggoy kadagiti sumagmamano nga ili ti panggepda a mangdadael kadagiti tao. Dimteng ti Propeta manipud iti Kirtland a nangidaulo iti bunggoy a naawagan iti Kampo ti Zion, a nangisangpet iti luplupot ken abasto. Bayat ti panagkampo ti bunggoy iti Karayan Fishing, inawat ti Propeta ti paltiing.
1–5, Mabangonto ti Zion a maibagay iti celestial a paglintegan; 6–13, Naisanud iti bassit a panawen ti pannakasubbot ti Zion; 14–19, Makirangetto ti Apo kadagiti dangadang ti Zion; 20–26, Nasken nga agalibtak dagiti Santo ket saanda a pagtangsit ti naindaklan nga aramid iti panaguummongda; 27–30, Nasken a magatang dagiti daga iti Jackson ken dagiti kadarrapat a probinsia; 31–34, Awaten dagiti elder ti talugading iti balay ti Apo iti Kirtland; 35–37, Mapasantonto dagiti Santo nga agpadpada a naawagan ken napili; 38–41, Itag-ay dagiti Santo ti wagayway ti kappia iti lubong.
Benneg 106
Paltiing a naited babaen ni Joseph Smith a Propeta, iti Kirtland, Ohio, idi 25 ti Nobiembre 1834 (History of the Church, 2:170–171). Naiturong daytoy a paltiing ken ni Warren A. Cowdery, ti in-inauna a kabsat ni Oliver Cowdery.
1–3, Natudingan ni Warren A. Cowdery a mangiturong a dadaulo iti purok; 4–5, Saanto nga un-unaan ti Maikadua a Yaay dagiti ubbing ti silaw a kas mannanakaw; 6–8, Sumaruno dagiti naindaklan a bendision iti napudno a panagserbi iti Simbaan.
Benneg 107
Paltiing iti kinasaserdote, a naited babaen ni Joseph Smith a Propeta, iti Kirtland, Ohio, iti petsa a 28 ti Marso 1835 (History of the Church, 2:209–217). Nagmimiting a sangkakonseho dagiti Sangapulo-ket-dua iti nasao a petsa, a nangipudnuan ti tunggal maysa kadagiti pagkapsutan ken pagkuranganna, nga inyebkasna ti panagbabawida, ket dinawatda ti ad-adu pay a panangiwanwan kadakuada ti Apo. Dandanida idi agsisinan a mapan kadagiti naituding a pagmisionanda a distrito. Nupay adda dagiti paset daytoy a benneg a naawat iti nasao a petsa, paneknekan dagiti naisurat a pakasaritaan a sumagmamano a paset ti naawat iti agduduma a panawen, ket adda pay dagiti immun-una a naawat ngem iti Nobiembre 1831.
1–6, Adda dua a kinasaserdote: ti Melchizedek ken ti Aaron; 7–12, Dagiti addaan iti Kinasaserdote a Melchizedek ti addaan iti bileg a mangiturong iti amin a pagakeman iti Simbaan; 13–17, Ti pagobispuan ti mangimaton iti Kinasaserdote nga Aaron, nga isu ti mangannong kadagiti agpaay iti ruar nga ordinansa; 18–20, Ti Kinasaserdote a Melchizedek ti agiggem kadagiti tulbek dagiti amin a naespirituan a bendision; ti Kinasaserdote nga Aaron ti agiggem kadagiti tulbek iti panagserserbi dagiti anghel; 21–38, Ti Umuna a Panguluen, dagiti Sangapulo-ket-dua, ken ti Pitopulo ti mangbukel kadagiti mangimaton a korum, a mangyetnag kadagiti pangngeddeng nga agtutunos ken kinalinteg; 39–52, Nabukel ti Urnos ti patriarka manipud ken ni Adan agingga ken ni Noe; 53–57, Naguummong dagiti nagkauna a Santo iti Adan-ondi-Ahman, ket nagparang kadakuada ti Apo; 58–67, Urnosen dagiti Sangapulo-ket-dua dagiti dadaulo ti Simbaan; 68–76, Agserbi dagiti obispo a kas uk-ukom ti amin iti Israel; 77–84, Buklen ti Umuna a Panguluen ken dagiti Sangapulo-ket-dua ti kangatuan a pangukoman iti Simbaan; 85–100, Iwanwan dagiti presidente ti kinasaserdote dagiti korum iti babaenda.
Benneg 108
Paltiing a naited babaen ni Joseph Smith a Propeta, iti Kirtland, Ohio, idi 26 ti Disiembre 1835 (History of the Church, 2:345). Naawat daytoy a benneg iti dawat ni Lyman Sherman, a kaor-orden laeng iti kallabes a nangato a saserdote ken pitopulo ken immasideg iti Propeta a nangdawat iti paltiing a mangipakaammo iti pagrebbenganna.
1–3, Napakawan ni Lyman Sherman kadagiti basolna; 4–5, Maibilang kadagiti kangrunaan nga elder ti Simbaan; 6–8, Matudingan a mangikasaba iti ebanghelio ken mangpatibker kadagiti kabsatna.
Benneg 109
Kararag a naidiaya iti pannakaidaton ti templo iti Kirtland, Ohio, idi 27 ti Marso 1836 (History of the Church, 2:420–426). Maibatay iti naisurat a palawag ti Propeta, naited kenkuana daytoy a kararag babaen ti paltiing.
1–5, Nabangon ti Templo ti Kirtland a lugar a sarungkaran ti Anak ti Tao; 6–21, Isunto ti balay a pagkararagan, pagayunuan, pammati, pagadalan, gloria, ken urnos, ken balay ti Dios; 22–33, Matikaw koma dagiti di agbabawi a mangsupring kadagiti tao ti Apo; 34–42, Adda koma bileg dagiti Santo a mangummong kadagiti nalinteg iti Zion; 43–53, Mailiklik koma dagiti Santo kadagiti nakaam-amak a banag a maibukbok kadagiti nadangkes kadagiti maudi nga aldaw; 54–58, Maisagana koma dagiti pagilian ken tattao ken simbaan iti ebanghelio; 59–67, Masubbot koma dagiti Hudio, dagiti Lamanite, ken amin nga Israel; 68–80, Makoronaan koma dagiti Santo iti dayag ken dayaw ken magun-odda koma ti agnanayon a pannakaisalakan.
Benneg 110
Dagiti parmata a naipakita kada Joseph Smith a Propeta ken Oliver Cowdery iti templo ti Kirtland, Ohio, idi 3 ti Abril 1836 (History of the Church, 2:435–436). Miting iti Aldaw a Panaginana dayta a pasken. Pinakaunaan ti Propeta ti pakasaritaanna iti panagpakita kadagiti kastoy a balikas: "Iti malem, tinarabayko dagiti dadduma a Presidente a nagiwaras iti Pangrabii ti Apo iti Simbaan, a naawat manipud kadagiti Sangapulo-ket-dua, nga addaan iti gundaway a mangiturong iti sagrado a lamisaan iti daytoy nga aldaw. Kalpasan ti pannakaipaay daytoy a serbisio kadagiti kabsatko, nagtugawak iti pulpito, a nakababa dagiti belo, ket nagdumogak, a kaduak ni Oliver Cowdery, iti napasnek ken naulimek a kararag. Kalpasan ti itatakderko a nagkararag, naluktan kadakami a dua ti sumaganad a parmata" (History of the Church, 2:435).
1–10, Agparang ni Apo Jehova a nadayag ket awatenna ti Templo ti Kirtland a balayna; 11–12, Agparang a saggaysa da Moises ken Elias ket italekda dagiti tulbek ken panangiwardasda; 13–16, Agsubli ni Propeta Elias ket italekna dagiti tulbek ti dispensasion kas inkari ni Malakias.
Benneg 111
Paltiing a naited babaen ni Joseph Smith a Propeta, iti Salem, Massachusetts, idi 6 ti Agosto 1836 (History of the Church, 2:465–466). Nailumlom dagiti dadaulo ti Simbaan iti utang iti daytoy a panawen gapu iti panagtrabahoda iti panagserbi. Iti pannakangngegda nga adda dakkel a kantidad ti kuarta a sisasagana kadakuada iti Salem, nagdaliasat a napan ti Propeta, da Sidney Rigdon, Hyrum Smith, ken Oliver Cowdery manipud iti Kirtland, Ohio, a mangpennek iti damag, nga isamirada metten nga ikasaba ti ebanghelio. Sumagmamano a banag a pakaseknan ti inasikasoda ken nangasabada pay. Idi nalawagen nga awan ti manamnama a kuarta, nagsublida iti Kirtland. Sumagmamano a nabatad a gapu ti pasamak ti maanninawan kadagiti balikas a naaramat iti daytoy a paltiing.
1–5, Kitaen ti Apo ti naindagaan a kasapulan dagiti katulonganna; 6–11, Makiinnusayto a siaasi iti Zion ket urnosenna amin dagiti banag a para iti pagimbagan dagiti katulonganna.
Benneg 112
Paltiing a naited ken ni Thomas B. Marsh babaen ni Joseph Smith a Propeta, iti Kirtland, Ohio, idi 23 ti Hulio 1837 (History of the Church, 2:499–501). Naglaon daytoy a paltiing iti balikas ti Apo ken ni Thomas B. Marsh maipanggep kadagiti Sangapulo-ket-dua nga Apostol ti Kordero. Isurat ti Propeta a naawat daytoy a paltiing iti aldaw nga immuna a pannakaikasaba ti ebanghelio iti Inglatera. Presidente ni Thomas B. Marsh iti daytoy a panawen ti Korum ti Sangapulo-ket-dua nga Apostol.
1–10, Nasken nga irakurak dagiti Sangapulo-ket-dua ti ebanghelio ken idariragda ti pammallaag a timek kadagiti amin a pagilian ken tattao; 11–15, Nasken a baklayenda ti krusda, sumurotda ken ni Jesus, ket pakanenda dagiti karnerona; 16–20, Dagiti mangawat iti Umuna a Panguluen awatenda ti Apo; 21–29, Sallukoban ti sipnget ti daga, ket dagitinto la mamati ken mabuniagan ti maisalakan; 30–34, Iggem dagiti Umuna a Panguluen ken Sangapulo-ket-dua dagiti tulbek ti dispensasion ti pannakatungpal dagiti panawen.
Benneg 113
Dagiti sungbat kadagiti saludsod kadagiti sinurat ni Isaias, nga inted ni Joseph Smith a Propeta, idi Marso 1838 (History of the Church, 3:9–10).
1–6, Maibatad ti Puon ni Jesse, ti panaplit nga agtaud sadiay, ken ti ramut ni Jesse; 7–10, Adda karbengan dagiti nawarawara a nabati ti Zion iti kinasaserdote ket naawaganda nga agsubli iti Apo.
Benneg 114
Paltiing a naited babaen ni Joseph Smith a Propeta, iti Far West, Missouri, idi 17 ti Abril 1838 (History of the Church, 3:23).
1–2, Maited kadagiti sabali dagiti pagakeman iti Simbaan nga iggem dagiti saan a napudno.
Benneg 115
Paltiing a naited babaen ni Joseph Smith a Propeta, iti Far West, Missouri, idi 26 ti Abril 1838, a pannakaipakaammo ti pagayatan ti Dios maipanggep iti pannakaipasdek iti dayta a lugar ken iti balay ti Apo (History of the Church, 3:23–25). Maiturong daytoy a paltiing kadagiti mangimatmaton a dadaulo ti Simbaan.
1–4, Naganan ti Apo ti simbaanna iti Ti Simbaan ni Jesucristo dagiti Santo iti Ud-udina nga Aldaw; 5–6, Ti Zion ken dagiti istakana ti lugar a salakan ken kamang dagiti Santo; 7–16, Mabilin dagiti Santo a mangbangon iti balay ti Apo iti Far West; 17–19, Iggem ni Joseph Smith dagiti tulbek ti pagarian ti Dios iti daga.
Benneg 116
Paltiing a naited ken ni Joseph Smith a Propeta, iti asideg ti Wight's Ferry, iti lugar a managan Spring Hill, Daviess County, Missouri, idi 19 ti Mayo 1838 (History of the Church, 3:35).
Benneg 117
Paltiing a naited babaen ni Joseph Smith a Propeta, iti Far West, Missouri, idi 8 ti Hulio 1838, maipanggep kadagiti kangrunaan a pagrebbengan da William Marks, Newel K. Whitney, ken Oliver Granger (History of the Church, 3:45–46).
1–9, Nasken a saan nga aguman dagiti katulongan ti Apo dagiti naindagaan a banag, ta "ania ti sanikua iti Apo?"; 10–16, Nasken a lipatenda ti kinabassit ti kararua, ket sagradonto iti Apo dagiti sakripisioda.
Benneg 118
Paltiing a naited babaen ni Joseph Smith a Propeta, iti Far West, Missouri, idi 8 ti Hulio 1838, kas sungbat ti araraw: "Ipakitam kadakami ti pagayatam, O Apo, maipanggep kadagiti Sangapulo-ket-dua" (History of the Church, 3:46–47).
1–3, Itden ti Apo ti kasapulan dagiti Sangapulo-ket-dua; 4–6, Malugaran amin dagiti bakante iti Sangapulo-ket-dua.
Benneg 119
Paltiing a naited babaen ni Joseph Smith a Propeta, iti Far West, Missouri, idi 8 ti Hulio 1838, a sungbat iti ararawna, "O Apo! Ipakitam kadagiti katulongam no mano ti dawatem nga apagkapullo kadagiti sanikua dagiti taom" (History of the Church, 3:44). Ti paglintegan ti apagkapullo, a kas maawatan ita, saan pay a naited iti Simbaan sakbay daytoy a paltiing. Kayat a sawen ti apagkapullo iti kararag a naadaw iti ngato ken kadagiti napalabas a paltiing (64:23; 85:3; 97:11) saan laeng nga apagkapullo, ngem amin a daton a nawaya ti pannakaitedna, wenno saranay, iti pundo ti Simbaan. Kait-ited ti Apo iti Simbaan ti paglintegan iti pannangted-pateg ken panangaywan iti sanikua, a simrekan dagiti kameng (kangrunaanna dagiti mangidadaulo nga elder) iti katulagan nga agnanayon. Gapu iti di pannakatungpal iti biang ti kaaduan iti daytoy a katulagan, winaswas ti Apo iti ababa a panawen ket intedna kas suno ti paglintegan iti apagkapullo iti sibubukel a Simbaan. Dinamag ti Propeta iti Apo no mano ti dawatenna iti sanikuada a para iti sagrado a kasapulan. Daytoy a paltiing ti sungbat.
1–5, Nasken a bayadan dagiti Santo dagiti sobra a sanikuada sada ited, a kas apagkapullo, ti apagkapullo ti matgedanda iti tinawen; 6–7, Dayta a panangiturong ti mangpasantonto iti daga ti Zion.
Benneg 120
Paltiing a naited babaen ni Joseph Smith a Propeta, iti Far West, Missouri, idi 8 ti Hulio 1838, iti pannakaipakaammo ti pannakailako kadagiti sanikua a naikkan iti apagkapullo kas nainaganan iti paltiing a sinaruno daytoy, benneg 119 (History of the Church, 3:44).
Benneg 121
Kararag ken padpadto nga insurat ni Joseph Smith a Propeta bayat ti pannakaibaludna iti pagbaludan ti Liberty, Missouri, iti petsa a 20 ti Marso 1839 (History of the Church, 3:289–300). Sumagmamanon a bulan iti pagbaludan ti Propeta a sumagmamano ti kaduana. Saan a napatgan a mangwayawaya kadakuada ti dawat ken kiddawda a naiturong kadagiti dadaulo nga agipatpatungpal ken ti pangukoman.
1–6, Agpakaasi ti Propeta iti Apo para kadagiti agsagsagaba a Santo; 7–10, Agsao ti Apo kenkuana maipanggep iti kappia; 11–17, Mailunod dagiti amin a mangidatag iti ulbod a dawat ti basol a maibusor kadagiti tao ti Apo; 18–25, Awanto ti karbenganda iti kinasaserdote ket mailunoddanto; 26–32, Maikari ti nadayag a paltiing kadagiti makaandur a sititibker; 33–40, Apay nga adu ti maawagan ngem bassit ti mapili; 41–46, Nasken a maaramat laeng ti kinasaserdote iti kinalinteg.
Benneg 122
Ti balikas ti Apo ken ni Joseph Smith a Propeta, bayat ti pannakaibaludna iti pagbaludan ti Liberty, Missouri, idi Marso 1839 (History of the Church, 3:300–301).
1–4, Pagdidinnamaganto iti intero a daga ti nagan ni Joseph Smith; 5–7, Mangted amin dagiti nagpeggadan ken panagtutuokna iti padas ket agpaay iti pagsayaatanna; 8–9, Bimmaba kadakuada amin ti Anak ti Tao.
Benneg 123
Pagrebbengan dagiti Santo a mainaig kadagiti mangidaddadanes kadakuada, kas impaulog ni Joseph Smith a Propeta, bayat ti kaaddana iti pagbaludan ti Liberty, Missouri, idi Marso 1939 (History of the Church, 3:302–303).
1–6, Nasken nga urnongen ken ipablaak dagiti Santo dagiti pakaammuan ti panagsagaba ken pannakaidadanesda; 7–10, Ti met la espiritu a nangbukel iti inuulbod a pagannurotan ti mangidaulo iti pannakaidadanes dagiti Santo; 11–17, Adu kadagiti sekta ti di pay nakaawat iti kinapudno.
Benneg 124
Paltiing a naited ken ni Joseph Smith a Propeta, iti Nauvoo, Illinois, idi 19 ti Enero 1841 (History of the Church, 4:274–286). Gapu iti lumanlanlan a pannakaidadanes ken saan a nainkalintegan a pamuspusan dagiti dadaulo ti publiko a maibusor kadakuada, napilitan dagiti Santo a nangpanaw iti Missouri. Awan ti nabati a pagpilianda iti makatalipupos a bilin nga impaulog ni Lilburn W. Boggs, a Gobernador ti Missouri, a napetsaan iti 27 ti Oktubre, 1838 (History of the Church, 3:175). Idi 1841, a pannakaited daytoy a paltiing, binangon dagiti Santo ti siudad ti Nauvoo, a nangsakup iti disso ti sigud a bario ti Commerce, Illinois, ket nabangon ditoy dagiti kuartel ti Simbaan.
1–14, Mabilin ni Joseph Smith a mangted iti napasnek a pannakaiwaragawag ti ebanghelio iti presidente ti Estados Unidos, kadagiti gobernador, ken kadagiti agturay ti amin a pagilian; 15–21, Nabendisionan da Hyrum Smith, David W. Patten, Joseph Smith, Sr., ken dadduma pay kadagiti sibibiag ken natayen gapu iti kinamatalek ken kinaimbagda; 22–28, Mabilin dagiti Santo a mangbangon iti balay a pagraragsakan dagiti ganggannaet ken iti templo iti Nauvoo; 29–36, Nasken a maannong iti templo ti panangbuniag kadagiti natay; 37–44, Kanayon a mangbangon dagiti tao ti Apo iti templo a pakaannongan dagiti nasantuan nga ordinansa; 45–55, Mapalubosan dagiti Santo a di mangbangon iti templo iti ili ti Jackson gapu iti panangidadanes dagiti kabusor; 56–83, Maited ti panangiwanwan iti pannakabangon iti Balay ti Nauvoo; 84–96, Matudingan ni Hyrum Smith a patriarka ken mangawat kadagiti tulbek, ken mangsukat iti lugar ni Oliver Cowdery; 97–122, Mabagbagaan da William Law ken dadduma pay kadagiti aramidda; 123–145, Mainaganan dagiti sapasap ken lokal a dadaulo, a maikappeng dagiti pagrebbenganda ken nakaikappenganda a korum.
Benneg 125
Paltiing a naited babaen ni Joseph Smith a Propeta, iti Nauvoo, Illinois, idi Marso 1841, maipanggep kadagiti Santo iti teritorio ti Iowa (History of the Church, 4:311–312).
1–4, Mangbangon dagiti Santo iti siudad ken aguummongda kadagiti istaka ti Zion.
Benneg 126
Paltiing a naited babaen ni Joseph Smith a Propeta, iti balay ni Brigham Young, iti Nauvoo, Illinois, idi 9 ti Hulio 1841 (History of the Church, 4:382). Presidente ni Brigham Young iti daytoy a panawen iti Korum dagiti Sangapulo-ket-dua nga Apostol.
1–3, Mapadayawan ni Brigham Young iti aramidna ket mawayawayaan kadagiti masungad a panagdaliasatna iti ganggannaet.
Benneg 127
Ti surat a naggapu ken ni Joseph Smith a Propeta kadagiti Santo iti Ud-udina nga Aldaw iti Nauvoo, Illinois, a naglaon kadagiti panangiturong iti panangbuniag kadagiti natay, napetsaan iti Nauvoo, idi 1 ti Septiembre 1842 (History of the Church, 5:142–144).
1–4, Maitan-ok ni Joseph Smith kadagiti pannakaidadanes ken panagtutuok; 5–12, Nasken a maidulin dagiti kasuratan a mainugot iti panangbuniag kadagiti natay.
Benneg 128
Ti surat ni Joseph Smith a Propeta iti Ti Simbaan ni Jesucristo dagiti Santo iti Ud-udina nga Aldaw, a naglaon iti nayon a pangiwanwan iti panangbuniag iti minatay, napetsaan iti Nauvoo, Illinois, idi 6 ti Septiembre 1842 (History of the Church, 5:148–153).
1–5, Nasken a paneknekan dagiti parasurat iti purok ken iti sapasap ti kinapudno ti panangbuniag iti natay; 6–9, Nasiken dagiti sinurat ken naisurat iti daga ken iti langit; 10–14, Kaasping ti tanem ti puente a pagbuniagan; 15–17, Insubli ni Elias a propeta ti bileg a mainaig iti panangbuniag iti natay; 18–21, Naisubli amin dagiti tulbek, bileg, ken panangituray iti napalabas a pagturayan; 22–25, Naidir-i ti nagasat ken nagloriaan a damag para kadagiti sibibiag ken natay.
Benneg 129
Panangiwanwan nga inted ni Joseph Smith a Propeta, iti Nauvoo, Illinois, idi 9 ti Pebrero 1843, a nangipakaammuanna kadagiti tallo a napateg a tulbek a pakailasinan iti umno a sasaaden dagiti agpapaay nga anghel ken espiritu (History of the Church, 5:267).
1–3, Agpadpada nga adda napagungar ken espiritu a bagi iti langit; 4–9, Naited dagiti tulbek a pakailasinan kadagiti mensahero iti likud ti kurtina.
Benneg 130
Dagiti kita ti panangiwanwan nga inted ni Joseph Smith a Propeta, iti Ramus, Illinois, idi 2 ti Abril 1843 (History of the Church, 5:323–325).
1–3, Mabalin nga agparang ti Ama ken ti Anak a mismo kadagiti tao; 4–7, Agnaed dagiti anghel iti celestial nga agpang; 8–9, Agbalinto ti celestial a daga a naindaklan nga Urim ken Tumim; 10–11, Maited ti puraw a bato kadagiti amin a sumrek iti celestial a lubong; 12–17, Tinengngel ti Propeta ti panawen ti Maikadua a Yaay; 18–19, Ikuyogtayo ti pagsiriban a magun-odtayo iti daytoy a biag iti Panagungar; 20–21, Umay amin a bendision babaen ti panagtungpal iti paglintegan; 22–23, Nagtagilasag ken nagtagitulang ti Ama ken ti Anak.
Benneg 131
Panangiwardas ni Joseph Smith a Propeta, a naited iti Ramus, Illinois, idi 16 ken 17 ti Mayo 1843 (History of the Church, 5:392–393).
1–4, Nasken ti celestial a kallaysa para iti pannakaitan-ok iti kangatuan a langit; 5–6, Mailawlawag no kasano a mapaglantip dagiti tao iti agnanayon a biag; 7–8, Banag ti amin nga espiritu.
Benneg 132
Paltiing a naited babaen ni Joseph Smith a Propeta, iti Nauvoo, Illinois, a naisurat idi 12 ti Hulio 1843, a mainaig iti baro ken agnanayon a katulagan, a mairaman ti awan patinggana a katulagan ti panagasawa, a kas met ti kinaadu ti assawa a babbai (History of the Church, 5:501–507). Nupay naisurat ti paltiing idi 1843, nabatad kadagiti naisurat a pakasaritaan a naammuan pay la ti Propeta idi 1831 dagiti doktrina ken pagbatayan a naikappeng iti daytoy a paltiing.
1–6, Magun-od ti pannakaitan-ok babaen ti baro ken agnanayon a katulagan; 7–14, Maituding dagiti pagnanamingan ken annuroten dayta a katulagan; 15–20, Mangted kadagiti tao iti gundaway nga agbalin a dios ti celestial a panagasawa ken ti pannakaitultuloy a mabukel ti kaamaan; 21–25, Ti akikid ken nailet a dalan nga agturong iti agnanayon a biag; 26–27, Maited ti paglintegan a mainaig iti panagtabbaaw iti Espiritu Santo; 28–39, Maaramid dagiti kari iti agnanayon nga idudur-as ken panangitan-ok kadagiti propeta ken Santo iti amin a tawen; 40–47, Maikkan ni Joseph Smith iti bileg a mamagkappeng ken mamaglantip iti daga ken iti langit; 48–50, Ipatalged ti Apo kenkuana ti pannakaitan-okna; 51–57, Mabagbagaan ni Emma Smith nga agtalinaed a natulnog ken napudno; 58–66, Maituding dagiti paglintegan a mangsakup iti kaadu ti assawa a babbai.
Benneg 133
Paltiing a naited babaen ni Joseph Smith a Propeta, iti Hiram, Ohio, idi 3 ti Nobiembre 1831 (History of the Church, 1:229–234). Kas pangirugi iti daytoy a paltiing insurat ti Propeta: "Iti daytoy a panawen adu ti banag a tarigagayan dagiti Elder a maammuan a mainaig iti pannakaikasaba ti Ebanghelio kadagiti agindeg iti daga, ken maipanggep iti panaguummong; ken tapno magna babaen ti pudno a lawag, ken maiwanwan manipud iti ngato, iti maika-3 ti Nobiembre, 1831, dinamagko iti Apo ket naawatko ti sumaganad a napateg a paltiing." (History of the Church, 1:229). Immuna a nainayon daytoy a benneg iti libro ti Doktrina ken Katulagan a kas apendiks, sa naikkan iti numero ti benneg idi agangay.
1–6, Mabilin dagiti Santo nga agsagana para iti Maikadua a Yaay; 7–16, Mabilin amin a tao a pumanaw manipud iti Babilonia, umayda iti Zion, ket agsaganada para iti naindaklan nga aldaw ti Apo; 17–35, Agtakderto iti Bantay Zion, agbalinto a maymaysa a daga dagiti kontinente, ket agsublinto dagiti napukaw a tribu ti Israel; 36–40, Napasubli ti ebanghelio babaen ni Joseph Smith a maikasaba iti intero a lubong; 41–51, Umulogto ti Apo a mangbales kadagiti nadangkes; 52–56, Tawento daytoy dagiti sinubbotna; 57–74, Maisaknapto ti ebanghelio a mangisalakan kadagiti Santo ken mangdadael kadagiti nadangkes.
Benneg 134
Palawag iti pammati maipapan kadagiti sapasap a gobierno ken paglintegan, a naako babaen ti sangsangkamaysa a butos iti sapasap a panagtataripnong ti Simbaan a naangay iti Kirtland, Ohio, idi 17 ti Agosto 1835 (History of the Church, 2:247–249). Miting ti pasken dagiti dadaulo ti Simbaan, a napagsasango tapno maamiris dagiti naisingasing a laonen ti umuna nga edision ti Doktrina ken Katulagan. Naited iti dayta a gundaway ti sumaganad a pakauna daytoy a palawag: "Tapno saan a mapagbiddutan wenno di maawatan ti pammatimi maipapan kadagiti sapasap a naindagaan a gobierno ken paglintegan, pinanunotmi ti umno a pannakaidatag ti kapanunotanmi iti paggibusan daytoy a libro maipanggep iti daytoy" (History of the Church, 2:247).
1–4, Nasken a taginayonen dagiti gobierno ti wayawaya ti konsiensia ken panagdaydayaw; 5–8, Nasken nga itandudo amin a tattao ti gobiernoda, ken agtungpal ken agdayawda iti paglintegan; 9–10, Saan koma nga aramaten dagiti gimong ti relihion ti bilegda a sibil; 11–12, Adda kalintegan dagiti tao a mangsalaknib iti bagbagida ken ti sanikuada.
Benneg 135
Ti panagbalin a martir da Joseph Smith a Propeta ken ti kabsatna, ni Hyrum Smith a Patriarka, iti Carthage, Illinois, idi 27 ti Hunio 1844 (History of the Church, 6:629–631). Daytoy a dokumento insurat ni Elder John Taylor iti Konseho ti Sangapulo-ket-dua, a saksi kadagiti pasamak.
1–2, Namartir da Joseph ken Hyrum iti Pagbaludan ti Carthage; 3, Nabigbig ti nangato a saad ti Propeta; 4–7, Paneknekan ti awanan basol a darada ti kinapudno ken kinailangitan ti aramid.
Benneg 136
Ti balikas ken pagayatan ti Apo, a naited babaen ni Presidente Brigham Young iti Winter Quarters iti kampo ti Israel, iti Pagilian ti Omaha, iti akinlaud a ngarab ti Karayan Missouri, iti asideg ti Council Bluffs, Iowa (Journal History of the Church, 14 ti Enero 1847).
1–16, Mailawlawag no kasano ti pannakabangon ti kampo ti Israel para iti agpalaud a panagdaliasat; 17–27, Mabilin dagiti Santo nga agtungpal kadagiti adu a pagrukodan ti ebanghelio; 28–33, Nasken nga agkanta, agsala, agkararag, ken agadal iti pagsiriban dagiti Santo; 34–42, Mapapatay dagiti propeta tapno madaydayawda ket madusa dagiti nadangkes.
Benneg 137
Ti parmata a naited ken ni Joseph Smith a Propeta, iti templo iti Kirtland, Ohio, idi 21 ti Enero 1836 (History of the Church, 2:380–381). Pasken daytoy a pannakaannong dagiti ordinansa iti talugading a kas iti pannakaipalgakda.
1–6, Makita ti Propeta ni kabsatna nga Alvin iti celestial a pagarian; 7–9, Maipalgak ti doktrina ti pannakaisalakan dagiti natay; 10, Maisalakan amin nga ubbing iti celestial a pagarian.
Benneg 138
Ti parmata a naited ken ni Presidente Joseph F. Smith iti Salt Lake City, Utah, idi 3 ti Oktubre 1918. Iti panglukat a mensahena iti maika-89 a Maikadua-iti-tawen a Sapasap a Taripnong ti Simbaan, idi 4 ti Oktubre 1918, impakdaar ni Presidente Smith a nakaawat iti sumagmamano a nailangitan a pannakisarita kadagiti napalabas a bulan. Maysa kadagitoy, maipanggep iti isasarungkar ti Mangisalakan kadagiti espiritu dagiti natay bayat ti kaadda ti bangkayna iti tanem, a naawatna iti napalabas nga aldaw. Naisurat a dagus kalpasan ti taripnong. Idi 31 ti Oktubre 1918, naidatag kadagiti mamagbaga ti Umuna a Panguluen, ti Konseho dagiti Sangapulo-ket-dua, ken ti Patriarka, ket nagsangsangkamaysaanda nga inawat.
1–10, Utoben ni Presidente Joseph F. Smith dagiti sinurat ni Pedro ken ti isasarungkar ti Apo iti lubong ti espiritu; 11–24, Makita ni Presidente Smith dagiti natay a nalinteg a naummong iti paraiso ken ti panagserbi ni Cristo kadakuada; 25–37, Nakitana no kasano ti pannakabukel ti panangikasaba iti ebanghelio kadagiti espiritu; 38–52, Nakitana da Adan, Eva, ken adu kadagiti nasantuan a propeta iti lubong ti espiritu a mangibilang a kasla balud ti kasasaad dagiti espirituda sakbay ti panagungarda; 53–60, Itultuloy dagiti natay a nalinteg ti panagtrabahoda iti lubong dagiti espiritu.

Opisial a Palawag

OPISIAL A PALAWAG—1
OPISIAL A PALAWAG—2