Jesoa Kristy

Ny teny hoe Kristy (teny Grika) sy Mesia (teny Hebreo) dia samy midika hoe “ilay voahosotra”. Jesoa Kristy no Lahimatoan’ny Ray tao amin’ny fanahy (Heb. 1:6; F&F 93:21). Izy no Zanaka Lahitokan’ny Ray tao amin’ny nofo (Jao. 1:14; 3:16). Jehovah Izy (F&F 110:3–4) ary natokana mialoha ho amin’ny antso lehibe talohan’ny nahariana an’izao tontolo izao. Nahary ny tany mbamin’izay rehetra eo aminy i Jesoa teo ambany fitarihan’ny Ray (Jao. 1:3, 14; Mos. 1:31–33). Naterak’i Maria tao Betlehema Izy, tsy nanana ota tamin’ny fiainany sady nahavita sorompanavotana fanaperana ho an’ny fahotan’ny olombelona rehetra tamin’ny nandatsahana ny rany sy ny nanomezany ny ainy teo amin’ny hazofijaliana (Mat. 2:1; 1 Ne. 11:13–33; 3 Ne. 27:13–16; F&F 76:40–42). Nitsangana tamin’ny maty Izy, koa azo antoka araka izany ny fitsanganan’ny olombelona rehetra amin’ny maty. Noho ny Sorompanavotana sy ny Fitsanganana amin’ny maty vitan’i Jesoa, ireo izay mibebaka amin’ny fahotany ary mankatò ny didin’ Andriamanitra dia afaka miara-miaina mandrakizay amin’i Jesoa sy ny Ray (2 Ne. 9:10–12; 21–22; F&F 76:50–53, 62).

Jesoa Kristy no mananaina lehibe indrindra teraka teto an-tany. Tokony hotahafin’ny olombelona rehetra ny ohatra fanaperana nitondrany ny fiainany. Tokony hatao amin’ny anarany avokoa ny vavaka, ny fitsofan-drano ary ireo ôrdônansin’ny fisoronana. Izy no Tompon’ny tompo, Mpanjakan’ny mpanjaka, Mpahary, Mpamonjy, ary Andriamanitry ny tany manontolo.

Ho avy indray amin’ny hery sy ny voninahitra i Jesoa Kristy mba hanjaka eto an-tany mandritra ny Arivotaona. Hitsara ny olombelona rehetra Izy amin’ny andro farany (Almà 11:40–41; JS—M 1).

Famintinana ny fiainany (araka ny fifampitohizan’ireo toe-javatra)

Voalaza mialoha ny fahaterahan’i Jesoa sy ny asa anirahana Azy, Lio. 1:26–38 (Isa. 7:14; 9:6–7; 1 Ne. 11).
Teraka, Lio. 2:1–7 (Mat. 1:18–25).
Noforana, Lio. 2:21.
Natolotra tao amin’ny Tempoly, Lio. 2:22–38.
Novangian’ireo Magy, Mat. 2:1–12.
Niara-nandositra taminy tany Egypta i Josefa sy i Maria, Mat. 2:13–18.
Nentina tao Nazareta, Mat. 2:19–23.
Nitsidika ny tempoly fony Izy roa ambin’ny folo taona, Lio. 2:41–50.
Nanana rahalahy sy anabavy, Mat. 13:55–56 (Mar. 6:3).
Natao batisa, Mat. 3:13–17 (Mar. 1:9–11; Lio. 3:21–22).
Nalain’ny devoly fanahy, Mat. 4:1–11 (Mar. 1:12–13; Lio. 4:1–13).
Niantso ny mpianany, Mat. 4:18–22 (Mat. 9:9; Mar. 1:16–20; 2:13–14; Lio. 5:1–11, 27–28; 6:12–16; Jao. 1:35–51).
Nanome fahefana ny Roambinifololahy, Mat. 10:1–4 (Mar. 3:13–19; Lio. 6:12–16).
Nanao ny Toriteny teo an-tendrombohitra, Mat. 5–7.
Nilaza mialoha ny amin’ny fahafatesany sy ny fitsanganany amin’ny maty, Mat. 16:21 (Mat. 17:22–23; 20:17–19; Mar. 8:31; 9:30–32; 10:32–34; Lio. 9:22; 18:31–34).
Niova tarehy, Mat. 17:1–9 (Mar. 9:2–8; Lio. 9:28–36).
Naniraka ny fitopololahy, Lio. 10:1–20.
Nanakoako ny fidirany tao Jerosalema, Mat. 21:1–11 (Mar. 11:1–11; Lio. 19:29–40; Jao. 12:12–15).
Nametraka ny fanasan’ny Tompo, Mat. 26:26–29 (Mar. 14:22–25; Lio. 22:19–20).
Nijaly sy nivavaka tao Getsemane, Mat. 26:36–46 (Mar. 14:32–42; Lio. 22:39–46).
Nisy namadika, dia nosamborina ary nafoy, Mat. 26:47–56 (Mar. 14:43–53; Lio. 22:47–54; Jao. 18:2–13).
Nohomboana, Mat. 27:31–54 (Mar. 15:20–41; Lio. 23:26–28, 32–49; Jao. 19:16–30).
Nitsangana tamin’ny maty, Mat. 28:1–8 (Mar. 16:1–8; Lio. 24:1–12; Jao. 20:1–10).
Niseho taorian’ny fitsanganany tamin’ny maty, Mat. 28:9–20 (Mar. 16:9–18; Lio. 24:13–48; Jao. 20:11–31; Asa 1:3–8; 1 Kor. 15:5–8).
Niakatra ho any an-danitra, Mar. 16:19–20 (Lio. 24:51–53; Asa 1:9–12).

Fahefana

Nampianatra amin’ny maha-olona manana fahefana Azy i Jesoa, Mat. 7:28–29 (Mar. 1:22).
Manana fahefana hamela heloka ety an-tany ny Zanak’Olona, Mat. 9:6.
Nandidy ny fanahy maloto tamin’ny fahefana i Jesoa, ary ireo dia nanaiky Azy, Mar. 1:27 (Lio. 4:33–36).
Nanokana roa ambin’ny folo lahy i Jesoa mba hanana fahefana, Mar. 3:14–15.
Nisy fahefana ny tenin’i Jesoa, Lio. 4:32.
Efa nomen’ny Ray ho an’ny Zanaka ny fitsarana rehetra, Jao. 5:22, 27.
Andriamanitra dia nanosotra an’i Jesoa tamin’ny Fanahy Masina sy ny hery, Asa 10:38.
Efa voatokana talohan’ny fanorenana izao tontolo izao i Kristy, 1 Pet. 1:20 (Ete. 3:14).
Manana ny fanalahidin’ny helo sy ny fahafatesana i Kristy, Apôk. 1:18.

Faminaniana ny amin’ny fahaterahana sy ny fahafatesan’i Jesoa Kristy

Fanjakan’i Kristy amin’ny Arivotaona

Fisehoan’i Kristy taorian’ny fitsanganany tamin’ny maty

Rehefa nitsangana velona i Jesoa, dia i Maria no nisehoany voalohany, Mar. 16:9 (Jao. 20:11–18).
Niara-nandeha sy niresaka tamin’ny mpianatra roa teny an-dalana ho any Emaosy i Jesoa, Lio. 24:13–34.
Jesoa dia niseho tamin’ny Apôstôly izay nitsapa ny tanany sy ny tongony, Lio. 24:36–43 (Jao. 20:19–20).
Niseho tamin’i Tomasy i Jesoa, Jao. 20:24–29.
Niseho tamin’ny mpianatra teo amin’ny ranomasin’i Tiberiasy i Jesoa, Jao. 21:1–14.
Nampianatra nandritra ny efapolo andro i Jesoa taorian’ny fitsanganany tamin’ny maty, Asa 1:2–3.
Nahita an’i Jesoa nijoro teo an-tanana ankavanan’ Andriamanitra i Stefana, Asa 7:55–56.
Niseho tamin’i Saoly i Jesoa, Asa 9:1–8 (DJS, Asa 9:7; Asa 26:9–17).
Mihoatra ny 500 ny olona nahita an’i Kristy, 1 Kor. 15:3–8.

Fisian’i Kristy talohan’ny nahatongavany teto an-tany

Fitondrantsika eo amintsika ny anaran’i Jesoa Kristy

Ho vavolombelona fa vonona ianareo ny hitondra ny anaran’i Kristy amin’ny alalan’ny batisa, 2 Ne. 31:13.
Mba tiako ny hitondrana eo aminao ny anaran’i Kristy, Môzià 5:6–12 (Môzià 1:11).
Na zovy na zovy no naniry ny hitondra eo aminy ny anaran’i Kristy, dia nikambana tamin’ny Fiangonan’ Andriamanitra izy, Môzià 25:23.
Ireo rehetra izay tena mpino an’i Kristy dia nitondra teo aminy ny anaran’i Kristy, Almà 46:15.
Ny vavahadin’ny lanitra dia mivoha ho an’ireo izay hino ny anaran’i Jesoa Kristy, Hel. 3:28.
Hotahina izay hita ho mahatoky amin’ny anarako amin’ny andro farany, Ete. 4:19.
Vonona izy ireo ny hitondra eo aminy ny anaran’ny Zanaka, Môrô. 4:3 (F&F 20:77).

Lohan’ny Fiangonana

Mpitsara

Ny ohatra nasehon’i Jesoa Kristy

Tandindona na sarinteny momba an’i Kristy

Nanatitra ny voalohan-teraky ny ondriny ho fanatitra i Abela, Gen. 4:4 (Mos. 5:20).
Ento i Isaka lahitokanao, dia atero ho fanatitra izy, Gen. 22:1–13 (Jkb. 4:5).
Nandidy ny zanak’i Isiraely ny Tompo hanao sorona zanak’ondry tsy misy kilema, Eks. 12:5, 21, 46 (Nom. 9:12; Jao. 1:29; 19:33; 1 Pet. 1:19; Apôk. 5:6).
Itony no mofo izay nomen’ny Tompo anareo hohanina, Eks. 16:2–15 (Jao. 6:51).
Kapohy ny harambato, dia hisy rano hivoaka avy aminy hosotroin’ny olona, Eks. 17:6 (Jao. 4:6–14; 1 Kor. 10:1–4).
Hoentin’ny osilahy ny helok’izy rehetra, Lev. 16:20–22 (Isa. 53:11; Môzià 14:11; 15:6–9).
Nanainga ny menarana varahina hamonjena ireo mijery izany i Mosesy, Nom. 21:8–9 (Jao. 3:14–15; Almà 33:19; Hel. 8:14–15).
Jona dia tao an-kibon’ilay hazandrano telo andro, Jon. 1:17 (Mat. 12:40).