ប៉ុល
ជាសាវកម្នាក់នៅក្នុងព្រះគម្ពីរសញ្ញាថ្មី។ ឈ្មោះប៉ុលក្នុងភាសាហេព្រើរ គឺសុល ហើយលោកត្រូវបានហៅតាមឈ្មោះនេះរហូតដល់ការចាប់ផ្ដើមបេសកកម្មរបស់លោកទៅដល់ពួកសាសន៍ដទៃ។ ពីមុនលោកបានបៀតបៀនសាសនាចក្រ ប៉ុន្តែបានប្រែចិត្តជឿដល់សេចក្ដីពិត បន្ទាប់ពីបានឃើញការនិមិត្តមួយអំពីព្រះយេស៊ូវគ្រីស្ទ។ ប៉ុលបានធ្វើដំណើរទៅធ្វើបេសកកម្មសំខាន់ៗបីដង ហើយបានសរសេរសំបុត្រជាច្រើនទៅរកពួកបរិសុទ្ធ។ សព្វថ្ងៃនេះ សំបុត្រទាំង១៤ ច្បាប់នេះរួមធ្វើជាផ្នែកមួយក្នុងព្រះគម្ពីរសញ្ញាថ្មី។ នៅទីបញ្ចប់ លោកត្រូវគេយកទៅដាក់គុកនៅទីក្រុងរ៉ូម ហើយត្រូវគេសម្លាប់ ប្រហែលជានៅនិទាឃៈរដូវ ក្នុងឆ្នាំ ៦៥ គ.ស.។