Mafaufau Loloto Tagai foi i le Faaaliga; Tatalo O le mafaufau ma le manatunatu loloto, e masani ai lava i tusitusiga paia po o isi mea tau le Atua. Pe a tuufaatasi ma le tatalo, o le mafaufau loloto i mea tau le Atua e mafai ona maua ai faaaliga ma le malamalama. Sa mafaufau ai Maria i nei mea i lona loto, Luka 2:19. Ao ou nofo ma mafaufau loloto i lou loto sa segia ʼese aʼu, 1 Ni. 11:1. Ua mafaufau loloto loʼu loto i tusitusiga paia, 2 Ni. 4:15. Sa alu atu Nifae i lona ala, ma mafaufau i luga o mea na faaali mai e le Alii, Hela. 10:2–3. Ia o atu i o outou fale ma mafaufau i luga o mea ia na ou fai atu ai, 3 Ni. 17:3. Ia manatua le alofa mutimutivale tele o le Alii, ma manatunatu i ai i o outou loto, Moro. 10:3. Ia mafaufau loloto e uiga i mea ia ua e mauaina, MF&F 30:3. Aʼo ma manatunatu loloto i nei mea, sa pai mai le Alii i mata o o maʼua malamalamaaga, MF&F 76:19. Sa ʼou nofo i loʼu potu ma mafaufau loloto i tusitusiga paia, MF&F 138:1–11. Sa ʼou mafaufau ma saga mafaufau pea i ai, IS—T 1:12.