Perofeta

O se tagata ua valaauina e le Atua ma e tautala foi mo le Atua. I le avea o se avefeau a le Atua, o se perofeta e maua poloaiga, valoaga, ma faaaliga mai le Atua. O lona tiutetauave o le faailoa atu o le finagalo o le Atua ma lona uiga moni i tagata ma faailoa atu le uiga o ana fesootaiga ma i latou. O se perofeta e tausalaina le agasala ma valoia atu lona taunuuga. O ia o se talai atu le amiotonu. I nisi taimi, e mafai ona musuia perofeta e valoia le lumanai mo le manuia o tagata. E ui i lea, o lona tiute muamua lava, o le molimau atu lea e uiga ia Keriso. O le Peresitene O Le Ekalesia a Iesu Keriso o le Au Paia o Aso e Gata Ai o le perofeta lea a le Atua i le lalolagi i ona po nei. O uso o le Au Peresitene Sili ma Aposetolo e Toasefululua ua lagolagoina e avea o ni perofeta, tagatavāai, ma talifaaaliga.