កូនអន្តរធាន, ពួក
ជាពួកអ្នកដើរតាមអារក្សសាតាំង ដែលនឹងរងទុក្ខជាមួយនឹងវានៅទីដ៏អស់កល្បជានិច្ច។ ពួកកូនអន្តរធានមានរួមទាំង(១) ពួកអ្នកដែលដើរតាមអារក្សសាតាំង ហើយដែលត្រូវបានបណ្ដេញចេញពីស្ថានសួគ៌ មកពីបានបះបោរនៅជីវិតមុនផែនដី ហើយ (២) ពួកអ្នកដែលបានអនុញ្ញាតឲ្យកើតមកក្នុងលោកនេះ ដើម្បីបានរូបកាយជាសាច់ឈាម ប៉ុន្តែក្រោយមក បានបម្រើអារក្សសាតាំង ហើយបែរទៅជាទាស់នឹងព្រះទាំងស្រុង។ ពួកអ្នកដែលនៅក្នុងក្រុមទីពីរនេះ នឹងបានរស់ពីស្លាប់ឡើងវិញ ប៉ុន្តែនឹងមិនបានប្រោសលោះឲ្យរួច ពីការស្លាប់ទីពីរ (ខាងវិញ្ញាណ) ទេ ហើយពុំអាចរស់នៅក្នុងនគរនៃសិរីល្អបានឡើយ (គ. និង ស. ៨៨:៣២, ៣៥)។