Ang mga Dako ng New York, Pennsylvania, at Ohio sa Estados Unidos ng Amerika

Timog Bainbridge Dito ikinasal sina Joseph Smith Jr. at Emma Hale noong ika-18 ng Enero 1827 (tingnan sa JS—K 1:57).

Colesville Ang unang sangay ng Simbahan ay itinatag sa tahanan ni Joseph Knight Sr., sa Kabayanan ng Colesville noong 1830.

Tahanan ni Joseph Smith Jr. sa Harmony Ang karamihan sa pagsasalin ng Aklat ni Mormon ay natapos dito. Sa mga pampang ng Ilog Susquehanna pinanumbalik ang pagkasaserdote noong 1829 (tingnan sa D at T 13; 128:20; JS—K 1:71–72).

Fayette Nakita ng Tatlong Saksi ang mga laminang ginto at si anghel Moroni (D at T 17). Dito natapos ang pagsasalin ng Aklat ni Mormon noong Hunyo 1829. Dito itinatag ang Simbahan noong ika-6 ng Abril 1830 (tingnan sa D at T 20; 21).

Mendon Unang bayan nina Brigham Young at Heber C. Kimball.

Kirtland Ang mga misyonerong isinugo sa mga Lamanita ay tumigil dito noong 1830 at bininyagan si Sidney Rigdon at ang iba pa sa pook ng Kirtland. Ito ang naging punong-himpilan ng Simbahan magmula 1831 hanggang 1838. Ang unang templo ng dispensasyong ito ay itinayo sa Kirtland at inilaan noong ika-27 ng Marso 1836 (tingnan sa D at T 109).

Kanal ng Erie Ang tatlong sangay ng Simbahan sa New York ang nandayuhan sa Kirtland, Ohio sa pamamagitan ng pagdaan sa Kanal ng Erie at Lawa ng Erie noong Abril at Mayo 1831.

Hiram Dito nanirahan sina Joseph at Emma magmula Setyembre 1831 hanggang Setyembre 1832. Isinagawa nina Joseph at Sidney Rigdon ang Pagsasalin ni Joseph Smith ng Biblia (PJS). Mga paghahayag na natanggap dito: D at T 1, 65, 67, 68, 69, 71, 73, 74, 76, 77, 79, 80, 81, 99, 133.

Amherst Sinang-ayunan si Joseph Smith bilang Pangulo ng Mataas na Pagkasaserdote noong ika-25 ng Enero 1832 (tingnan sa D at T 75).

Toronto Bayan ni John Taylor, pangatlong Pangulo ng Simbahan, at ni Mary Fielding Smith, asawa ni Hyrum Smith.