2 Ina ia lē vave lūlūina outou i le mafaufau, pe faaatuatuvaleina i se tusi, vaganā ua outou maua ai mai ia i matou, e lē i le agaga, e lē i le upu foi, e peiseai ua oo mai le aso o Keriso.

3 Aua neʼi faasesēina ai outou e se tasi i soo se ala; aua e oo mai muamua se liliuese, ma e faaalia mai foi le tagata o le agasala, o le atalii o le malaia;

7 Aua o loo galue nei lava le mealilo o le amioleaga, ma o ia o lē o loo galue nei, ma ua faatagaina o ia e Keriso e galue, seia faataunuuina le taimi lea e aveesea ai o ia mai le ala.

8 Ona faaali mai ai lea o lē ua amioleaga, o lē e faaumatia e le Alii i le agaga o lona gutu, ma e faaumatia ai i le pupula tele o lona afio mai.

9 Ioe, o le Alii, o Iesu lava, e le oo mai lona afio mai seia mavae ona oo mai le liliuese, e ala mai i galuega a Satani faatasi ma le mana uma, ma faailoga ma mea e ofo ai e faasesē ai tagata,