FIS, Esoto 34:1–2, 14 (faatusatusa i le Esoto 34:1–2, 14; Mataupu Faavae ma Feagaiga 84:21–26)
(O le seti lona lua o papamaa na tuuina atu ia Mose na i ai le tulafono maualalo atu i lo le seti muamua.)
1 Ma sa fetalai mai le Alii ia Mose, Ia e faia nisi papamaa se lua, e pei o papamaa muamua, ma ou te tusia ai foi i luga o na papamaa, upu o le tulafono, e tusa ma mea sa tusia ai muamua i luga o papamaa ia na e taeiina; ae e le tutusa ma ia na muamua, aua ou te aveese le perisitua mai totonu o i latou; o lea, o laʼu faatulagaga paia, ma sauniga o loo i ai, e lē alu atu e muamua ia te i latou; aua e lē alu atu laʼu mafutaga i totonu o i latou, ina neʼi ou faaumatia ai i latou.
2 Ae ou te tuu atu ia te i latou le tulafono e pei ona i ai muamua, ae o le a tusa lea tulafono ma le poloaiga faaletino; aua ua ou tauto i loʼu ita, e lē ulu mai i latou i oʼu luma, i loʼu malologa, i aso o lo latou nofo aumau. O lea ia e faia e pei ona ou poloaiina ai oe, ma ia saunia i le taeao, ma sau ai i luga i le taeao i le mauga o Sinai, ma tuu mai oe lava i lea mea ia te aʼu, i le tumutumu o le mauga.
(O Ieova o se tasi lea o suafa o le Alii o Iesu Keriso sa iloa ai e tagata i le Feagaiga Tuai.)
14 Aua e te lē ifo atu i se isi lava atua; aua o le Alii, o lona suafa o Ieova, o le Atua fuā.