ក.យ.ស., លោកុប្បត្តិ ១៥:៩–១២ (ចូរប្រៀបធៀបនឹងគម្ពីរលោកុប្បត្តិ ១៥:១–៦)
(អ័ប្រាហាំបានឃើញព្រះរាជបុត្រានៃព្រះក្នុងការនិមិត្ត ហើយបានដឹងអំពីដំណើររស់ឡើងវិញ)។
៩ហើយអាប់រ៉ាមបានទូលថា ឱព្រះអម្ចាស់ដ៏ជាព្រះអើយ សូមព្រះអង្គប្រទានដល់ទូលបង្គំ នូវដែនដីនេះ ទុកសម្រាប់ជាកេរ្តិ៍អាករដ៏អស់កល្បជានិច្ចផងចុះ?
១០ហើយព្រះអម្ចាស់ទ្រង់បានមានព្រះបន្ទូលថា ទោះជាអ្នកស្លាប់ក៏ដោយ ចុះតើយើងមិនអាចប្រទានដែនដីនេះដល់អ្នកទេឬអី?
១១ហើយបើសិនជាអ្នកស្លាប់ទៅ ក៏អ្នកនឹងត្រូវបានដែនដីនោះដែរ ត្បិតថ្ងៃនឹងមកដល់ ដែលកូនមនុស្សនឹងមានជីវិតរស់នៅ ប៉ុន្តែតើលោកនឹងរស់នៅម្ដេចបាន បើសិនជាលោកមិនបានស្លាប់ទៅ? លោកត្រូវតែបានប្រោសឲ្យមានជីវិតជាមុនសិន។
១២ហើយហេតុការណ៍បានកើតឡើងថា អាប់រ៉ាមបានទន្ទឹងចាំ ហើយបានមើលឃើញជំនាន់នៃកូនមនុស្ស ហើយបានអររីករាយ ហើយព្រលឹងលោកបានសម្រាកហើយលោកបានជឿដល់ព្រះអម្ចាស់ ហើយព្រះអម្ចាស់បានរាប់ជំនឿនោះទុកជាសេចក្ដីសុចរិតចំពោះលោក។