FIS, Eperu 7:3 (faatusatusa i le Eperu 7:3)
(O le perisitua paia e tusa ma le faatulagaga a le Alo o le Atua e leai se tamā po o se tinā ma e leai se amataga po o se gataaga o aso.)
3 Aua o Mekisateko lenei na faauuina o se faitaulaga e tusa ma le faatulagaga a le Alo o le Atua, o le faatulagaga lea e leai se tamā, e leai se tinā, e leai se tupuga, e leai foi se amataga o aso, po o se gataaga o le ola. Ma o i latou uma o e e faauuina i lenei perisitua e faia e ia pei le Alo o le Atua, e tumau o le faitaulaga e faavavau.
FIS, Eperu 7:25–26 (faatusatusa i le Eperu 7:26–27)
(Ua faamalamalamaina mai le galuega a Keriso i le avea ma puluvaga.)
25 Aua e tatau ona i ai ia i tatou o se faitaulaga sili faapena, o lē e paʼia, e agamalū, e leai sona leaga, e taumamao ma e agasala, ma ua avea ma pule i lagi i lugā;
26 Ma e lē faapei o na faitaulaga sili o e na faia taulaga i aso taitasi, e muamua mo ā latou lava agasala, ona fai ai lea mo agasala a le nuu; aua e lē manaomia e ia le faia o se taulaga mo ana lava agasala, aua e lei iloa e ia ni agasala; ae mo agasala a le nuu. Ma e faatasi lava ona ia faia lenei mea, ina ua tuuina atu e ia o ia lava.