Fesoasoaniga mo Suesuega
FIS, Mareko 9


FIS, Mareko 9:3 (faatusatusa i le Mareko 9:4)

(Sa i ai Ioane le Papatiso i luga o le Mauga o le Liuga.)

3 Ma sa faaali mai ia i latou i lea mea o Elaia ma Mose, pe i isi upu, o Ioane le Papatiso ma Mose; ma sa talanoa i laua ma Iesu.

FIS, Mareko 9:40–48 (faatusatusa i le Mareko 9:43–48)

(O le tipieseina o le lima po o le vae e faatausuai ai e faatusaina lena i le tuueseina o mafutaga ia e mafai ona taitaiina sesē ai se tasi.)

40 O lea, afai o lou lima ua faatausuai ia te oe, ia tipi ese ai; pe afai foi ua faatausuai mai lou uso ia te oe ma ua lē taʼu taʼu mai ma lē lafoai ai, o le a vavaeeseina o ia. E sili ona lelei mo oe ona ulu atu i le ola e mumutu, nai lo le maua o lima e lua ae alu atu i seoli.

41 Aua e sili ona lelei mo oe ona ulu atu i le ola e aunoa ma lou uso, nai lo le lafoina o oe ma lou uso i seoli; i totonu o le afi e lē matineia, i le mea e lē mamate ai o latou ilo, ma le afi e lē matineia.

42 Ma le tasi, afai o lou vae ua faatausuai ia te oe, ia tipi ese ai; aua o lē ua avea ma ou faataitaiga, lē ua e savali ai, afai e avea o ia ma tagata solitulafono, o le a vavaeeseina o ia.

43 E sili ona lelei mo oe, le ulu atu e setusetu i le ola, nai lo le mauaina o vae e lua ae lafoina i seoli; i totonu o le afi e lē matineia.

44 O lea, ia tuu atu ai i tagata taitoatasi e tu pe paʼū, e ala ia te ia lava, ae lē ona o le isi; po o le lē faalagolagoina o le tasi.

45 Ia outou saili atu i loʼu Tamā, ma e faia ai ia te outou i lena ituaso lava le mea tou te ole atu ai, pe afai tou te ole atu i le faatuatua, i le talitonu o le a outou maua ai.

46 Ma afai o lou mata lea e te vaai ai, lē ua tofia e leoleo ia te oe ina ia faaali atu ia te oe le malamalama, ua avea o sē solitulafono ma faatausuai ia te oe, ia tuuese ai o ia.

47 E sili ona lelei mo oe ona ulu atu i le malo o le Atua, ma le mata e tasi, nai lo le mauaina o mata e lua ae lafoina i le afi o seoli.

48 Aua e sili ona lelei ona laveaiina oe lava, nai lo le lafoina i seoli faatasi ma lou uso, i le mea e lē mamate ai o latou ilo, ma le mea e lē pē ai le afi.