10 Ma sa tali atu Iesu ma faapea atu ia te i latou, E moni lava e muamua ona sau Elaia, ma toe fuatai mea uma, e pei ona sa tusia ai e le au perofeta.

11 Ma ou te toe fai atu ia te outou ua uma ona sau lena Elaia, o lē na tusia e faatatau i ai, Faauta, ou te auina atu laʼu avefeau, ma na te ia saunia le ala i oʼu luma; ma sa latou lē iloa o ia, ma sa latou faia ia te ia, soo se mea na latou loto i ai.

12 E faapea foi ona mafatia le Atalii o le Tagata ia te i latou.

13 Ae ou te fai atu ia te outou, O āi ea Elaia? Faauta, o Elaia lenei, o lē ou te auina atu e saunia le ala i oʼu luma.

14 Ona malamalama ai lea o le au soo ua na tautala atu ia te i latou e uiga ia Ioane le Papatiso, ma le isi foi o lē e tatau ona sau ma toe fuatai mea uma, e pei ona sa tusia ai e le au perofeta.