1 Ona aveina ai lea o Iesu e le Agaga, i le vao, ina ia faatasi ai ma le Atua.

5 Ona ia aveina ai lea o Iesu i le aai paia, ma sa tuu ai o ia e le Agaga i luga o le tumutumu o le malumalu.

6 Ona sau ai lea o le tiapolo ia te ia ma faapea atu, Afai o oe o le alo o le Atua, inā oso ia oe i lalo: aua ua tusia, o le a Ia tuuina atu i ana agelu le vaaiga mo oe: ma o le a latou tauaveina oe i o latou lima, ina nei tuʼia lou vae i se maa i soo se taimi.

8 Ma sa toe aveina Iesu e le Agaga, ma sa aveina aʼe o ia i se mauga e matuā maualuga lava, ma sa faaali atu ai ia te ia malo uma o le lalolagi ma o latou mamalu.

9 Ma sa toe sau le tiapolo ia te ia, ma faapea atu, O nei mea uma o le a ou tuu atu ia te oe, pe afai e te paʼū i lalo ma ifo ia te aʼu.

11 Ma ua iloa nei e Iesu ua lafoina Ioane i le falepuipui, ma sa ia auina atu agelu, ma, faauta, na latou o atu ma auauna atu ia te ia.

18 Ma sa ia fetalai atu ia te i latou, o aʼu o lē tusia ai e le au perofeta; ia mulimuli mai ia te aʼu, ma ou te faia outou ma tagata faifaiva i tagata.

22 Ma sa maliu atu Iesu i Kalilaia uma e aoao atu i o latou sunako, ma talai atu le talalelei o le mālō; ma faamaloloina ituaīga uma o maʼi, ma ituaīga uma o faamaʼi i tagata o e na talitonu i lona suafa.