ក.យ.ស., ម៉ាថាយ ៧:១–២ (ចូរប្រៀបធៀបនឹងគម្ពីរម៉ាថាយ ៧:១–២)
(ចូរកុំថ្កោលទោសដោយមិនសុចរិតឡើយ)។
១ឥឡូវ នេះគឺជាព្រះបន្ទូលទាំងឡាយដែលព្រះយេស៊ូវ ទ្រង់បានបង្រៀនពួកសិស្សទ្រង់ថា ពួកគេគួរប្រាប់ដល់បណ្ដាជន។
២ចូរកុំថ្កោលទោសដោយមិនសុចរិតឡើយ ដើម្បីកុំឲ្យអ្នករាល់គ្នាត្រូវគេថ្កោលទោសវិញ ប៉ុន្តែចូរថ្កោលទោសដោយការថ្កោលទោសដ៏សុចរិតចុះ។
ក.យ.ស., ម៉ាថាយ ៧:៩–១១ (ចូរប្រៀបធៀបនឹងគម្ពីរម៉ាថាយ ៧:៦)
(ចូរកុំប្រាប់សេចក្ដីអាថ៌កំបាំងទាំងឡាយដល់ពិភពលោកឡើយ)។
៩ចូរអ្នករាល់គ្នាទៅក្នុងពិភពលោក ដោយនិយាយទៅកាន់មនុស្សទាំងអស់ថា ចូរប្រែចិត្តចុះ ត្បិតនគរស្ថានសួគ៌បានមកជិតដល់អ្នកហើយ។
១០ហើយសេចក្ដីអាថ៌កំបាំងទាំងឡាយនៃនគរ នោះអ្នករាល់គ្នាត្រូវទុកក្នុងខ្លួនចុះ ត្បិតវាមិនសមនឹងឲ្យរបស់បរិសុទ្ធដល់ឆ្កែ ឬអ្នករាល់គ្នាត្រូវបោះកែវមុក្ដាទាំងឡាយរបស់អ្នកដល់ជ្រូកឡើយ ក្រែងវាជាន់ឈ្លីនៅក្រោមជើងវា។
១១ត្បិតពិភពលោកពុំអាចទទួលនូវអ្វីដែលខ្លួនអ្នករាល់គ្នាផ្ទាល់ពុំអាចនឹងទ្របាននោះឡើយ ហេតុដូច្នោះហើយ អ្នករាល់គ្នាមិនត្រូវឲ្យកែវមុក្ដាទាំងឡាយរបស់អ្នកដល់ពួកគេឡើយ ក្រែងជាពួកគេបែរមកវិញ ហើយខ្វេះអ្នក។