Mwakoro aika Rineaki man Ana Rairairi Iotebwa Timiti i aon te Baibara

A kaotaki ikai mwakoro aika rineaki man Ana Rairairi Iotebwa Timiti i aon te Baibara ae te King James Version (ARIT). Te Uea e kaira te Burabeti Iotebwa Timiti bwa e na kaoki koaua nakon kanoan te Baibara ake a tia ni bua ke ni bitaki ma ngke a moan koreaki oin taekaia. Koaua aika kaokaki aikai a kamatatai reirei ao katamaroan otaia ni koroboki aika tabu.

Ibukina bwa te Uea e kaoti koaua nakon Iotebwa aika onoti ake a moan tauaki mwiia irouia taan moan koroia, ana Rairairi Iotebwa Timiti bon akea aekakina n rairan te Baibara ake tabeua n te aonaba. E kananonaaki, bwa te taeka ae rairairi e bon kamanenaaki n te aro ae rababa riki man kaokoro nakon are e taneiai te aba, bwa ana rairairi Iotebwa e moamoa iai te kaotioti nakon rairan taeka man te taetae teuana nakon teuana.

Ana Rairairi Iotebwa Timiti i aon te Baibara bon iai rekerekena ma ke e taekinaki i nanon mwakoro aika mwaiti n Reirei ao Berita aika Tabu (tarai mwakoro 37, 45, 73, 76, 77, 86, 91, ao 132). Ana boki Mote ao Iotebwa Timiti—Mataio bon rongorongo man Ana Rairairi Iotebwa Timiti.

Ibukin rongorongo riki i aon Ana Rairairi Iotebwa Timiti, tara “Ana Rairairi Iotebwa Timiti (ARIT)” ni Bwai ni Kairi nakon Koroboki aika Tabu.

Te kabwarabwara ae oti ikai e kaota te katoto n te bwai ae rineaki man Ana Rairairi Iotebwa Timiti:

Tamnei

te katoto

ARIT, Mataio 4:1, 5–6, 8–9. Kabotaua Mataio 4:1, 5–6, 8–9; titebo bitaki aika karaoki n Ruka 4:2, 5–11

Iesu e kairaki iroun te Tamnei, tiaki iroun Tatan.

1 I mwina Iesu e kairaki iroun te Tamnei, nakon te rereua, bwa e na mena i rarikin te Atua.

5 I mwina Iesu e kairaki rake nakon te kaawa ae tabu, ao te Tamnei e katoka i aon taubukin te tembora.

6 I mwina te riaboro e roko nakoina ao e taku, Ngkana ngkoe Natin te Atua, ko na ewe nako, bwa e koreaki, Bwa e na anganiia ana anera te mwiokoaki ni kaineti ma ngkoe, ao i nanon baia a na tabekiko rake, bwa e kawa n te taina n toki waem ma te atibu.

8 Ao Iesu e a manga mena iroun te Tamnei, ao e kairia rake nakon te maunga ae moan te rietata, ao e kaotii nakoina abanuea ni kabane n te aonaba ao mimitongia.

9 Ao te riaboro e a manga roko nakoina, ao e taku, Ni kabane bwaai aikai N na anga nakoim, ngkana ko bobaraki ao n taromauriai.

Te bwai ae na taraaki ae katuruaki manna bon te mwakoro ni kibu n ana rairairi Iotebwa Timiti n te Baibara ae te King James. Ibukina bwa ana rairairi e kaoki taeka nakon kanoan te Baibara, waren kiibu a kona ni kaokoro ma te boki ane ko kabongana.

Te bwai ae na taraaki aio e kaota te kibu i nanon am Baibara are ko riai ni kabotaua nakon ana rairairi Iotebwa Timiti.

Te rongorongo aei e kabwarabwara bwa baikara reirei ae kamatatai Iotebwa Timiti ma ana rairairi.

Aio taekana n aron rairana iroun Iotebwa Timiti. (A karinaki taeka aika a man rara ni kaoti kaokorona ma taekana n te King James Version.)