Ngaahi Folofolá
Ⅰ. Bita 1


Koe Uluaki Tohi a Bita

Vahe 1

1 Oku ne fakafetai ki he Otua koeuhi ko ene gaahi lelei fakalaumalie: 10 o ne fakaha oku ikai koe mea foou ae fakamoui ia Kalaisi, ka koe mea nae kikite ki ai talu meimu‘a: 13 bea ne ako ai akinautolu ke nau moui aga faka‐Otua, he koeuhi kuo toe fanau‘i foou akinautolu i he folofola ae Otua.

1 KO AU BITA, koe abosetolo a Jisu Kalaisi, ki he kakai aunofo kuo fakamovetevete i Bonito, mo Kaletia, mo Kabatosia, mo Esia, mo Bitinia,

2 Kuo fili o fakatatau ki he muaki ilo oe Otua koe Tamai, i he fakamaonioni‘i oe Laumalie, ki he talagofua, bea i he luluku oe taataa o Jisu Kalaisi: Ke tubulekina be kiate kimoutolu ae aloofa moe monuia.

3 Fakafetai ki he Otua koe Tamai a ho tau Eiki ko Jisu Kalaisi, aia kuo ne fakatubu foou akitautolu, o fakatatau ki he ene aloofa lahi, ki he amanaki moui i he toetuu a Jisu Kalaisi mei he bekia,

4 Ki ha tofia taefaaauha, bea taeuli, o taefaamae, oku tauhi‘i i he lagi maa tautolu,

5 Akitautolu oku leohi e he malohi oe Otua i he tui ki he fakamoui kuo teu ke fakaha i he kuoga ki mui.

6 Aia oku mou fiefia lahi ai, ka ko eni i he aho jii be, i he ene aoga ke behe, oku mou māfajia i he gaahi ahiahi lahi:

7 Koeuhi i he ahiahi a hoo mou tui, aia oku mahuiga lahi i he koula oku auha, ka kuo ahiahi ia aki ae afi, ke ilo ia  oku iku ki he fakamaloia moe ogoogo lelei meo nāunāu i he fakaha mai o Jisu Kalaisi:

8 Aia oku teeki te mou mamata, ka oku mou ofa ki ai; bea oku ikai be te mou mamata ki ai, ka i hoo mou tui, oku mou fiefia aki ae fiefia taefaalaua bea fugani lelei:

9 O ma‘u ae gataaga o hoo mou tui, koe fakamoui o ho mou laumalie.

10 Ae fakamoui koia nae ekea mo hakule lahi ki ai ae kau balofita, akinautolu nae kikite ki he aloofa kiate kimoutolu:

11 O nau kumi be hoko fakaku, be koeha ae aga oe kuoga koia nae lea ki ai ae Laumalie o Kalaisi, aia nae nofoia akinautolu, i he ene tomua fakaha ae gaahi mamahi o Kalaisi, bea moe lelei e hoko ai.

12 Akinautolu nae fakaha ki ai, nae ikai maa nautolu, kae ma atautolu naa nau tauhi‘i ae gaahi mea, aia kuo fakamatala eni kiate kimoutolu ekinautolu kuo malaga aki ae ogoogolelei kiate kimoutolu, aki ae Laumalie Maonioni nae fekau hifo mei he lagi; koe gaahi mea koia oku holi ke fakajio ki ai ae kau agelo.

13 Koia ke nonoo ae nootaga vala o ho mou loto, bea leo, o amanaki lelei o a‘u ki he gataaga, ki he lelei e omi kiate kimoutolu i he fakaha o Jisu Kalaisi;

14 Ke mou gali moe fānau talagofua, ke oua naa fakatatau akimoutolu ki he gaahi holi i mu‘a hoo mou taeilo:

15 Kae hage oku maonioni aia kuo ne uiui‘i akimoutolu, ke maonioni foki akimoutolu i hoo mou moui kotoabe;

16 He kuo tohi,  o behe, Mou maonioni; he oku ou maonioni.

17 Bea kabau oku mou hu ki he Tamai, aia oku ne fakamāu o taefilifili-manako ki he kakai, kae fakatatau ki he gaue ae tagata taki taha, mou fai ke fakaoji ae gaahi aho o hoo mou aunofo i he manavahe:

18 Koeuhi oku mou ilo nae ikai ke huhui akimoutolu mei hoo mou moui taeaoga, i he talatubua mei hoo mou gaahi tamai, aki ae gaahi mea e auha, koe siliva moe koula;

19 Ka i he taataa maogooga o Kalaisi, o hage ha lami tae hano ila, bea tae hano mele:

20 Aia nae muaki tuutuuni mooni i he heeki fakatubu a mamani, ka nae fakaha ia i he kuoga ki mui ni koeuhi ko kimoutolu,

21 Akimoutolu oku tui iate ia ki he Otua, aia naa ne fokotuu ia mei he bekia, mo ne hakeaki‘i ia; koeuhi ke i he Otua a hoo mou tui moe amanaki lelei.

22 Koe mea i hoo mou fakamaa ho mou laumalie, i he Laumalie, i hoo mou talagofua ki he mooni, ki he ofa taeloi oe kaiga, ke mou feofaaki aki ae loto maa mo fakamatoato:

23 He kuo mou fanau‘i foou, kae ikai aki ae tega e auha, ka koia e taefaaauha, koe folofola ae Otua, aia oku moui bea tologa o taegata.

24 He oku hage koe mohuku ae kakano kotoabe, bea koe nāunāu kotoabe oe tagata oku tatau moe fiji‘i mohuku. Oku mae ae mohuku, bea ko hono fiji oona oku gagana:

25 Ka oku tologa o taegata ae folofola ae Eiki. Bea koe folofola eni aia oku malaga aki i he ogoogolelei kiate kimoutolu.