Vahe 3
1 Oku malaga e Bita ki he kakai nae ha‘u ke mamata ki he tagata bibiki kuo fakamoui hono va‘e. 12 Oku ne fakaha nae ikai fakamoui ae tagata i he ene malohi, be i he malohi a Jone, be i he e na maonioni, ka i he Otua, bea mo hono Alo ko Jisu, bea i he tui ki hono huafa: 13 ko ene valoki kiate kinautolu koeuhi koe nau tutuki a Jisu ki he akau. 17 Aia naa nau fai i he taeilo, ka nae fakamooni ai ae fakakaukau ae Otua moe gaahi tohi: 19 oku ne eginaki ke nau kumi i he fakatomala moe tui ki he fakamolemole oe nau hia, moe fakamoui mei he Jisu koia.
¶ 1 BEA nae o hake fakataha a Bita mo Jone ki he fale lotu lahi i he feituulaa lotu, aia ko hono hiva.
2 Bea koe tagata e taha nae bibiki talu hono fanau‘i, nae fataage i he aho kotoabe, o tuku i he mataba oe fale lotu lahi aia nae ui koe Fakasanisani, ke kole kiate kinautolu nae hu ki he fale lotu lahi;
3 Bea mamata ia kia Bita mo Jone oku fai ke na hu ki he fale lotu lahi, bea ne kole.
4 Bea jio fakamama‘u a Bita mo Jone kiate ia, o na behe, Jio mai kiate kimaua.
¶ 5 Bea tokaga atu ia kiate kinaua, o amanaki te na: ma‘u ha mea iate kinaua.
6 Bea toki behe e Bita, Koe siliva moe koula oku ikai teu ma‘u; ka koia oku ou ma‘u teu foaki kiate koe: i he huafa o Jisu Kalaisi o Nasaleti tuu hake o alu.
7 Bea naa ne buke ia i hono nima toomatau, o fokotuu hake ia: bea nae malohi leva hono va‘e mo hono tuga‘i va‘e.
8 Bea hobo hake ia o tuu, mo eveeva, bea nau hu fakataha mo ia ki he fale lotu lahi, kuo eveeva, mo hobohobo, bea fakamalo ki he Otua.
9 Bea nae mamata ae kakai kotoabe kiate ia, oku eveeva mo fakamalo ki he Otua;
10 Bea naa nau ilo ko ia ia nae nofo o kole i he mataba Fakasanisani oe fale lotu lahi: bea nae matuaki ofo akinautolu mo fakatumutumu i he mea kuo fai kiate ia.
11 Bea i he ene kei buke kia Bita mo Jone e he tagata bibiki kuo fakamoui, nae felele‘i ki ai ae kakai kotoabe, oku nau ofo lahi, ki he fale hala, oku fakahigoa kia Solomone.
¶ 12 Bea kuo mamata a Bita ki ai, bea behe eia ki he kakai, Ae kau tagata Isileli, koeha oku mou ofo ai i he mea ni? bea koeha oku mou jio fakamama‘u ai kiate kimaua, o hage kuo ma gaohi i haa ma malohi be maonioni amaua ke eveeva ae tagata ni?
13 Koe Otua o Ebalahame, mo Aisake, mo Jekobe, koe Otua oe tau gaahi tamai, kuo ne fakaogoogolelei hono Alo ko Jisu; aia naa mou tukuaki‘i bea liaki i he ao o Bailato, ka nae matuaki loto ia ki hono tukuage.
14 Ka naa mou liaki ae Toko Taha Maonioni mo Agatonu, bea kole ke tuku ae tagata fakabo kiate kimoutolu;
15 Kae tamate‘i ae Eiki oe moui, aia kuo fokotuu e he Otua mei he mate; bea koe kau fakamooni akimautolu ki ai.
16 Bea ko hono huafa, koe tui ki hono huafa, kuo ne fakamalohi ae tagata ni, aia oku mou mamata bea ilo‘i: io, koe tui kiate ia, kuo ma‘u ai e he tagata ni ae moui haohaoa ni i he ao omoutolu kotoabe.
17 Bea koeni, e kaiga, oku ou ilo ne mou fai ia i he vale, bea behe foki mo hoo mou kau bule.
18 Ka koe gaahi mea koia nae tomua fakaha e he Otua i he gutu o ene kau balofita kotoabe, e mamahi ai a Kalaisi, kuo ne fakamooni ia.
¶ 19 Koia ke mou fakatomala, bea liliu, ke fakamolemole ai hoo mou agahala, koeuhi ke hoko mai ae gaahi aho oe fakamoui mei he ao oe Eiki;
20 Bea te ne fekau mai a Jisu Kalaisi, aia nae tomua malaga aki kiate kimoutolu:
21 Aia e ma‘u e he lagi, kae oua ke hoko mai ae kuoga oe liliu oe mea kotoabe, aia kuo lea ki ai ae Otua i he gutu o ene kau balofita maonioni kotoabe talu mei he gaohi a mamani.
22 He nae lea mooni a Mosese ki he gaahi tamai, o behe, E fokotuu e he Eiki ko ho mou Otua ha balofita kiate kimoutolu i ho mou kaiga, o hage ko au; bea te mou fanogo kiate ia i he gaahi mea kotoabe te ne lea aki kiate kimoutolu.
23 Bea e behe, koe tagata kotoabe e ikai tokaga ki he balofita koia, e fakaauha ia mei he kakai.
24 Io, bea koe kau balofita kotoabe mei a Samuela mo kinautolu ki mui ni, akinautolu nae lea, naa nau kikite ki he gaahi aho ni.
25 Koe fānau ae kau balofita akimoutolu, bea moe fuakava nae fai e he Otua moe tau gaahi tamai, i he ene behe kia Ebalahame, Bea i ho hako e monuia ae faahiga kotoabe o mamani.
26 Bea i he fokotuu e he Otua hono Alo ko Jisu, kuo ne tomua fekau ia kiate kimoutolu, ke ne tabuaki‘i akimoutolu, i he tafoki akimoutolu taki taha mei he ene hia.