Ngaahi Folofolá
Kakai Efeso 1


Koe Tohi a Baula koe Abosetolo ki he Kakai Efeso

Vahe 1

1 Hili ae fetaba a Baula, 3 moe fakafetai koeuhi koe kau lotu i Efeso, 4 bea ne lea ki hono fili akitautolu, 6 moe ohi akitautolu i he ofa, 11 aia koe tuuga mooni mo totonu oe moui ki he tagata. 13 Bea koeuhi oku ikai ke faa tatae hono maoluga oe mae fufu ni, 16 oku ne hu ke nau lava’i 18 hono ilo mooni, 20 mo hono ma’u lelei o ia ia Kalaisi.

1 KO AU BAULA, koe abosetolo a Jisu Kalaisi i he finagalo oe Otua, ki he kaiga maonioni oku i Efeso, bea ki he kakai tui ia Kalaisi Jisu:

2 Ke iate kimoutolu ae aloofa, moe monuia, mei he Otua koe tau Tamai, bea mei he Eiki ko Jisu Kalaisi.

3 Fakafetai ki he Otua koe Tamai a ho tau Eiki ko Jisu Kalaisi, aia kuo ne tabuaki aki akitautolu ae gaahi tabuaki fakalaumalie kotoabe i he gaahi botu fakalagi ia Kalaisi:

4 O fakatatau ki he ene fili akitautolu iate ia i he teeki ai fakatubu a mamani, koeuhi ke tau maonioni mo taehalaia i hono ao i he ofa:

5 Aia naa ne tuutuuni akitautolu ki he ohia oe fānau kiate ia ia Jisu Kalaisi, o fakatatau ki he agaofa o hono finagalo,

6 Ke ai ha fakafetai i he ene ofa ogoogo lelei, aia kuo ne ma’u ai akitautolu i he Ofeina.

7 Aia oku tau ma’u ai ae huhui i hono taataa, koe fakamolemole oe gaahi agahala, o fakatatau mo hono lahi aubito o ene ofa;

8 Aia kuo ne fonu lahi aubito ai kiate kitautolu, i he boto kotoabe moe ilo-ilo;

9 I he fakailo kiate kitautolu ae mea fakalilolilo o hono finagalo, o fakatatau moe agaofa aana, aia naa ne tuutuuni iate ia be:

10 Koeuhi i he kakato oe gaahi kuoga naa ne tuutuuni, ke ne fakakatoa fakataha ae mea kotoabe ia Kalaisi, ae mea oku i he lagi, mo ia oku i mamani;  io, iate ia:

11 Aia kuo mau ma’u ai foki ae tofia, he kuo ne tuutuuni akimautolu o fakatatau ki he faiteliha o ia oku fai ae gaahi mea kotoabe o fakatatau ki he boto o hono finagalo.

12 Koeuhi ke ogoogo lelei ene agalelei iate kimautolu nae tomua falala kia Kalaisi,

13 Mo kimoutolu foki, i he hili hoo mou fanogo ki he folofola oe mooni, koe ogoogolelei o ho mou fakamoui: aia foki i hoo mou tui, nae fakailoga aki akimoutolu ae Laumalie Maonioni oe talaofa,

14 Aia koe fakamooni ia o ho tau tofia, kae oua ke huhui ae tofia kuo fakatau, ke fakaogolelei ai ene agalelei.

15 Bea ko au foki, hili eku fanogo ki hoo mou tui ki he Eiki ko Jisu, moe ofa ki he kaiga maonioni kotoabe,

16 Oku ikai tuku eku atu ae fakafetai koeuhi ko kimoutolu, o takua akimoutolu i he eku gaahi lotu;

17 Koeuhi ke tuku kiate kimoutolu e he Otua o ho tau Eiki ko Jisu Kalaisi, koe Tamai oe nāunāu, ae laumalie oe boto moe fakaha i he faa ilo’i ia;

18 I he fakamāma ae mata o ho mou loto; koeuhi ke mou ilo ai, be koeha ae amanaki lelei o ene ui, bea koeha ae koloa oe lelei o hono tofia i he kaiga maonioni,

19 Bea koeha hono lahi fakamanavahe o ene malohi kiate kitautolu oku tui, o fakatatau ki he gaue a hono mafimafi lahi aubito,

20 Aia naa ne fai kia Kalaisi, i he ene fokotuu hake ia mei he bekia, o ne fakanofo ia ki hono nima toomatau i he gaahi botu fakalagi,

21 O maoluga lahi aubito i he gaahi bule kotoabe, moe malohi, moe mafimafi, moe eikiaga moe higoa kotoabe oku ui aki, ikai i he mamani be, ka i he mama koia foki e hoko:

22 Bea kuo tuku eia ae gaahi mea kotoabe ki hono lalo va’e, bea fakanofo ia koe ulu ki he gaahi mea kotoabe ki hono jiaji,

23 Aia ko hono jino, koe fonu o ia oku ne fakafonu kotoabe i he mea kotoabe.