Vahe 2
1 Oku ne fakatatau e tau motua aga, mo la kuo tau ma’u i he aloofa: 10 oku ne fakaha ae fakatubu foou akitautolu ki he gaahi gaue telei: 13 i he omi akitautolu ke ofi ia Kalaisi, ke oua naa tau moui o hage koe kakai Jenitaile, moe kakai muli i he gaahi aho kuo hili. 19 He koe kauga kolo moe kakai maonioni, ae fānau ae Otua.
¶ 1 BEA ko kimoutolu, naa mou mate i he gaahi talagataa moe agahala;
2 Aia naa mou aeva ai i mu’a o fakatatau ki he aluga oe mamani, o tāu moe eiki oe malohi oe atā, ae laumalie oku gaue ni i he fānau talagataa:
3 Aia naa tau fai fakataha ai kotoabe i mu’a, i he gaahi holi kovi a ho tau kakano, o fai ki he gaahi holi oe kakano moe loto; bea i he ulugaaga koe fānau oe houhau, o hage koe kakai kotoabe.
4 Ka koe Otua, aia oku mohu aloofa, i he ene ofa lahi naa ne ofeina ai akitautolu,
5 Io, lolotoga e tau mate i he gaahi agahala, kuo ne fakamoui akitautolu fakataha mo Kalaisi, (kuo mou moui i he ofa;)
6 Bea kuo ne fokotuu hake fakataha, o ne fakanofo akitautolu i he gaahi botu fakalagi ia Kalaisi Jisu:
7 Koeuhi i he gaahi kuoga e ha’u ke ne fakaha hono lahi aubito aubito o ene ofa i he ene agalelei kiate kitautolu ia Kalaisi Jisu.
8 He oku mou moui i he ofa be i he tui; bea oku ikai meiate kimoutolu ia: ka koe foaki ae Otua:
9 Oku ikai i he gaahi gaue, telia naa bolebole ai ha tagata.
10 He ko ene gaue akitautolu, kuo fakatubu ia Kalaisi Jisu ki he gaahi gaue lelei, aia kuo tomua tuutuunie he Otua ke aeva ai akitautolu.
11 Koia manatu, koe Jenitaile fakakakano akimoutolu i mu’a, nai ui ki Taekamu eia oku ui koe Kamu, i he kakano, nae fai e he nima;
12 Koeuhi i he kuoga koia naa mou majiva Kalaisi ai, koe āuhe akimoutolu mei he buleaga o Isileli, moe kau muli ki he gaahi fuakava oe talaofa, o tae ha amanaki lelei, bea taema’u ae Otua i mamani
13 Ka koeni, koe mea ia Kalaisi Jisu, ko kimoutolu nae mamao atu i mu’a, kuo fakaofi i he taataa o Kalaisi.
14 He ko ho tau melinoaga ia, aia kuo ne gaohi ae ua ke taha be, bea kuo ne holoki hifo ae a vahevahe i loto;
15 Bea kuo ne ikuna i hono jino ae taufehia, io, ae fono oe gaahi fekau nae tuu i he gaahi tuutuuni; ke ne fakatubu iate ia i he ua ae tagata foou be taha, bea fakamelino ai;
16 Bea koeuhi ke fakalelei fakatouoji be ki he Otua i he jino be taha i he akau, kuo oji ene tamate’i aki ia ae taufehia:
17 Bea ha’u o malaga aki ae melino kiate kimoutolu nae mamao atu, bea kiate kinautolu nae ofi.
18 He koe mea iate ia oku tau ma’u fakatouoji ae hokoaga i he Laumalie be taha ki he Tamai.
19 Bea koeni, oku ikai ai koe kau muli moe kau aunofo akimoutolu, ka koe kauga kolo moe kaiga maonioni, bea moe fale oe Otua.
20 Bea kuo fokotuu ki he tuuga ae kau abosetolo moe kau balofita, ko hono fuu maka tuliki a Jisu Kalaisi oe;
21 Aia oku fehokotaki lelei ai ae fale kotoa, bea tubu ia koe fale maonioni ki he Eiki:
22 Aia kuo laga fakataha ai foki akimoutolu, koe nofoaga oe Otua i he Laumalie.