Ngaahi Folofolá
Jone 19


Vahe 19

1 Oku kauimaea a Kalaisi, mo tatā aki ae akau talatala, bea teia. 4 Oku fie tukuage ia e Bailato, ka i he taomia ia e he kakai Jiu, oku ne atu ia ke tutuki ki he akau. 23 Oku nau talotalo ki hono kofu. 26 Oku ne tuku atu ene fa‘e kia Jone. 28 Oku bekia ia. 31 Oku hoka‘i hono vakavaka. 38 Oku tanu ia e Josefa mo Nikotimasi.

1 KOIA nae toki tuku e Bailato a Jisu, ke kauimaea.

2 Bea nae fi e he kau tau ae tatā akau talatala, ke ai ki hono fofoga, o nau ai kiate ia ae bulubulu kulokula.

3 O nau lau, Jiotoofa tu‘i oe kakai Jiu! bea nau haha ia aki ho nau nima.

4 Koia nae toe alu atu ai a Bailato, o ne tala kiate kinautolu, Vakai, oku ou omi ia kiate kimoutolu, koeuhi ke mou ilo oku ikai teu ilo haane kovi.

5 Bea alu atu a Jisu, kuo ai ae tatā akau talatala, moe bulubulu kulokula. Bea tala  e Bailato kiate kinautolu, Vakai ki he tagata!

6 Koia i he mamata ae kau taulaeiki lahi moe kau matābule kiate ia, naa nau kalaga, o behe, Tutuki ki he akau, tutuki ki he akau. Bea talaage e Bailato, kiate kinautolu, Mou ave ia, o tutuki ki he akau: he oku ikai teu ilo haane kovi.

7 Bea talaage e he kakai Jiu kiate ia, Oku ai e mau fono, bea i he e mau fono oku totonu ene mate, koeuhi naa ne ui ia koe Alo oe Otua.

8 Bea kuo fanogo a Bailato ki he lea koia, bea ajili ai ene manavahe;

9 Bea toe alu ia ki he fale fakamāu, o ne fehui kia Jisu, Oku ke ha‘u meife? Ka nae ikai jii lea a Jisu kiate ia.

10 Bea behe ai e Bailato kiate ia, Ikai te ke lea kiate au? ikai te ke ilo oku iate au ae mafai ke tutuki koe ki he akau, bea iate au moe mafai ke tukuage koe?

11 Bea talaage e Jisu, E ikai te ke mafai ha mea kiate au, o ka ne ikai foaki ia kiate koe mei oluga: ko ia foki kuo tukuage au kiate koe, oku lahi hake ene agahala.

12 Bea talu mei ai moe fie tukuage ia e Bailato: ka nae kalaga ae kakai Jiu, o behe, Kabau te ke tukuage ae tagata ni, oku ikai ko ha kaiga koe o Sisa: ko ia oku ne behe, koe tu‘i ia, oku lea kovi ia kia Sisa.

13 Bea i he fanogo a Bailato ki he lea koia, naa ne omi a Jisu kitua, o nofo hifo i he nofoa fakamāu, i he botu oku ui koe Falikimaka, ka i he lea faka‐Hebelu, ko Kabata.

14 Bea koe teuteu ki he  katoaga oe Lakaatu, bea ko hono ono nai oe feituulaa: bea behe eia ki he kakai Jiu, Vakai ko ho mou Tu‘i!

15 Ka naa nau kalaga, Ave  ia, ave  ia, tutuki ia ki he akau. Bea behe e Bailato kiate kinautolu, Teu tutuki ho mou Tu‘i ki he akau? Bea talaage e he kau taulaeiki lahi, Oku ikai ha mau tu‘i ka ko Sisa be.

16 Koia naa ne toki tukuage ai ia kiate kinautolu ke tutuki ki he akau. Bea naa nau ma‘u a Jisu o taki atu.

17 Bea fua eia hono akau, o alu atu ki he botu oku ui  koe botu oe uluboko, aia oku ui i he lea faka‐Hebelu ko Kolokota:

18 O nau tutuki ai ia ki he akau, moe toko ua kehe mo ia, i hono botu faka-touoji be, kae i  ho na vahaa a Jisu.

19 Bea nae tohi e Bailato ha tohi fakailoga, o ai  ia ki ke akau. Bea koe tohi nae  behe, KO JISU O NASALETI, KOE TU‘I OE KAKAI JIU.

20 Bea nae lau ae tohi ni e he toko lahi oe kakai Jiu: he koe botu kuo tutuki ai a Jisu nae ofi ki he kolo; bea nae tohi ia i he lea faka‐Hebelu, moe lea faka‐Kiliki, moe lea faka‐Loma.

21 Bea lea ai ae kau taulaeiki lahi oe kakai Jiu kia Bailato, Oua e tohi, Koe tu‘i oe kakai Jiu: kae  tohi nae lau eia, Koe Tu‘i au oe kakai Jiu.

22 Bea talaage e Bailato, Koia kuou tohi, kuou tohi.

23 Bea kuo tutuki ki he akau a Jisu e he kau tau, bea nau too hono gaahi kofu o vahe fa, o taki taha ae tagata  hono vahe; moe kofu tua foki: bea nae ikai hano hoko aga i he kofu tua, i hono lalaga, mei oluga o fai ki lalo.

24 Koia naa nau behe ai iate kinautolu, Oua naa tau hae ia, ka tau talotalo ki ai ke ahai ia: o fakamooni ai ae tohi oku behe, Naa nau tufa hoku gaahi kofu iate kinautolu, bea nau talotalo ki hoku kofu tua. Nae behe ae gaue ae kau tau.

25 Bea nae tutuu, o ofi ki he akau o Jisu, a ene fa‘e, moe tokoua o ene fa‘e, ko Mele koe  unoho o Kaliobasi, mo Mele Makitaline.

26 Koia i he mamata a Jisu ki he ene fa‘e, moe akoga koia naa ne ofa ai, oku tuu o ofi, naa ne behe ki he ene fa‘e, Fefine, vakai ko hoo tama!

27 Bea lea ai ia ki he akoga, Vakai ko hoo fa‘e! Bea talu mei he feituulaa koia nae ave ia e he akoga koia ki hono abi.

28 Bea hili ia, bea ilo e Jisu kuo fai o oji ae gaahi mea kotoabe, bea koeuhi ke fakamooni‘i ae tohi, nae behe eia, Oku ou fieinu.

29 Bea nae tuu i ai ae ibu fonu i he vai mahi: bea naa nau unu ae oma i he vai mahi, o ai ia ki ke kau‘i isobe, bea o hake ia ki hono fofoga.

30 Bea kuo ma‘u e Jisu ae vai mahi, bea behe eia, Ko hono gata ia: bea bunou hono fofoga, o tuku hake hono laumalie.

31 Bea koe aho teuteu ia, bea telia naa i he akau ae gaahi jino i he aho sabate, (he koe aho sabate koia koe  aho lahi,) koia nae kole ai ae kakai Jiu kia Bailato, ke feji‘i ho nau va‘e, bea ke ave akinautolu.

32 Bea nae ha‘u ae kau tau, o feji‘i ae va‘e oe uluaki, moe toko taha nae tutuki ki he akau mo ia.

33 Ka i he e nau hoko kia Jisu, o vakai kuo mate ia, nae ikai te nau feji‘i hono va‘e.

34 Ka koe toko taha oe kau tau, naa ne hoka‘i hono vakavaka aki ae tao, bea nae tafe leva mei ai ae toto moe vai.

35 Bea ko ia naa ne mamata, oku ne fakamooni  ki ai, bea oku mooni ene fakamooni: bea oku ne ilo oku ne lea mooni, koeuhi ke mou tui.

36 He nae fai ae gaahi mea ni, ke fakamooni ai ae tohi, E ikai feji‘i ha hui  e taha oona.

37 Bea oku behe moe tohi e taha, Te nau jio kiate ia kuo nau hoka‘i.

38 Bea hili ia, ko Josefa o Ale-matea. koe akoga ia a Jisu, kae fakalilolilo be, ko  ene manavahe ki he kakai Jiu, nae kole ia kia Bailato ke ne ave ae jino o Jisu: bea loto ki ai a Bailato. Koia nae ha‘u ai ia, o ne ave ae jino o Jisu.

39 Bea nae ha‘u moia a Nikotimasi, aia nae fuofua ha‘u kia Jisu i he bouli, o ne omi ae mula moe alosi nae fehuiaki, koe lau teau nai  hono mamafa.

40 Bea nau too ae jino o Jisu, o faka-koloa aki ia, ae tubenu, moe gaahi me‘a fakakakala, o fakatatau ki he aga ae kakai Jiu i he fai mea fakaeiki.

41 Bea nae i he botu nae tutuki ai ia ki he akau ha goue; bea i he goue ae fonualoto foou, nae teeki tuku ki ai ha taha.

42 Bea naa nau tuku ki ai a Jisu, koeuhi koe aho teuteu oe kakai Jiu: he nae ofi ae fonualoto.