Ngaahi Folofolá
Jone 21


Vahe 21

1 Oku toe fakaha a Kalaisi ki he ene kau akoga, ko hono iloaga kiate kinautolu koe ika lahi nae ma‘u. 12 Nae kai hoata ia mo kinautolu: 15 oku fekau fakamatoato kia Bita ke fafaga ene faga lami moe faga sibi: 18 o ne tomua fakaha kiate ia ene mate: 22 o ne valoki ene fieiloilo kia Jone. 25 Ko hono fakaoji.

1 HILI ae gaahi mea ni, nae toe fakaha ia e Jisu ki he ene kau akoga i he tahi o Taibilio; bea nae behe hono fakaha.

2 Nae fakataha a Saimone Bita, mo Tomasi nae ui ko Titimasi, mo Nataniela o Kena o Kaleli, moe ogo foha o Sebeti, mo ene kau akoga kehe e toko ua.

3 Bea lea a Saimone Bita kiate kinautolu, Teu alu o fai kubega. Bea nau behe kiate ia, Te tau o foki mo koe. Bea naa nau alu atu leva, o heka vaka; bea koe bo koia nae ikai te nau ma‘u ha mea.

4 Bea bogibogi hake, oku tuu a Jisu i matā tahi: ka nae ikai ilo e he kau akoga ko Jisu ia.

5 Bea lea a Jisu kiate kinautolu, Fānau, oku ai haa mou mea kai? Bea nau talaage kiate ia, Ikai.

6 Bea tala eia kiate kinautolu, Aau ae kubega i he matau oe vaka. bea te mou ma‘u. Bea nau aau ai, bea ikai ai ke nau faa toho ia koeuhi koe lahi oe ika.

7 Koia nae lea ai kia Bita ae akoga koia nae ofa ai a Jisu, Koe Eiki ia. Bea kuo fanogo leva a Saimone Bita koe Eiki, bea nonoo eia hono kofu fakatoutai, (he nae vete ia,) bea hobo ia ki tahi.

8 Bea ha‘u hono toe oe kau akoga he vaka jii; (he nae ikai te nau mamao mei uta, ka koe haga e fageau nai,) o nau toho ae kubega moe ika.

9 Bea i he e nau a‘u ki uta, naa nau mamata ki he afi kuo tafu, bea moe ika kuo tunu ai moe ma.

10 Bea tala e Jisu kiate kinautolu, Omi ae ika kuo mou toki ma‘u ni.

11 Bea alu a Saimone Bita, o toho ae kubega ki uta, oku fonu i he gaahi ika lalahi, koe teau ma nimagofulu moe  ika e tolu: koe mea lahi aubito, ka nae ikai mahae ae kubega.

12 Bea lea a Jisu kiate kinautolu, Ha‘u o kai. Bea nae ikai faa fehui e ha taha i he kau akoga kiate ia, Kohai koe? he naa nau ilo koe Eiki.

13 Bea ha‘u ai a Jisu, o too ae ma, o atu kiate kinautolu, moe ika foki.

14 Bea ko hono liuga tolu eni oe fakaha ia e Jisu ki he ene kau akoga, hili ene toetuu mei he mate.

15 Bea hili e nau kai, bea lea a Jisu kia Saimone Bita, Saimone, koe foha o Jonasi, oku lahi hake hoo ofa kiate au iate kinautolu ni? Bea talaage eia kiate ia, Io, Eiki; oku ke ilo oku ou ofa kiate koe. Bea ne behe kiate ia, Fafaga eku faga lami.

16 Bea toe lea ia ki ai ko hono tuo ua, Saimone, koe foha o Jonasi, oku ke ofa kiate au? Bea talaage eia ki ai, Io, Eiki; oku ke ilo oku ou ofa kiate koe. Bea ne behe kiate ia, Fafaga eku faga sibi.

17 Bea lea eia kiate ia ko hono liuga tolu, Saimone, koe foha o Jonasi, oku ke ofa kiate au? Bea mamahi a Bita i he ene lea ko hono liuga tolu kiate ia, Oku ke ofa kiate au? Bea talaage eia ki ai, Eiki, oku ke ilo‘i ae mea kotoabe; oku ke ilo‘i oku ou ofa kiate koe. Bea behe e Jisu kiate ia, Fafaga eku faga sibi.

18 Koe mooni, koe mooni, oku ou tala atu kiate koe, I hoo kei talavou, naa ke nonoo koe, o ke eveeva ko hoo faiteliha: ka oka ke ka motua, te ke mafao atu ho nima, bea e nonoo koe e ha toko taha, o ave koe ki he botu e ikai te ke loto ki ai.

19 Naa ne lea aki eni, koe fakaha ae mateaga koia te ne fakaogoogolelei ai ae Otua. Bea hili ene lea behe, bea ne behe ki ai, Muimui mai kiate au.

20 Bea tafoki ki mui a Bita, o mamata ki he akoga koia nae ofa ai a Jisu, oku muimui mai; aia foki nae faaki ki hono fatafata i he kai oe ohomohe, o ne behe ai, Eiki, kohai ia oku ne lavaki‘i koe?

21 Bea mamata a Bita kiate ia, bea ne behe kia Jisu, Eiki, bea e fefe ae tagata ni?

22 Bea talaage e Jisu kiate ia, Kabau ko hoku loto ke tatali ia ke oua keu ha‘u, koeha ia kiate koe? muimui koe iate au.

23 Bea mafola ae tala ni ki he kaiga, e ikai mate ae akoga koia: ka nae ikai tala e Jisu kiate ia, E ikai mate ia; kae  behe, Kabau oku ou loto ke tatali ia ke oua keu ha‘u, koeha ia kiate koe?

24 Ko eni ae akoga koia aia oku ne fakababau ae gaahi mea ni, o ne tohi ae gaahi mea ni: bea oku mau ilo oku mooni ene fakamooni.

25 Bea oku ai moe gaahi mea kehekehe nae fai e Jisu, aia, ka ne tohi kotoabe, oku ou mahalo e meimei ikai hao i mamani ae gaahi tohi aia e tohi ai. Emeni.