Koe Ogoogolelei nae tohi e Luke

¶ 1 KOE mea i he fai e he toko lahi ke tohi fakaholo hono fakamatala oe gaahi mea koia oku tui mooni ki ai iate kitautolu,

2 O hage koia kuo tuku mai kiate kitautolu, ekinautolu nae mamata bau  ki ai, bea hoko koe kau faifekau oe folofola, talu hono kāmataga;

3 E Tiofilusi lelei, koe mea i he eku kumi fakatotolo ki he mea kotoabe talu hano kāmataga, oku ou loto ai keu tohi fakaholo atu  ia kiate koe,

4 Koeuhi ke ke ilo hono mooni oe gaahi mea koia, aia kuo akonekina ai koe.

¶ 5 NAE ai i he gaahi aho o Helota, koe tu‘i o Jutea, ae taulaeiki e taha, i he lakaga o Abia, ko Sakalia hono higoa: bea ko hono unoho nae mei he gaahi ofefine o Elone, bea ko Ilisabeti hono higoa.

6 Bea naa na agatonu fakatouoji be i he ao oe Otua, o na alu taehala i he gaahi fekau moe tuutuuni kotoabe ae Eiki.

7 Bea nae ikai haa na tama, koeuh; nae baa a Ilisabeti, bea kuo na motua fakatouoji be.

8 Bea behe, i he ene fai ki he gaue fakataulaeiki, i he ao oe Otua, i he lakaga o hono vahe,

9 Ko hono lakaga, o hage ko hono aga oe gaue fakataulaeiki, ke tutu ae mea namu lelei i he ene hu ki he botu tabu ae Eiki.

10 Bea nae lotu ae fuu kakai kotoabe itua, i he lolotoga  ae tutu oe akau namu lelei.

11 Bea nae ha mai kiate ia ha agelo ae Eiki, oku tuu ia i he botu fakatoo-matau oe ejifeilaulau oe akau namu lelei.

12 Bea tafuua a Sakalia i he ene mamata  ki ai, bea to kiate ia ae manavahe.

13 Ka nae behe e he agelo kiate ia, Sakalia, oua te ke manavahe, he kuo tau hoo lotu; bea e faele‘i e ho unoho ko Ilisabeti ae tama kiate koe, bea te ke ui hono higoa ko Jone.

14 Bea te ke ma‘u ai ae fiefia moe nekeneka; bea e fiefia ae toko lahi i he ene fanau‘i.

15 Koeuhi e lahi ia i he ao oe Eiki, bea e ikai te ne inu ae uaine be ha inu fakakona; bea e fonu ia i he Laumalie Maonioni, io, mei he manāva o ene fa‘e.

16 Bea e fakatafoki eia ae toko lahi oe fānau a Isileli ki he Eiki ko ho nau Otua.

17 Bea e muomua ia iate ia i he aga moe malohi o Ilaija, ke fakatafoki ae loto oe mātua ki he fānau, moe talagataa ki he boto oe agatonu; ke teu‘i ae kakai ke lelei ma ae Eiki.

18 Bea behe e Sakalia ki he agelo, Teu ilo i he ha ae mea ni? he koe tagata motua au, bea kuo lahi ae ta‘u o hoku unoho.

19 Bea lea ae agelo, o beheage kiate ia, Ko au Kebaleli, oku ou tuu i he ao oe Otua; bea kuo fekau au keu lea kiate koe, mo fakaha kiate koe ae gaahi mea fakafiefia ni.

20 Bea vakai, te ke noa koe, e ikai te ke faa lea, o a‘u ki he aho e hoko ai ae gaahi mea ni, koe mea i hoo taetui ki he eku gaahi lea, aia e fakamooni i hono kuoga.

21 Bea nae tatali ae kakai kia Sakalia, bea naa nau ofo i he ene tuai mai mei he botu tabu.

22 Bea kuo ha‘u ia kitua, bea ikai te ne faa lea kiate kinautolu: bea nau ilo ai kuo ha mai ha mea kiate ia i he botu tabu: he nae kamokamo ia kiate kinautolu, bea taelea.

23 Bea behe, i he  toki hili ae gaahi aho o ene gaue, nae alu ia ki hono fale.

24 Bea hili ae gaahi aho koia, nae tuituia a hono unoho ko Ilisabeti, bea nae nofo ia i he lilo, i he mahina e nima, o ne behe,

25 Kuo fai behe e he Eiki kiate au, i he gaahi aho naa ne vakai‘i  au, ke too  iate au hoku manukiaga i he kakai.

26 Bea i hono ono oe mahina, nae fekau e he Otua ae agelo ko Kebaleli ki he kolo e taha i Kaleli, ko Nasaleti hono higoa,

27 Ki ha tāuboou i he fale o Tevita, kuo fakanofo ki he tagata nae higoa ko Josefa; bea koe higoa oe tāuboou ko Mele.

28 Bea ha‘u ae agelo kiate ia, o ne behe, Jiotoofa, oku ke ofeina lahi, oku iate koe ae Eiki: oku ke monuia i he fefine  fulibe.

29 Bea kuo mamata ia  ki ai, bea tafuua ia i he ene lea, mo ne fifili i hono loto, be koeha hono uhiga oe fetaba koia.

30 Bea behe e he agelo kiate ia, Mele, oua e manavahe: he oku ke ofeina mei he Otua.

31 Bea vakai, te ke tuituia i  ho manāva, bea faele‘i ae tama, bea ke ui hono huafa ko JISU.

32 Bea e lahi ia, bea e ui ia koe Alo oe Fugani Maoluga; e age kiate ia e he Eiki koe Otua ae nofoa o ene tamai ko Tevita:

33 Bea e bule ia ki he fale o Jekobe o taegata; bea e ikai hano gataaga o ene bule.

34 Bea behe e Mele ki he agelo, E fefe ai ae mea ni, he oku ikai teu iloa ha tagata?

35 Bea lea ae agelo, o beheage kiate ia, E hoko mai ae Laumalie Maonioni kiate koe, bea e fakamalu koe e he malohi oe Fugani Maoluga; bea koia foki e ui ai ae hako maonioni te ke faele‘i koe Alo oe Otua.

36 Bea vakai, ko ho kaiga ko Ilisabeti, kuo tuituia ia i he tama i he ene motua: bea ko hono ono mahina eni o ia nae ui koe baa.

37 He oku ikai ha mea e faigataa ki he Otua.

38 Bea behe e Mele, Vakai, koe kaunaga  au ae Eiki; ke hoko mai kiate au o hage ko hoo lea. Bea nae alu ae agelo iate ia.

39 Bea tuu hake a Mele, i he gaahi aho koia, o alu fakavave ki he fonua mouga, ki ha kolo o Juta;

40 Bea nae hu ia ki he fale o Sakalia, o fetaba kia Ilisabeti.

41 Bea nae behe, kuo fanogo a Ilisabeti ki he fetaba a Mele, bea hobohobo ae tama i hono manāva; bea fakafonu a Ilisabeti i he Laumalie Maonioni:

42 Bea nae lea aki eia ae le‘o lahi, o ne behe, Oku ke monuia koe i he fefine  kotoabe bea oku monuia moe fua o ho manāva.

43 Bea oku fefe nai eni kiate au, koeuhi kuo ha‘u ae fa‘e a hoku Eiki kiate au?

44 Bea vakai, kuo ogo leva ae le‘o o hoo fetaba ki hoku teliga, bea hobohobo fiefia ae tama i hoku manāva.

45 Bea oku monuia aia kuo tui: koeuhi e fakamooni ae gaahi mea koia aia nae fakaha kiate ia mei he Eiki.

¶ 46 Bea behe e Mele, Oku fakahiki-hiki ae Eiki e hoku laumalie

47 Bea oku fiefia hoku laumalie i he Otua ko hoku fakamoui.

48 He kuo ne vakai eia ae vaivai a ene kaunaga: vakai, gata mei he aho ni e ui au koe monuia e he gaahi toutagata kotoabe.

49 He ko ia oku mafimafi kuo ne fai kiate au ae gaahi mea lahi; bea oku maonioni hono huafa.

50 Bea oku iate kinautolu oku manavahe kiate ia a ene aloofa mei he toutagata ki he toutagata.

51 Kuo fakaha mai eia ae malohi o hono nima; bea kuo veteki eia ae laukau i he gaoi a ho nau loto.

52 Kuo fakahifo eia ae malohi mei he gaahi nofoaga, bea kuo ne hakeaki‘i akinautolu nae māulalo.

53 Kuo fakamakona eia ae fiekaia aki ae gaahi mea lelei; ka ne teke‘i atu ae ma‘umea ke majiva.

54 Kuo tokoni eia a ene tamaioeiki ko Isileli, i he ene manatu ki he aloofa;

55 Kia Ebalahame, mo hono hako o lauikuoga, o hage ko ene lea ki he e tau gaahi tamai.

56 Bea naa na nonofo mo Mele i he mahina nai e tolu, bea  toki alu ia ki hono fale.

57 Bea kuo hokojia ae aho ke faele ai a Ilisabeti; bea faele‘i eia ae tama.

58 Bea fanogo a hono kaugaabi mo hono kaiga, kuo fakaha e he Eiki ae aloofa lahi kiate ia; bea nau fiefia mo ia.

59 Bea behe, i hono aho valu naa nau omi ke kamu ae tamajii; bea naa nau ui ia ko Sakalia, o hage koe higoa o ene tamai.

60 Bea leaage ene fa‘e, o ne behe, E ikai, kae ui ia ko Jone.

61 Bea naa nau behe kiate ia, Oku ikai hao kaiga oku ui i he higoa koia.

62 Bea nau kamokamo ki he ene tamai, be koeha hono loto ke ui ia.

63 Bea ne mea ke omi ae tohiaga, bea tohi eia, o behe, Ko Jone hono higoa. Bea naa nau ofo ai kotoabe.

64 Bea matoo leva hono gutu, bea mo hono elelo, bea lea ia o fakamalo ki he Otua.

65 Bea nae to ae manavahe ki he kakai kotoabe naa nau nonofo i he botu koia: bea nae ogoogoa ai ae gaahi mea ni kotoabe i he fonua mouga kotoabe o Jutea.

66 Bea ko kinautolu kotoabe nae fanogo ki ai, naa nau fifili i ho nau loto, mo behe, E fefe nai ae aga ae tama ni! Bea nae iate ia ae nima oe Eiki.

67 Bea nae fakafonu a ene tamai ko Sakalia i he Laumalie Maonioni, bea kikite ia, o behe,

68 Fakafetai ki he Eiki koe Otua o Isileli; he kuo ne aahi mo huhui a hono kakai,

69 Bea kuo ne fokotuu eia ae malohi oe fakamoui kiate kitautolu, i he fale o ene tamaioeiki ko Tevita;

70 O hage ko ene folofola i he gutu o ene kau balofita maonioni, nae ai talu ae tubuaga o mamani:

71 Koeuhi ke fakamoui akitautolu mei ho tau gaahi fili, moe nima o kinautolu kotoabe oku fehia kiate kitautolu;

72 Ke fakamooni ae aloofa ki he e tau mātua, mo manatu ki he ene fuakava maonioni;

73 Ae fuakava aia naa ne fuakava aki ki he e tau tamai ko Ebalahame,

74 Ke tuku eia kiate kitautolu, ke tau hao mei he nima o ho tau gaahi fili, bea tau tauhi ia taemanavahe,

75 I he maonioni moe agatonu i hono ao, i he aho kotoabe oe tau moui.

76 Bea ko koe, e tama, e ui koe koe balofita oe Fugani Maoluga: he te ke muomua i he ao oe Eiki ke teuteu hono hala;

77 Ke fakailo ae fakamoui ki hono kakai i he fakamolemole oe nau hia,

78 Koe mea i he aloofa ogogofua a ho tau Otua; aia kuo hoko mei ai ae hegihegi oe aho mei oluga kiate kitautolu,

79 Ke fakamāma kiate kinautolu oku nofo i he fakabouli moe ata oe mate, ke fakahinohino ho tau va‘e ki he hala oe fiemalie.

80 Bea nae tubu ae tama, bea fakaaau o malohi i he laumalie, bea naa ne i he toafa o a‘u ki he aho naa ne fakaha ai ia ki Isileli.