¶ 1 BEA hili ae gaahi mea ni, nae fakanofo e he Eiki ae toko fitugofulu kehe, o ne fekau ke nau o, o tautau toko ua, ke muomua iate ia ki he kolo moe botu kotoabe e alu ia ki ai.

2 Bea behe eia kiate kinautolu, Koe mooni oku lahi ae ta‘u, kae toko jii ae kau gaue: koia mou kole ai ki he Eiki oe ta‘u, ke ne fekau atu ae kau gaue ki he ene ta‘u.

3 Mou o: bea vakai, oku ou tuku atu akimoutolu o hage koe faga lami i he lotolotoga oe faga uolofi.

4 Oua naa too ha kato baaga, be ha kato kai be ha tobuva‘e; bea oua e fetaba ki ha taha i he hala.

5 Bea koe fale koia te mou hu ki ai, mou tomua lea, Ke i he fale ni ae fiemalie.

6 Bea kabau e i ai ae foha oe fiemalie, e hoko ki ai hoo mou fakafiemalie; bea kabau e ikai, e toe hoko ia kiate kimoutolu.

7 Bea mou nofo i he fale koia, o kai mo inu ai ae gaahi mea te nau omi; he oku tāu moe tagata gaue ke ne ma‘u haa ne tauhi. Bea oua naa fehufaki ki he gaahi fale.

8 Bea koe kolo koia te mou hu ki ai, bea nau ma‘u akimoutolu, mou kai ae gaahi mea te nau omi kiate kimoutolu.

9 Bea fakamoui ae mahaki i ai, bea mou behe kiate kinautolu, Kuo ofi ae buleaga oe Otua kiate kimoutolu.

10 Ka koe kolo te mou hu ki ai, bea ikai te nau ma‘u akimoutolu, mou o ki hono gaahi hala, o lea  behe,

11 Naa moe efu o hoo mou kolo, aia oku bikitai kiate kimautolu, oku mau tutui  ia kiate kimoutolu: ka mou ilo bau ae mea ni, kuo hoko ae buleaga oe Otua kiate kimoutolu.

12 Ka oku ou behe kiate kimoutolu, E katakigofua a Sotoma i he aho koia, i he kolo koia.

13 E malaia akoe, Kolesini! e malaia akoe, Betesaita! he ka ne fai i Taia mo Saitone ae gaahi gaue lahi kuo fai iate kimoutolu, behe, kuo loa e nau fakatomala, o nau nofo moe tauagaa i he efuefu.

14 Ka e katakigofua e Taia mo Saitone ae fakamāu, iate kimoutolu.

15 Bea ko koe, Kabaneume, akoe kuo hiki ki he lagi, e fakahifo koe ki heli.

16 Ko ia oku fanogo kiate kimoutolu, oku fanogo ia kiate au; bea ko ia oku ne liaki akimoutolu, oku ne liaki au; bea ko ia oku ne liaki au, oku ne liaki ia kuo ne fekau au.

¶ 17 Bea nae liliu mai ae toko fitugofulu i he fefia, mo nau behe, Eiki, kuo vaivai ae kau tevolo kiate kimautolu i ho huafa.

18 Bea ne behe kiate kinautolu, Naaku mamata ki he higa a Setani o hage koe uhila mei he lagi.

19 Vakai, oku ou foaki ae malohi kiate kimoutolu ke malaki hifo ae gaahi gata, moe sikobio, bea moe malohi kotoabe oe fili: bea e ikai aubito ha mea e lavea ai akimoutolu.

20 Kae oua naa fiefia i he mea ni, koeuhi kuo vaivai ae kau laumalie kiate kimoutolu; ka mou fiefia mua koeuhi kuo tohi ho mou higoa i he lagi.

¶ 21 Nae fiefia a Jisu i hono laumalie i he feituulua koia, o ne behe, E Tamai, koe Eiki oe lagi mo mamani, oku ou fakafetai kiate koe, i hoo fufu ae gaahi mea ni mei he kau boto moe fieiloilo, ka kuo ke fakaha ia ki he kau valevale: ke behe, E Tamai; he oku lelei ia i ho ao ke behe.

22 Kuo tuku ae gaahi mea kotoabe kiate au e he eku Tamai: bea oku ikai ke ilo e ha taha be kohai ae Alo, ka koe Tamai  be; be kohai ae Tamai, ka koe Alo  be, bea mo ia e fakaha  ia ki ai e he Alo.

23 Bea nae tafoki ia ki he ene kau akoga, o lea fufu,  o behe, Oku monuia ae mata oku mamata ki he gaahi mea oku mou mamata ki ai:

24 He oku ou tala kiate kimoutolu, nae toko lahi ae kau balofita moe gaahi tu‘i nae holi ke mamata ki he gaahi mea oku mou mamata ki ai, ka nae ikai te nau mamata; bea fanogo ki he gaahi mea oku mou fanogo ki ai, ka nae ikai te nau fanogo  ai.

¶ 25 Bea vakai, nae tuu hake ae akonaki i he fono, o ahiahi kiate ia, o behe, Eiki, koeha teu fai ke ma‘u ai ae moui taegata?

26 Bea ne behe kiate ia, Koeha kuo tohi i he fono? oku fefe hao lau?

27 Bea lea ia, o ne beheage, Ke ke ofa kia Jihova ko ho Otua aki ho loto kotoa, mo ho laumalie kotoa, mo ho atamai kofoa; bea ki ho kaugaabi, o hage be ko koe.

28 Bea behe eia kiate ia, Kuo ke lea totonu: fai eni, bea te ke moui.

29 Ka i he ene fie fakatonuhia ia, naa ne behe kia Jisu, Kohai hoku kaugaabi?

30 Bea lea a Jisu, o beheage, Koe tagata e toko taha nae alu hifo mei Jelusalema ki Jeliko, bea moua ia ki he kau kaihaa, bea naa nau vete iate ia a hono gaahi kofu, mo ta‘i  ia, bea nau alu mei ai kuo ne mei mate.

31 Mo ene aluage ha taulaeiki i he hala koia; bea mamata ia ki ai, bea ne alu ki he kau hala e taha.

32 Bea mo ha Livaite foki, kuo hoko ia ki be botu, bea ha‘u o mamata, bea alu ie ni he kau hala e taha.

33 Ra nae fonoga ha tagata Samelia, bea hoko ia ki he botu nae i ai ia: bea kuo mamata ia ki ai, bea ne manavaofa lahi,

34 O ne aluage, o nonoo hono lavea, bea liligi ki ai ae lolo moe uaine, bea ne fakaheka ia ki he ene manu, o ne omi ia ki he fale talifonoga, o ne tauhi ia.

35 Bea bogibogi ai, i he ene alu, nae too eia ae tenali e ua, o atu ki he matābule, o ne behe ki ai, Ke ke tauhi ia; bea koia kotoabe te ke toe age  maana, teu totogi kiate koe, o kau ka toe ha‘u.

36 Oku ke mahalo, kohai i he toko tolu ni nae kaugaabi kiate ia nae moua ki ke kau kaihaa?

37 Bea behe eia, Ko ia ia ne ne fai ofa kiate ia. Bea beheage e Jisu kiate ia, Alu koe, bea ke fai behe be.

¶ 38 Bea behe, kuo nau fonoga, bea ne hoko ki he botu kakai e taha, bea koe fefine ko Maata hono higoa, ne ne mau ia ki hono fale.

39 Bea nae ai a hono tokoua nae ui ko Mele, nae nofo foki ia i he va‘e o Jisu, o fanogo ki he ene lea.

40 Ka kuo femouekina a Maata i he tauhi lahi, bea ne ha‘u kiate ia, o behe, Eiki, oku ikai te ke tokaga kuo liaki au e hoku tokoua keu gaue toko taha be? koia ke ke fekau ia ke tokoni au.

41 Bea tala e Jisu, o ne beheage kiate ia, Maata, Maata, oku ke femouekina mo fetokagaki i he gaahi mea lahi:

42 Ka koe mea be taha oku aoga: bea kuo fili e Mele ae mea lelei, aia e ikai too meiate ia.