¶ 1 BEA nae behe, nae lotu ia i he botu e taha, bea hili ia, nae behe e he toko taha o ene kau akoga kiate ia, Eiki, akonaki‘i akimautolu ke lotu, o hage koe ako a Jone ki he ene kau akoga.

2 Bea ne behe kiate kinautolu, Oka mou ka lotu, mou behe, Ko e mau Tamai oku i he lagi, Ke tabuhā ho huafa. Ke hoko mai hoo bule. Ke fai a mamani ki ho finagalo, o hage i he lagi.

3 Ke foaki mai kiate kimautolu haa mau mea kai i he aho kotoabe.

4 Bea ke fakamolemole kiate kimautolu e mau agahala; he oku mau fakamolemole foki akinautolu kotoabe oku agahala mai kiate kimautolu. Bea oua naa tuku kimautolu ki he ahiahi; kae fakamoui akimautolu mei he kovi.

5 Bea behe eia kiate kinautolu, Kohai iate kimoutolu e ai hano kaiga, e alu atu kiate ia i he tuuabo, o behe ki ai, Kaiga, ko eku no ae foi ma e tolu;

6 He koe kaiga ooku kuo ha‘u kiate au i he fonoga, bea oku ikai haaku mea ke tuku ki hono ao?

7 Bea e lea mai aia oku i loto fale, o behe, Oua te ke fakafiu‘i au; kuo tabuni ae mataba, bea kuo mau i he mohega mo eku fānau; e ikai teu faa tuu hake o foaki kiate koe.

8 Oku ou tala atu kiate kimoutolu, E ikai tuu hake ia o foaki ai, koeuhi ko hono kaiga ia, ka koe mea i he ene kole tāuma‘u, e tuu hake ai ia, o foaki kiate ia o fakatatau mo ene majiva.

9 Bea oku ou tala atu kiate kimoutolu, Kole, bea e foaki kiate kimoutolu; kumi, bea te mou ilo; tukituki, bea e too kiate kimoutolu.

10 He ko ia oku kole, oku ne ma‘u; bea ko ia oku kumi, oku ne ilo; bea e too kiate ia oku tukituki.

11 Koe tamai fe iate kimoutolu, kabau e kole ma a hono foha, te ne age ki ai ha maka? be koe ika, e tuku ae ika kae atu ki ai ha gata?

12 Be i he ene kole ae foi manu, te ne atu ki ai ha sikobio?

13 Koia kabau oku mou ilo, ka koe agakovi, ke foaki ae gaahi mea lelei ki hoo mou fānau; e fefe hono lahi hake oe  fie foaki e he Tamai i he lagi ae Laumalie Maonioni kiate kinautolu oku kole kiate ia?

¶ 14 Bea nae kabuji ae tevolo, aia nae noa. Bea i he ene alu kitua ae tevolo, nae lea ae noa; bea ofo  ai ae kakai.

15 Ka nae behe e ho nau niihi, Oku ne kabuji ae kau tevolo ia Belisibube koe eiki oe kau tevolo.

16 Bea ahiahi e he niihi, o nau kumi iate ia ha fakailoga mei he lagi.

17 Ka nae ilo eia e nau mahalo, bea ne behe kiate kinautolu, Koe buleaga kotoabe oku feiteitani, e auha ia; bea koe fale  oku feiteitani, e holo ia.

18 Bea kabau e feiteitani a Setani kiate ia, e tuu fefe hono buleaga? he oku mou behe oku ou kabuji ae kau tevolo ia Belisibube.

19 Bea kabau oku ou kabuji ae kau tevolo ia Belisibube, oku kabuji  akinautolu i ahai e ho mou gaahi foha? koia ko hoo mou kau fakamāu akinautolu.

20 Bea kabau oku ou kabuji ae kau tevolo aki ae louhi‘i nima oe Otua, ta kuo hoko mooni ae buleaga oe Otua kiate kimoutolu.

21 Oka leohi hono fale e ha tagata malohi moe mahafu tau, oku malu be ene gaahi mea:

22 Ka i he hoko kiate ia ha taha oku malohi lahi, o iku‘i ia, oku na faao a ene mahafu kotoabe nae falala ia ki ai, bea tufaki ene mea.

23 Ko ia oku ikai kau mo au, oku agatuu ia kiate au: bea ko ia oku ikai he ma tanaki mo au, oku fakahe eia.

24 Oka alu ae lumalie uli i ha tagata, oku alu fano ia i he gaahi botu momoa, o kumi mālōlōaga, kae ikai ilo  ia; bea behe eia, Teu toe alu ki hoku fale naaku ha‘u mei ai.

25 Bea i he ene ha‘u, oku ne ilo  ia kuo tafi mo teuteu.

26 Bea toki alu ai ia, o omi moe laumalie e toko fitu kehe oku agahala lahi iate ia; bea nau hu o nofo ki ai: bea kovi lahi ae  aga ki mui ae tagata koia i he ene  aga i mua.

¶ 27 Bea behe, nae lolotoga ene lea aki ae gaahi mea ni, moe kalaga mai ae fefine mei he kakai, o ne behe kiate ia, Oku monuia ae manāva naa ne fua aki koe, bea moe huhu naa ke huhu ai.

28 Ka nae behe eia, Io, ka oku monuia lahi hake akinautolu oku nau fanogo ki he folofola ae Otua, bea fai ki ai.

¶ 29 Bea kuo lolofi mai ae kakai toko lahi, bea fua lea ia,  o behe, Koe toutagata agakovi eni; oku nau kumi ae fakailoga; ka e ikai ha fakailoga e tuku ki ai, ka koe fakailoga oe balofita ko Jona.

30 O hage koe fakailoga a Jona ki he kakai Ninive, e behe foki ae Foha oe tagata ki he toutagata ni.

31 E tuu hake ae tu‘i‐fefine oe feituu toga i he fakamāu moe kakai oe toutagata ni, o fakahalaia ia; he nae ha‘u ia mei he botu mamao o mamani ke fanogo ki he boto a Solomone; bea vakai, oku i heni aia oku lahi ia Solomone.

32 E tuu hake ae kakai o Ninive i he fakamāu moe toutagata ni, o fakahalaia ia: he naa nau fakatomala i he malaga a Jona; bea vakai, oku i heni aia oku lahi ia Jona.

33 Oku ikai ha taha te ne tutu ha māma, bea tuku  ia ki ha botu lilo, be i he lalo buha fua, ka ki he tuuga, koeuhi ke mamata ki he māma akinautolu oku hu ki ai.

34 Koe māma oe jino ae mata: koia kabau e haohaoa ho mata, e bito foki ho jino kotoa i he māma; koia kabau oku kovi  ho mata, e fonu foki ho jino i he bouli.

35 Koia vakai naa hoko ae māma oku iate koe koe bouli.

36 Koia kabau e māmagia ho jino kotoa, bea taefakabouli hano botu, e māmagia kotoabe, o hage koe fakamāma aki koe ae fuu ulo oe māma.

¶ 37 Bea lolotoga ene lea, mo ene kole ae Falesi e toko taha kiate ia ke na kai mo ia: bea alu ia ki ai, o nofo hifo ke kai.

38 Bea ofo ae Falesi i he ene mamata nae ikai te ne tomua fanofano, bea toki kai.

39 Bea behe e he Eiki kiate ia, Ko eni akimoutolu, ae kau Falesi, oku mou fakamaa ae tua ibu inu moe ibu kai, ka oku fonu ho mou loto i he fakamalohi moe agakovi.

40 Ae kau vale, ikai ko ia be naa ne gaohi aia oku i tua, nae gaohi foki aia oku i loto?

41 Ka mou foaki mua ae gaahi mea ofa mei he mea oku mou ma‘u; bea vakai, oku maa ae mea kotoabe kiate kimoutolu.

42 Kae malaia akimoutolu, ae kau Falesi! he oku mou tukuhau i he mini moe bekano moe gaahi akau iki kotoabe, ka oku mou taetokaga ki he fakamāu moe ofa ki he Otua: nae totonu ke fai eni, kae oua naa liaki ena.

43 E malaia akimoutolu, ae kau Falesi! he oku mou manako ki he gaahi nofoaga maoluga i he gaahi fale lotu, moe fetaba i he gaahi botu fakatau.

44 E malaia akimoutolu, ae kau tagata tohi moe Falesi, koe malualoi! he oku mou tatau moe gaahi faitoka oku ikai ha mai, bea oku ikai ilo  ia e he kakai oku eveeva ai.

¶ 45 Bea toki lea mai ae toko taha oe kau akonaki i he fono, o beheage kiate ia, Eiki, i hoo behe mai, oku ke valoki ai akimautolu foki.

46 Bea behe eia, E malaia akimoutolu foki, ae kau akonaki i he fono! he oku mou hili ki he kakai ae gaahi kavega oku fakamamahi hono fua, ka oku ikai ala ekimoutolu haa mou tuhu e taha ki he gaahi kavega.

47 E malaia akimoutolu! he oku mou laga ae gaahi fonualoto oe kau balofita akinautolu nae tamate‘i e hoo mou gaahi tamai.

48 Koe mooni oku mou fakamooni oku mou leleiia i he faiaga o hoo mou gaahi tamai: he naa nau tamate‘i akinautolu, bea oku mou laga ho nau gaahi fonualoto.

49 Koia nae behe ai foki ae boto ae Otua, Teu fekau atu kiate kinautolu ae kau balofita moe kau abosetolo, bea ko ho nau niihi te nau tamate‘i mo fakataga:

50 Koeuhi ke eke ki he toutagata ni ae toto oe kau balofita kotoabe, aia nae liligi talu mei he tubuaga o mamani;

51 Mei he toto o Ebeli, o a‘u ki he toto o Sakalia, aia nae tamate‘i i he vahaa oe ejifeilaulau moe botu tobutabu: koe mooni oku ou tala atu kiate kimoutolu, E eke ia mei he toutagata ni.

52 E malaia akimoutolu, ae kau akonaki i he fono! he kuo mou ave ae ki oe ilo, bea oku ikai te mou hu ki ai akimoutolu, bea ko kinautolu nae teu ke hu ki ai naa mou taofi.

53 Bea i he ene lea aki ae gaahi mea ni kiate kinautolu, nae kamata fai fakamatalili mo laga‘i ia e he kau tagata tohi moe kau Falesi, ke ne lea ki he gaahi mea lahi:

54 O nau lamaji, mo kumi ke femioekina ia mei hono gutu, koeuhi ke nau talatalaaki‘i ia.