¶ 1 BEA i he uluaki  aho oe uike, i he kei hegihegi, naa nau omi moe niihi kehe ki he fonualoto, o omi ae gaahi akau namu kakala kuo nau teuteu.

2 Bea naa nau vakai kuo teka‘i ae maka mei he fonualoto.

3 Bea naa nau hu atu, ka nae ikai te nau ilo ae jino oe Eiki ko Jisu.

4 Bea lolotoga e nau bubutuu lahi ai, vakai, nae tuu mai kiate kinautolu ae ogo tagata nae huhulu  ho na kofu:

5 Bea i he e nau manavahe, o tulolo ho nau mata ki he kelekele, nae behe ekinaua kiate kinautolu, Koeha oku mou kumi ai ae moui i he botu oe mate?

6 Oku ikai i heni ia, ka kuo tuu hake: mou fakamanatu ki he ene lea kiate kimoutolu, i he ene kei i Kaleli,

7 O behe, E tukuage ae Foha oe tagata ki he nima oe kau tagata agahala, bea e tutuki ia ki he akau, bea e toetuu ia i hono aho tolu.

8 Bea naa nau manatu ki he ene gaahi lea,

9 O nau liu mai mei he fonualoto, o fakaha ae gaahi mea ni kotoabe ki he toko hogofulu ma toko taha, moe kakai kehe kotoabe.

10 Bea ko Mele Makitaline, mo Joana, mo Mele  koe fae a Jemesi, bea moe niihi nae iate kinautolu, naa nau fakaha ae gaahi mea ni ki he kau abosetolo.

11 Bea nae tatau e nau gaahi lea kiate kinautolu moe talanoa launoa, bea nae ikai te nau tui kiate kinautolu.

12 Bea toki tuu a Bita, o lele ki he fonualoto; bea tulolo ia, o mamata ki he u kofu kuo tuku kehe, bea alu ia, o fakatumutumu i hono loto i he mea kuo hoko.

¶ 13 Bea vakai, nae o a ho nau toko ua, i he aho koia, ki he botu kakai nae ui ko Emeasi, nae mamao mo Jelusalema, koe maile e fitu.

14 Bea naa na talanoa ki he gaahi mea ni kotoabe kuo toki hoko.

15 Bea lolotoga ae fai e na talanoa mo e na fakakaukau, mo ene unuunu atu a Jisu, o fonoga mo kinaua.

16 Ka nae taofi a ho na mata, ke oua naa na ilo ia.

17 Bea behe eia kiate kinaua, Koe talanoa ha ia oku mo fetalanoaaki i hoo mo fonoga, bea mo mamahi ai?

18 Bea koe toko taha, ko Kaliobasi hono higoa, nae lea o behe kiate ia, Naa ko koe be oku nofo i Jelusalema bea oku ikai te ke ilo ae gaahi mea kuo hoko i ai i he gaahi aho ni?

19 Bea behe eia kiate kinaua Koeha ae mea? bea na behe kiate ia, Kia Jisu o Nasaleti, koe balofita nae malohi i he gaue moe lea i he ao oe Otua moe kakai kotoabe:

20 Bea moe tukuage ia e ho mau kau taulaeiki lahi moe kau fakamāu ke tamate‘i, bea kuo tutuki ia ki he akau.

21 Ka naa mau falala ko ia ia te ne huhui a Isileli: kaeumaa eni kotoabe, ko hono aho tolu eni talu hono fai ae gaahi mea ni.

22 Io, bea fakaofo kiate kimautolu e ho mau kau fefine niihi, naa nau alu hegihegi ki he fonualoto;

23 Bea i he ikai te nau ilo hono jino, naa nau ha‘u, o behe, kuo nau mamata foki ki he kau agelo, bea nau behe, kuo moui ia.

24 Bea ko ho mau niihi nae alu ki he fonualoto, o nau ilo o hage be koia nae fakaha e he kau fefine: ka nae ikai te nau mamata kiate ia.

25 Bea toki behe eia kiate kinaua, Ae kau vale, mo loto tuai ke tui ki he mea kotoabe nae lea aki e he kau balofita:

26 He ikai nae totonu kia Kalaisi ke kataki ae gaahi mea ni, bea hu ai ki hono naunau?

27 Bea kamata ia mei a Mosese, o hoko ki he kau balofita kotoabe, a ene fakamatala kiate kinaua mei he tohi ae gaahi mea kotoabe oku kau kiate ia.

28 Bea kuo nau ofi ki he botu kakai naa nau o ki ai; bea nae fai eia o hage nae fie alu atu be.

29 Ka naa na taofi ia, o behe, Ke tau nonofo; he kuo ofi ae bouli, bea kuo tei oji ae aho. Bea nae hu ia ki loto, ke nau nonofo.

30 Bea nae hoko o behe, i he e nau nofo mo ia i he kai, nae too eia ae ma, o ne tabuaki, bea ne tofi o atu kiate kinaua.

31 Bea a ai ho na mata, o na ilo ia; bea iloage, kuo mole ia i ho na ao.

32 Bea naa na febeheaki, Ikai nae vela ho ta loto iate kitaua, i he ene talanoa mai i he hala kiate kitaua, mo ene fakaha ae tohi kiate kitaua?

33 Bea na tuu hake i he feituu aho koia, o liu mai ki Jelusalema, o na ilo ae toko hogofulu ma toko taha kuo katoa, mo kinautolu nae iate kinautolu,

34 O nau behe, Kuo toe tuu mooni ae Eiki, bea kuo fakaha ia kia Saimone.

35 Bea tala ekinaua ae gaahi mea  nae fai i he hala, bea mo e na ilo ia i he tofi oe ma.

¶ 36 Bea lolotoga e nau lea behe, moe tuu a Jisu i ho nau haohaoga, o ne behe kiate kinautolu, Fiemalie be akimoutolu.

37 Bea naa nau tafuua mo ilifia, o mahalo kuo nau mamata ki ha laumalie.

38 Bea behe eia kiate kinautolu, Koeha oku mou ilifia ai? bea koeha oku tubu ai ae gaahi mahalo i ho mou loto?

39 Vakai ki hoku nima mo hoku va‘e, ko au be ia: ala mai kiate au, bea mou vakai; he oku ikai kakano mo hui ha laumalie, o hage koia oku mou ilo ni iate au.

40 Bea hili ene lea koia, naa ne toki fakaha kiate kinautolu a hono nima mo hono va‘e.

41 Bea i he heeki ai te nau tui, koe mea i he fiefia, ka nau ofo be, bea behe eia kiate kinautolu, Oku i heni ha mea kai?

42 Bea nau age kiate ia ae koga ika kuo tunu, moe geeji honi.

43 Bea ne too  ia, o ka i ho nau ao.

44 Bea behe eia kiate kinautolu, Ko eni ae gaahi lea naaku lea aki kiate kimoutolu i he eku kei iate kimoutolu, koeuhi ke fakamooni ae gaahi mea kotoabe, aia kuo tohi kiate au, i he fono a Mosese, moe kau balofita, moe gaahi Same.

45 Bea toki too eia a ho nau loto, koeuhi ke nau ilo ae gaahi tohi,

46 O ne behe kiate kinautolu, Kuo behe ae tohi, bea oku tāu mo Kalaisi ke mamahi behe, bea toetuu mei he mate i hono aho tolu:

47 Bea ke malaga aki ae fakatomala, moe fakamolemole oe agahala i hono higoa, i he buleaga kotoabe, o fuofua fai i Jelusalema.

48 Bea koe kau fakamooni akimoutolu oe gaahi mea ni.

¶ 49 Bea vakai, teu fekau kiate kimoutolu ae talaofa a eku Tamai: ka mou tatali i he kolo ko Jelusalema, kae oua ke mou ma‘u ae malohi mei oluga.

¶ 50 Bea ne tataki atu akinautolu o a‘u ki Betani, bea naa ne hiki hake hono nima, o tabuaki akinautolu.

51 Bea iloage i he lolotoga ene tabuaki akinautolu, nae mavahe ia meiate kinautolu, bea fua hake ia ki he lagi.

52 Bea naa nau hu kiate ia, bea liu mai ki Jelusalema i he fiefia lahi:

53 Mo nau nofo ma‘u i he fale lotu lahi, o fakamalo mo fakafetai ki he Otua. Emeni.