¶ 1 BEA i he hili ae sabate, kuo fakatau e Mele Makitaline, mo Mele koe fa‘e a Jemesi, mo Salome, ae gaahi akau namu lelei, koeuhi ke nau omi o fakatologa aki ia.

2 Bea i he hegihegi oe uluaki  aho oe uike, naa nau omi ki he fonualoto, feouga moe alu hake ae laa.

3 Bea naa nau febeheaki, Kohai te ne teketekai maa tautolu ae maka mei he mataba oe fonualoto?

4 Bea i he e nau jio, naa nau ilo kuo tekai atu ae maka: he nae lahi aubito ia.

5 Bea i he hu ki he fonualoto, naa nau mamata ki ha talavou oku nofo i he botu toomatau, kuo kofu aki ae kofu totolofa mo hinehina; bea naa nau ilifia.

6 Bea behe eia kiate kinautolu, Oua te mou ilifia: Oku mou kumi a Jisu o Nasaleti, aia nae tutuki ki he akau: kuo tuu hake ia; oku ikai i heni ia: vakai ki he botu naa nau fakatokoto ai ia.

7 Ka mou o, o fakaha ki he ene kau akoga mo Bita, oku muomua ia iate kimoutolu ki Kaleli: te mou mamata kiate ia i ai, o hage ko ene tala kiate kimoutolu.

8 Bea naa nau hu leva kitua, o feholaki mei he fonualoto; he naa nau tetetete mo ilifia: bea ikai te nau lea jii ki ha taha; he naa nau manavahe.

¶ 9 Bea kuo toetuu  a Jisu i he hegihegi oe uluaki  aho oe uike, naa ne tomua fakaha ia kia Mele Makitaline, aia ne ne kabuji mei ai ae tevolo e toko fitu.

10 Bea alu ia o fakaha kiate kinautolu naa nau iate ia, lolotoga e nau mamahi mo tagi.

11 Bea ko kinautolu, i he e nau fanogo kuo moui ia, bea kuo mamata ia  ki ai, nae ikai te nau tui.

¶ 12 Bea hili eni ne ha ia i he aga e taha ki ho nau toko ua, i he e na o, o fonoga ki he botu tukuuta.

13 Bea naa na o, o fakaha  ia kiate kinautolu; ka nae ikai te nau tui kiate kinaua.

¶ 14 Bea hili ia, naa ne ha ki he toko hogofulu ma toko taha i he e nau nofo o kai, o ne valoki‘i e nau taetui mo loto fefeka, koe mea i he e nau taetui kiate kinautolu naa nau mamata kiate ia i he hili ene toetuu.

15 Bea behe eia kiate kinautolu, Mou alu ki mamani kotoabe, o malaga aki ae ogoogolelei ki he kakai fulibe.

16 Ko ia ia e tui mo babitaiso, e moui; ka ko ia ia e ikai tui, e malaia.

17 Bea koe gaahi fakailoga eni e hoko kiate kinautolu oku tui: Te nau kabuji ae kau tevolo i hoku huafa; te nau lea aki ae gaahi lea foou;

18 Te nau too hake ae gaahi gata; bea kabau te nau inu ha mea fakamate, e ikai kovi ia kiate kinautolu; te nau hilifaki nima ki he mahaki, bea te nau moui.

¶ 19 Koia hili ae lea ae Eiki kiate kinautolu, nae ma‘u hake ia ki he lagi o nofo i he nima toomatau oe Otua.

20 Bea naa nau alu atu, o malaga i he botu kotoabe, bea nae gaue ae Eiki mo  kinautolu, o ne fakamooni ae folofola aki ae gaahi fakailoga nae hoko. Emeni.