Ngaahi Folofolá
Maake 7


Vahe 7

1 Oku iāuga ae kai Falesi i he kai taefanfano ae kau akoga. 8 Oku nau maumau‘i ae fekau ae Otua aki ae talatubua ae tagata. 14 Oku ikai uli‘ i ae tagata e he mea kai. 24 Oku fakamoui ae taahine ae fiefine Kenani mei he laumalie tuli, 31 moe taha nae tuli, mo noa.

1 BEA toki fakataha kiate ia ae kau Falesi moe niihi i he kau tagata tohi, nae ha‘u mei Jelusalema.

2 Bea i he e nau mamata ki he niihi i he ene kau akoga oku nau kai ma i he nima uli, koe behe, koe  nima taefanofano, naa nau hanu ai.

3 He koe kau Falesi, moe kakai Jiu fulibe, oku ikai te nau kai, o kabau e ikai te nau fuofua fanofano nima, koe tokaga ki he talatubua ae mātua.

4 Bea  i he e nau hau mei he faiaga fakatau, oku ikai te nau kai, o kabau e ikai te nau kaukau. Bea oku ai moe gaahi mea kehekehe, kuo nau ma‘u ke fai, koe fufulu oe gaahi ibu inu, moe gaahi ibu fua, moe gaahi ibu kaba, moe gaahi tokotoaga.

5 Bea fehui kiate ia e he kau Falesi moe kau tagata tohi, Koeha oku ikai ai ke fai e hoo kau akoga o hage koe talatubua ae mātua, ka oku nau kai ma moe nima taefanofano?

6 Bea leaage eia, o behe kiate kinautolu, Neinei fakaha e Isaia kiate kimoutolu, koe kau malualoi, o hage koia kuo tohi, Oku fakaabaaba ae kakai ni kiate au aki ho nau lougutu, ka oku mamao ho nau loto iate au.

7 Ka oku taeaoga e nau hu kiate au, he koe gaahi akonaki oku nau ako aki, koe gaahi fekau ae tagata.

8 He kuo mou jiaki ae fekau ae Otua, kae ma‘u ae talatubua ae tagata, koe fufulu oe gaahi ibu fua moe gaahi ibu inu: bea oku lahi moe gaahi mea behe oku mou fai.

9 Bea behe eia kiate kinautolu, Ha mea e lelei ko hoo mou liaki ae fekau ae Otua, ka mou fai ae talatubua a moutolu.

10 He nae behe e Mosese, Fakaabaaba ki hoo tamai mo hoo fa‘e; bea, Ko ia oku kabe ki he  ene tamai be ko  ene fa‘e, tuku ke mate tamate‘i ia.

11 Ka oku mou behe, Kabau e lea ha tagata ki he ene tamai be ko ene fa‘e,  o behe, Ko eku mea kotoabe oku aoga kiate koe, koe Kobano ia, aia koe foaki tabu;  e ataatā ia.

12 Bea oku mou taofi haa ne toe fai ha mea ma a ene tamai be ko ene fa‘e;

13 O fakataeaoga ae folofola ae Otua aki hoo mou talatubua, aia oku mou eginaki aki: bea oku lahi ae mea behe oku mou fai.

14 Bea i he ene ui mai ae kakai kotoabe, naa ne behe kiate kinautolu, Fanogo kotoabe kiate au, bea ilo.

15 Oku ikai ha mea itua i he tagata, bea hu ki ai, te ne faa fakauli‘i ia: ka koe gaahi mea oku ha‘u meiate ia, koia ia oku fakauli‘i ae tagata.

16 Koe tagata oku teliga ke ogo, ke ogo‘i ia.

17 Bea kuo hu ia ki he fale mei he kakai, nae fehui e he ene kau akoga kiate ia ki he fakatātā.

18 Bea behe eia kiate kinautolu, He oku behe hoo mou taeilo foki? Oku ikai te mou ilo, koe mea kotoabe mei tua, oku alu ki he tagata, oku ikai faa fakauli ia eia;

19 Koeuhi oku ikai ke alu ia ki hono loto, ka ki he kete, oku fakamaa ai ae mea kai kotoabe, kae  toki alu kitua ae mea taeaoga?

20 Bea behe eia, Koia oku ha‘u mei he tagata, koia ia oku fakauli‘i ae tagata.

21 He oku mei loto, mei he loto oe tagata, ae mahalo kovi, moe tono‘i unoho moe feauaki, moe fakabo,

22 Moe kaihaa, moe manumanu, moe agahala, moe kākā, moe aga fakalielia, moe mata kovi, moe lea kovi, moe laukau, moe vale:

23 Koe gaahi mea kovi ni kotoabe oku ha‘u mei he loto, oku fakauli‘i ae tagata.

24 Bea tuu hake ia i ai, o alu ki he botu o Taia mo Saitoni, bea ne hu ki he fale, o ne loto ke oua naa ilo  ia e ha taha: ka nae ikai faa fakabuli ia.

25 He nae ogoa atu ia ki ha fefine nae ai ene taahine jii nae i ai ae laumalie uli, bea ha‘u ia, o tomabee i hono va‘e:

26 Koe Kiliki ae fefine ni, mei he buleaga ko Sailofinisia: bea naa ne kole kiate ia, ke ne kabuji kitua ae tevolo i he ene taahine.

27 Ka nae behe e Jisu kiate ia, Oua ke tomua makona ae fānau: he oku ikai gali ke too ae ma ae fānau, mo li ki he faga kuli.

28 Bea leaage eia, o behe kiate ia, Koe mooni, Eiki: ka oku kai e he faga kuli, i he lalo keinagaaga, ae momo oe mea kai ae fānau.

29 Bea behe eia kiate ia, Koeuhi koe lea ni ke ke alu; kuo alu kitua ae tevolo i hoo taahine.

30 Bea kuo hoko ia ki hono fale, bea ne ilo kuo alu kitua ae tevolo, kae tokoto ene taahine i he mohega.

31 Bea nae toe alu ia mei he botu o Taia mo Saitoni, o ha‘u i he botu fonua o Tikabolisi, ki he tahi o Kaleli.

32 Bea nau omi kiate ia ha toko taha nae tuli, bea ikai ke faa lea; bea naa nau kole kiate ia ke ne hilifaki hono nima ki ai.

33 Bea naa ne fakaafe ia mei he kakai, o ne ai hono tuhu ki hono teliga, bea aanu, mo ne ala ki hono elelo;

34 Bea haga hake ia ki he lagi, e mafulu, mo ne behe kiate ia, Efata, koe behe ia, Ke ava.

35 Bea nae ava leva hono teliga, bea vete ae noo o hono elelo, bea ne lea totonu.

36 Bea ne fekau kiate kinautolu ke oua naa nau fakaha ki ha taha: ka i he ene fekau lahi kiate kinautolu, ne ajili ai o lahi e nau fanogonogo  ia;

37 Bea naa nau ofo o lahi aubito, o behe, Kuo ne fai ae gaahi mea kotoabe o lelei: oku ne gaohi ae tuli ke ogo, moe nao ke lea.