Ngaahi Folofolá
Matiu 22


Vahe 22

1 Koe fakatātā oe taane ae foha oe tu‘i. 9 Koe ui oe Jenitaile. 12 Koe tautea o ia nae majiva i he kofu taane. 15 Totonu ke atu ae tukuhau kia Sisa. 23 Oku fakalogo ae kau Satusi ia Kalaisi, ki he toe tuu oe mate 34 oku ne tali ae fehui ae akonaki ki he uluaki fekau mo lahi: 41 oku fehui ia ki he kau Falesi ki he Misaia.

1 BEA lea a Jisu, o toe beheage kiate kinautolu i he fakatātā;

2 Oku tatau ae buleaga oe lagi moe tu‘i e toko taha, aia nae fai ae katoaga i he taane a hono foha,

3 O ne fekau atu ene kau tamaioeiki ke ui akinautolu nae tala ki ai ae taane: ka nae ikai te nau fie ha‘u.

4 Bea toe fekau atu eia ae kau tamaioeiki kehe, o ne behe, Fakaha kiate kinautolu nae tala  ki ai, Vakai, kuo oji eku teu ae kai: kuo tamate‘i eku faga bulu moe faga manu jino, bea kuo oji hono teu oe mea kotoabe: ha‘u ki he taane.

5 Ka naa nau fakavaivaiga  aki ia, o  taki taha alu, koe taha ki he ene goue, koe taha ki he ene mea fakatau:

6 Bea buke o gaohi kovi‘i mo tamate‘i, e he niihi, a ene kau tamaioeiki.

7 Ka kuo fanogo ki ai ae tu‘i, bea houhau: o ne fekau atu ene gaahi ko-gakau, ke fakaauha ae kau fakabo koia, bea tutu e nau kolo.

8 Bea toki behe eia ki he ene kau tamaioeiki, Kuo oji hono teu ae katoaga taane, ka ko kinautolu kuo tala  ki ai, oku ikai aoga.

9 Koia mou alu ki he gaahi hala motua, bea ko kinautolu te mou ilo, fakaha ki ai ae taane.

10 Bea nae alu atu ai ae kau tamaioeiki koia ki he gaahi hala  motua, o fakakatoa kotoabe naa nau ilo, ae kovi moe lelei: bea toko lahi ai ae kakai i he taane.

11 Bea i he ha‘u ae tu‘i ke mamata ki he kakai, naa ne ilo‘i ae tagata kuo ikai i ai ha kofu taane.

12 Bea behe eia kiate ia, Kaiga, nae fefe‘i hoo hu mai ki heni oku ikai hao kofu taane? Bea fakalogobe ia.

13 Bea toki behe e he tu‘i ki he kau tamaioeiki, Ha‘i hono va‘e moe nima bea ave, o li ia ki he bouli ituaa: bea e i ai ae tagi moe fegaiitaki oe nifo.

14 He oku ui ae toko lahi, ka oku fili ae toko jii.

15 Bea toki alu ae kau Falesi, o nau fakakaukau be fefe‘i e nau femioekina ia i he alea.

16 Bea nau fekau kiate ia e nau kau akoga moe kau Helotiane, o behe, Eiki, oku mau ilo oku ke mooni koe, bea oku ke ako mooni aki ae hala oe Otua, bea oku ikai te ke tokaga ki ha tagata: he oku ikai te ke filifilimanako ki he tagata.

17 Koia ke ke tala mai kiate kimautolu, Koeha ho loto? Oku gofua ke atu ae tukuhau kia Sisa, be ikai?

18 Ka nae ilo e Jisu e nau agakovi, bea behe eia, Ae kau malualoi, koeha oku mou ahiahi‘i ai au?

19 Fakaha mai ae baaga tukuhau. Bea naa nau omi kiate ia ae tenali.

20 Bea behe eia kiate kinautolu, Koe mata eni moe tohi a hai?

21 Bea nau talaage kiate ia, A Sisa. Bea toki behe eia kiate kinautolu, Koia age kia Sisa ae gaahi mea a Sisa; bea age ki he Otua ae gaahi mea ae Otua.

22 Bea kuo nau fanogo ki ai, naa nau ofo, o tuku ia, ka nau alu.

23 Bea ha‘u kiate ia i he aho koia ae kau Satusi, akinautolu oku behe, oku ikai ha toetuu, o nau fehui kiate ia,

24 O behe, Eiki, nae behe e Mosese, Kabau e mate ha tagata, kae ikai haane fānau, e fakamau hono tokoua mo hono unoho, o fakatubu ae hako ki hono tokoua.

25 Bea ko eni, nae iate kimautolu ae kaiga e toko fitu; koe uluaki nae fakamau moe unoho, bea mate ia, kuo ikai haane fānau, bea tuku hono unoho ki hono tokoua.

26 Bea behe be foki hono toko ua, mo hono toko tolu, o hoko ki hono toko fitu.

27 Bea mate fakamui ae fefine.

28 Bea koia i he toetuu e hoko ia koe unoho ohai i he toko fitu? he nae ma‘u ia ekinautolu kotoabe.

29 Bea lea a Jisu, o beheage kiate kinautolu, Oku mou he, i he taeilo ki he gaahi tohi, moe malohi ae Otua.

30 Koeuhi i he toetuu e ikai te nau mali, be foaki ke mali, ka e tatau moe kau agelo ae Otua i he lagi.

31 Ka koeuhi koe toetuu oe mate, oku heeki te mou lau aia nae lea aki kiate kimoutolu e he Otua, o behe,

32 Ko au koe Otua o Ebalahame, bea koe Otua o Aisake, bea koe Otua o Jekobe? Oku ikai koe Otua oe mate ae Otua, ka koe moui.

33 Bea kuo fanogo ae kakai, naa nau ofo i he ene akonaki.

34 Bea i he fanogo ae kau Falesi kuo ne fakalogo ae kau Satusi, nae fakataha leva akinautolu.

35 Bea fehui ahiahi kiate ia e ho nau toko taha, koe akonaki i he fono, o behe,

36 Eiki, koe fekau fe i he fono oku lahi?

37 Bea tala e Jisu kiate ia, Ke ke ofa kia Jihova ko ho Otua aki ho laumalie kotoa, mo hoo moui kotoa, mo ho loto kotoa.

38 Koe uluaki bea koe lahi ia oe fekau.

39 Bea ko hono ua oku tatau mo ia, Ke ke ofa ki ho kaugaabi o hage be ko koe.

40 Koe fekau ni e ua oku tautau ai ae fono kotoa moe kau balofita.

41 Bea i he kei fakataha ae kau Falesi, nae fehui a Jisu kiate kinautolu,

42 O behe, Koeha ho mou loto ki he Kalaisi? koe foha ia ohai? Bea nau talaage kiate ia, O Tevita.

43 Bea beheage eia kiate kinautolu, Oku fefe ai hono ui ia e Tevita i he Laumalie, Eiki, i he ene behe,

44 Nae behe e Jihova ki hoku Eiki, Nofo koe ki hoku nima toomatau, kae oua keu gaohi ho gaahi fili ko ho tuugavae?

45 Bea kabau oku ui ia e Tevita, Eiki, bea ko hono foha fefe‘i ia?

46 Bea nae ikai ha lea e faa lea aki e ha tagata kiate ia; talu mei he aho koia nae ikai faa fehui e ha taha kiate ia.