Ngaahi Folofolá
Fakaha 3


Vahe 3

2 Oku valoki‘i ae agelo oe jiaji i Satisi, 3 oku ako ki ai ke fakatomala, kae ikai, bea e tautea. 7 Oku fakaogolelei ae agelo oe jiaji i Filatelifia, 10 koe mea i he ene faa gaue mo faa kaiaki. 15 Oku valoki‘i ae agelo oe jiaji i Leotisia, koe mea i he ene taemafana lelei, be momoko aubito, 19 bea oku eginaki‘i ke fai feiga lahi. 20 Oku tuu a Kalaisi i ke mataba mo tukituki.

1 BEA tohi ki he agelo oe jiaji i Satisi; Oku folofola aki ae gaahi mea ni eia oku iate ia ae Laumalie e Fitu oe Otua, bea moe fetuu e fitu; Oku ou ilo‘i hoo gaahi gaue, he oku ke ma‘u ae higoa oku ke moui, ka oku ke mate.

2 Ke ke faa leo, o fakamalohi ae gaahi mea oku toe, aia oku fakatau ke mate; he oku ikai teu ilo kuo fai ke haohaoa hoo gaue, i he ao oe Otua.

3 Koia ke ke manatu‘i be nae fefe‘i ae aga o hoo ma‘u mo hoo fanogo, bea ke kuku mau, mo fakatomala. Koia kabau e ikai te ke leo, teu ha‘u kiate koe o hage ha kaihaa, bea e ikai te ke ilo ae feituulaa o eku ha‘u kiate koe.

4 Naa mo Satisi, oku ke ma‘u ai ae toko jii kuo ikai ke nau fakauli‘i ho nau gaahi kofu; bea e aeva mo au akinautolu i he kofu hinehina: he oku aoga akinautolu

5 Ko ia ia e ikuna, ko ia e fakakofu aki ae kofu hinehina; bea e ikai teu tamate‘i hono higoa mei he tohi oe moui, ka teu fakaha hono higoa i he ao o eku Tamai, bea moe ao o ene kau agelo.

6 Ko ia ia oku ai ae teliga, ke fakafanogo ia ki he folofola ae Laumalie ki he gaahi jiaji.

7 Bea tohi ki he agelo oe jiaji i Filatelifia; Oku folofola aki ae gaahi mea ni eia oku maonioni, aia oku mooni, aia oku i ai ae ki o Tevita, bea oku ne too, bea ikai ke tabuni e ha taha; bea oku ne tabuni, bea ikai too e ha taha;

8 Oku ou ilo‘i hoo gaahi gaue: vakai, kuou tuku i ho ao ae mataba kuo ava, bea e ikai faa tabuni ia e ha taha: he oku ai hoo malohi jii, bea kuo ke tauhi‘i a eku lea, bea nae ikai te ke fakafijiga‘i hoku higoa.

9 Vakai, oku ou tuku atu akinautolu oku oe fale lotu o Setani, akinautolu oku behe, koe kau Jiu akinautolu, ka oku ikai, ka oku nau loi; vakai, teu bule‘i akinautolu ke ha‘u o bunou hifo i ho va‘e, bea ke nau ilo kuou ofa kiate koe.

10 Bea koeuhi kuo ke tauhi ae lea o eku faa kataki, teu tauhi foki akoe i he feituulaa oe ahiahi, aia e hoko ki mamani kotoabe, ke ahiahi‘i akinautolu oku nofo i mamani.

11 Vakai, oku ou ha‘u fakavave: kuku ke mau aia oku ke ma‘u, ke oua naa faao ho bale e ha taha kehe.

12 Ko ia ia e ikuna, teu gaohi ia koe bou i he fale tabu o hoku Otua, bea e ikai toe alu atu ia: bea teu tohi ki ai ae huafa o hoku Otua, moe higoa oe kolo o hoku Otua, ae Jelusalema foou, aia oku alu hifo mei he lagi mei hoku Otua: bea mo hoku higoa foou ooku.

13 Ko ia oku ai ae teliga, ke fakafanogo ia ki he folofola ae Laumalie ki he gaahi jiaji.

14 Bea tohi ki he agelo oe jiaji oe kakai Leotisia; Oku folofola aki ae gaahi mea ni e he Emeni, koe Fakamooni agatonu mo mooni, koe Tubuaga oe gaahi mea kuo fakatubu e he Otua;

15 Oku ou ilo‘i hoo gaahi gaue, oku ikai te ke momoko be vela: amujiage eau oku ke momoko be vela.

16 Koia koeuhi oku ke mamafana be, o ikai momoko be vela, teu buaki koe mei hoku gutu.

17 Koeuhi oku ke behe, Oku ou koloaia, bea kuou fakama‘umea‘i au, bea oku ikai teu majive i ha mea; ka oku ikai te ke ilo oku ke kovi lahi, bea malaia, bea majiva, bea kui, bea telefua.

18 Oku ou akonaki‘i koe ke ke fakatau iate au ae koula kuo ahiahi i he afi, koeuhi ke ke koloaia ai; bea moe kofu hinehina, koeuhi ke ke kofu aki, ke oua naa ha mai ae ma o hoo telefua: bea ke tulu‘i ho mata aki ae mea tulu‘i mata, koeuhi ke ke a ai.

19 Ko kinautolu oku ou ofa ai, oku ou valoki‘i mo taute‘i: koia ke ke fai feiga, mo fakatomala.

20 Vakai, oku ou tuu i he mataba, mo tukituki: kabau e fanogo e ha taha ki hoku le‘o, mo too ae mataba, teu hu atu kiate ia, bea te ma keinaga fakataha mo au.

21 Ko ia ia e ikuna, teu foaki ki ai ke nofo mo au i hoku nofoa fakaeieiki, o hage foki ko eku ikuna, beau nofo mo eku Tamai i hono nofoa fakaeieiki.

22 Ko ia oku ai ae teliga, ke fakafanogo ia ki he folofola ae Laumalie ki he gaahi jiaji.