¶ 1 BEA nae hoko o behe, i hono ta‘u e fageau ma valugofulu hili ae ha‘u ae fānau a Isileli mei he fonua o Ijibite, i hono fa oe ta‘u oe bule a Solomone ki Isileli, i he mahina ko Sifi, aia ko hono ua oe mahina, naa ne kamata laga ae fale o Jihova.

2 Bea koe fale nae laga e he tu‘i ko Solomone kia Jihova, nae loloa ia koe haga e teau ma uofulu, bea ko hono māukubu koe haga e fagofulu, bea ko hono maoluga oia koe haga e onogofulu.

3 Bea ko hono loloa oe huaga fale fakamalumalu i he ao oe fale lotu, koe haga e fagofulu, o fakatatau moe māukubu oe fale; bea ko hono māukubu i he ao oe fale koe haga e uofulu.

4 Bea naa ne gaohi ki he fale ae gaahi katuba nae faa fakamau ke jio mei ai.

5 Bea naa ne laga ae gaahi botu‘i fale i he tafaaki holiji maka oe fale o takatakai, io i he tafaaki holiji maka oe fale o takatakai hake i he botu tabu bea moe folofolaaga: bea naa ne gaohi ae gaahi botu fale o takatakai hake:

6 Koe botu fale i lalo ko hono māukubu koe haga e hogofulu, bea koia ki loto koe haga e hogofulu ma ua a hono māukubu oia, bea ko hono tolu nae hogofulu ma fa ae haga i hono māukubu oia: he naa ne gaohi ae gaahi hiliaga lalaga laujii ki tua i he holiji maka oe fale, koeuhi ke oua naa fakamau ia ki he holiji maka oe fale.

7 Bea i he ene laga hake ae fale, nae laga ia aki ae maka nae fakaoji a hono teuteu‘i i he heeki ke omi ia ki ai; koia nae ikai batu ai i he fale ha hamala, be ha toki, be ha mea fakatufuga ukamea, lolotoga a hono laga hake.

8 Nae tuu ae mataba ki he botu fale i loto ki he botu fale toomatau: bea naa nau alu hake i he tuuga mamiomio ki he fale i loto, bea mei ai i loto ki hono tolu.

9 Nae behe a ene laga ae fale mo fakaoji ia: bea naa ne ato aki ae fale ae gaahi lalaga moe laubaba oe akau koe sita.

10 Bea naa ne laga ae gaahi botu‘i fale ke falala ki he holiji maka kotoabe oe fale, koe haga e hogofulu a hono maoluga: bea nae fakafalala ia ki he fale aki ae akau koe sita.

¶ 11 Bea nae hoko mai ae folofola a Jihova kia Solomone, o behe,

12 Koe fale eni oku ke fokotuu, bea kabau te ke alu i he eku gaahi fono, mo fai eku gaahi fakamāu, bea tauhi a eku gaahi fekau ke eveeva i ai; behe, teu toki fakamooni a eku lea kiate koe, aia naaku lea aki kia Tevita ko hoo tamai:

13 Bea teu nofo i he lotolotoga oe fānau a Isileli, bea e ikai teu jiaki a hoku kakai ko Isileli.

14 Koia nae laga e Solomone ae fale, bea naa ne fakaoji ia.

15 Bea naa ne aofi ae holiji maka ki loto fale aki ae laubaba sita, mei he faliki oe fale o a‘u hake i he holiji maka ki he ato: naa ne aofi ia aki ae akau, bea naa ne faliki aki ae fale ae laubaba nei he akau koe baini.

16 Bea naa ne aofi ae holiji oe fale, koe haga e fagofulu aki ae laubaba sita, io ae faliki  oe fale bea moe holiji; naa ne gaohi behe ia ki loto ma ae folofolaaga, bea moe botu tobutabu aubito.

17 Bea koe fale, io ae fale lotu nae i hono ao, koe haga e valugofulu a hono loloa.

18 Bea nae togitogi ki he sita oe loto fale ae fua‘i akau, moe gaahi fiji kuo tatala: nae sita kotoabe; nae ikai ke ha ai ha maka.

19 Bea naa ne teuteu‘i ae folofolaaga i he botu fale ki loto, ke tuku ki ai ae buha oe fuakava o Jihova.

20 Bea ko hono loloa oe folofolaaga ki mua koe haga e fagofulu, bea ko hono māukubu koe haga e fagofulu, bea ko hono maoluga oia koe haga e fagofulu: bea naa ne ufiufi aki ia ae koula mooniia; bea nae aofia foki ae feilaulauaga sita.

21 Koia, nae ufiufi ae loto fale o Solomone aki ae koula haohaoa: bea naa ne vahevahe  ae fale aki ae gaahi jeni koula ki mua i he folofolaaga; bea naa ne aofi aki ia ae koula.

22 Bea naa ne ufiufi aki ae koula ae fale katoa, kae oua ke oji ae fale katoa i hono ai: bea koe feilaulauaga katoa nae ofi ki he folofolaaga, naa ne aofi ia aki ae koula.

¶ 23 Bea i he lotolotoga oe folofolaaga naa ne gaohi ai ae ogo jelubi mei he akau koe olive, ko ho na maoluga taki taha koe haga e uofulu.

24 Bea koe kabakau e taha oe jelubi ko hono loloa koe haga e hogofulu, bea koe haga e hogofulu ae loloa oe kabakau oe jelubi e taha: mei he mui kabakau e taha o a‘u atu ki he mui kabakau e taha ko hono loloa koe haga e uofulu.

25 Bea nae uofulu ae haga oe jelubi e taha: nae tatau be ae ogo jelubi i ho na fuofua bea mo ho na lahi.

26 Koe maoluga oe jelubi e taha koe haga e uofulu bea ne behe foki ae jelubi e taha.

27 Bea naa ne fokotuu ae ogo jelubi ki he botu fale ki loto; bea nae mafola atu ae kabakau oe ogo jelubi, bea nae lave ai ae kabakau e taha ki he holiji fale, kae lave ae kabakau oe jelubi e taha ki he holiji e taha; bea nae felave‘i a ho na kabakau i loto fale.

28 Bea naa ne ufiufi ae ogo jelubi aki ae koula.

29 Bea naa ne togitogi takatakai ki he gaahi holiji oe fale ae gaahi fakatātā ki he jelubimi, moe akau koe boga, bea moe gaahi fiji akau kuo tatala, i loto mo tua.

30 Bea naa ne ufiufi aki ae koula ae faliki oe fale i loto mo itua.

¶ 31 Bea ki he huaga oe folofolaaga naa ne gaohi ae gaahi mataba oe akau koe olive: ko hono akau fakalava moe kau mataba koe koga e nima.

32 Koe ogo mataba foki koe akau olive; bea nae ne togitogi ki ai ae fakatātā ki he jelubimi, moe akau koe boga, moe fiji akau nae matala, bea ne ufiufi aki ia ae koula, mo ne aofi aki ae koula ae jelubimi, bea moe gaahi akau koe boga.

33 Nae behe foki a ene gaohi ki he mataba oe fale lotu ae bou oe akau koe olive; koe boga e fa.

34 Bea ko hono mataba e ua nae oe akau koe baini; nae faa mabelu ae botu e ua oe mataba e taha, bea nae faa mabelu ae botu e ua oe mataba kehe e taha.

35 Bea naa ne togitogi ki ai ae jelubimi moe gaahi akau koe boga moe fiji akau nae matala: bea naa ne aofi aki ia ae koula nae ai ke tatau moe gaue togitogi.

36 Bea naa ne laga ae loto a ki loto aki ae otu maka e tolu nae tauteu‘i, bea moe otu e taha oe lalaga sita.

¶ 37 Nae fakatoka ae tuuga oe fale o Jihova i hono fa oe ta‘u, i he mahina ko Sifi:

38 Bea i hono hogofulu ma taha oe ta‘u, i he mahina ko Buli, aia ko hono valu oe mahina, nae fakaoji ae fale i hono botu kotoabe, o fakatatau ki hono aga kotoabe. Koia, naa ne fitu ta‘u i he ene laga hake ia.