¶ 1 OKA ke ka nofo ke keinaga mo ho taha oku bule, tokaga lahi ki he mea oku i ha ao:

2 Bea kabau koe tagata faa kai koe, ai ha hele ki ho kia.

3 Oua naa ke holi ki he ene gaahi mea lelei: he koe mea kai kākā ia.

4 Oua naa fai feiga ke ke koloaia: bea oua naa falala ki ho boto oou.

5 He te ke jio fakamamau ki he mea oku ikai? he koe mooni oku gaohi e he koloa hono kabakau; oku buna atu ia o hage koe ikale ki he lagi.

6 Oua naa ke kai i he ma aana oku manumanu hono mata, bea oua naa ke holi ki he ene gaahi mea kai lelei:

7 He koe gaahi mahalo o hono loto, koia ai be ia: oku ne behe kiate koe, Ke ke kai mo inu; ka oku ikai iate koe hono loto.

8 Koe momoi mea kuo ke kai te ke toe lua aki, bea mole mo hoo gaahi lea lelei.

9 Oua naa ke lea i he teliga oe vale: he te ne manuki‘i ae boto o hoo gaahi lea.

10 Oua naa hiki ae kau a motua; bea oua naa faao ae botu goue ae tamai mate:

11 He oku mafimafi a ho nau buhui, bea te ne fai mo koe i he e nau mea.

12 Fakatokaga‘i ho loto ki he akonaki, bea mo ho teliga ki he gaahi lea ae ilo.

13 Oua naa taofi ae taute‘i mei he tamajii: he kabau te ke ta‘i ia aki ae mea ta, e ikai mate ia.

14 He te ke taute‘i aki ia ae mea ta, o fakahaofi ai hono laumalie mei heli.

15 E hoku foha, kabau e boto he loto, e fiefia ai hoku loto, io, teu fiefia au.

16 Koe mooni e fiefia hoku loto, oka lea aki e ho lougutu ae gaahi mea totonu.

17 Oua naa meheka ho loto ki he agahala: ka ke manavahe koe kia Jihova i he aho kotoabe.

18 He koe mooni oku ai ha gataaga; bea e ikai motuhi hoo amanaki.

19 Ke ke fanogo, E hoku foha, bea ke boto, bea fakahinohino ho loto i he hala.

20 Oua naa ke kau moe kakai faa inu ke kona, mo kinautolu oku uakai ki he e nau mea kai:

21 Koeuhi e iku ki he majiva aia oku faa kona mo faa uakai: bea koia oku faa mohe e kofu mahaehae be ia.

22 Fakaogo ki hoo tamai naa ke tubu ai, bea oua naa ke tae ofa ki hoo fa‘e oka motua ia.

23 Fakatau mai ae mooni, bea oua naa toe fakatau atu; ae boto, moe akonaki, bea moe faa fakakaukau.

24 E fiefia lahi ae tamai aana oku maonioni: bea ko ia oku ne ma‘u ae tamajii oku boto e fiefia ia iate ia.

25 E fiefia a hoo tamai mo hoo fa‘e, bea e fiefia ia naa ne fanau‘i koe.

26 E hoku foha, foaki mai ho loto, bea ke tokaga‘i e ho mata a hoku gaahi hala.

27 He oku tatau moe luo taumamao ae fefine faa feauaki; bea koe fefine aga kehe oku tatau moe luo abiabi.

28 Oku ne toi foki o hage ha kaihaa, bea oku ne fakatokolahi ae kau agahala i he kakai.

29 Kohai ia oku malaia? kohai ia oku mamahi? kohai ia oku i he feiteitani? kohai oku babunoa? kohai oku lavea noabe? kohai oku kulokula hono mata?

30 Ko kinautolu oku nofo fuofoa ke inu ke kona; akinautolu oku alu ke kumi ae uaine kuo feligiaki.

31 Oua naa ke jio ki he uaine i he ene kulokula, i he ene tuku hono lanu i he ibu, bea oku malie hono inu.

32 Koeuhi e uu ia amui o hage ha gata, bea huhu foki o hage koe gata kona.

33 E jio ho mata ki he kau fefine aga kehe, bea e fakaha mei ho loto ae gaahi mea fakafufu.

34 Io, te ke hage ha taha oku tokoto hifo i loto tahi, be ha taha oku mohe i ha fuga fanā.

35 Te ke behe ekoe, Kuo nau ta‘i au, ka oku ikai teu mamahi; bea kuo nau haha au, ka oku ikai teu ogo‘i ia: teu a afe? teu toe kumi be ki ai.