¶ 1 TEU fakafetai kiate koe, E Jihova; he kuo ke hiki hake au, bea nae ikai te ke tuku ke fiefia a hoku gaahi fili kiate au.

2 E Jihova ko hoku Otua, naaku tagi kiate koe, bea kuo ke fakamoui au.

3 E Jihova, kuo ke o hake hoku laumalie mei hetesi: kuo ke fakatologa eku moui, ke oua naaku alu hifo ki he luo.

4 Hiva kia Jihova, akimoutolu ko ene kakai maonioni, bea atu ae fakafetai i he manatu ki he ene maonioni.

5 He oku hage koe kemo oe mata hono houhau; oku ai ae moui i he ene ofa: kabau e ai ha tagi i he bo, e hoko ae fiefia i he bogibogi.

6 Bea i he eku monuia naaku behe, e ikai teu gau‘eu‘e o lauikuoga.

7 E Jihova, kuo ke fokotuu mau i hoo ofa ae malohi ki hoku mouga: naa ke fufu ho fofoga, bea neu mamahi ai.

8 Naaku tagi kiate koe, E Jihova; bea neu fai eku kole taumau kia Jihova.

9 Koeha hono aoga o hoku toto, o kau ka alu hifo ki he luo? E fakafetai ae efu kiate koe? e fakaha eia hoo mooni?

10 Fanogo mai, E Jihova, bea ke aloofa mai kiate au: E Jihova, ke ke hoko koe tokoni kiate au.

11 Kuo ke liliu kiate au eku tagi koe mee hobohobo: kuo ke vete hoku tauagaa, bea fakavala aki au ae fiefia;

12 Koeuhi ke hiva aki e hoku elelo ae fakafetai kiate koe, bea oua naa logo be. E Jihova ko hoku Otua, teu atu ae fakafetai kiate koe o taegata.