Ol Toktok blong Bilif
blong Jos Ia blong Jisas Kraes blong Ol Lata-dei Sent

1 Mifala i ^abiliv long ^bGod, Papa we I No Save Finis, mo long ^dPikinini blong Hem, Jisas Kraes, mo long ^eTabu Spirit.

2 Mifala i biliv we ol man bae oli kasem panis from ol sin blong ^aolgetawan nomo, be i no from wanem we ^bAdam i bin foldaon long hem.

3 Mifala i biliv we tru long ^aAtonmen blong Kraes, bae Kraes i ^bsevem evri man taem oli stap ^dobei long ol ^eloa mo olgeta odinens blong ^fGospel.

4 Mifala i biliv we ol fas prinsipol mo ^aodinens blong Gospel oli: nambawan, ^bFet long Lod Jisas Kraes; nambatu, ^dFasin blong Sakem Sin; nambatri, ^eKasem Baptaes andanit long wota blong ^fkam klin aot long ol sin; nambafo, Putum ^ghan antap long hed blong man blong kasem ^hpresen we i Tabu Spirit.

5 Mifala i biliv we God i mas ^asingaotem wan man, tru long ^bprofesi, mo tru long ol man we oli gat ^datoriti blong putum ^ehan antap long hed blong hem, blong hem i ^fprijim Gospel mo mekem ol ^godinens we oli stap.

6 Mifala i biliv long semfala ^aoganaesesen ia we i bin stap long Jos blong Bifo, we i gat ol ^baposol, ol ^dprofet, ol ^epasta, ol tija, ol ^fivanjelis, mo ol narafala moa.

7 Mifala i biliv long ^apresen blong ^btoktok long ol lanwis, presen blong ^dprofesi, presen blong ^erevelesen, presen blong luk ol ^fvisen, presen blong ^ghilim sik, presen blong fasin blong ^htalem mining blong ol lanwis, mo ol narafala moa.

8 Mifala i biliv we ^aBaebol i ^btoktok blong God sapos oli transletem i ^dstret gud; mifala i biliv tu we ^eBuk blong Momon i toktok blong God.

9 Mifala i biliv long evri toktok we God i bin ^atalemaot finis, evri toktok we Hem i stap talemaot naoia, mo mifala i biliv we bambae Hem i ^btalemaot yet plante bigfala mo impoten samting abaot kingdom blong God.

10 Mifala i biliv we Isrel bambae i mas ^akambak tugeta mo Olgeta ^bTen Traeb bambae oli kambak bakegen; we ^dSaeon (Niu Jerusalem), bambae oli bildim long graon blong Amerika; we Kraes Hemwan bambae i ^erul wetem paoa long wol ia; mo, wol ia bambae i kam ^fniufala, mo bambae i kasem ^gglori blong hem olsem ^hparadaes.

11 Mifala i talemaot we mifala i gat ^araet blong wosipim Hae God long wei we ^btingting blong mifala i ^dwantem, mo mifala i letem evri man blong gat sem raet ia; letem olgeta blong ^ewosip long fasin we oli wantem, long weaples we oli wantem, o wanem we oli wantem.

12 Mifala i biliv we mifala i mas obei long ol king, ol presiden, ol lida, mo ol jaj, blong folem, givim ona, mo sapotem ^aloa.

13 Mifala i biliv blong mas stap ^aones, talem trutok, stap ^bklin, stap kaen, stap stret mo gud, mo ^dmekem gudfala fasin long evri man; blong talem stret, mifala i stap talemaot se mifala i stap folem wanem we Pol i bin ^etijim—Mifala i biliv long evri samting, mifala i ^fhop long evri samting, mifala i bin winim plante samting, mo mifala i hop blong ^gwinim evri samting. Sapos i gat samting we i ^hklin, i luk naes, o i gudfala mo i nambawan tru, mifala i lukaotem ol samting ia.