Mataupu 2

Ua tuua e Aperaamo Uro ae alu atu i Kanana—Ua afio mai Ieova ia te ia i Arana—Ua folafola mai faamanuiaga uma o le talalelei i ana fanau ma i tagata uma e ala mai i ana fanau—Ua alu o ia i Kanana ona alu atu lea i Aikupito.

 O lenei, sa faia e le Alii le Atua le oge ia faateteleina tele i le laueleele o Uro, sa oo ina oti ai loʼu uso, o aArana; ae o eTara, loʼu tamā, sa nofo pea i le laueleele o Uro, o sa Kaletaia.

 Ma sa oo ina ave e aʼu, o Aperaamo, aSarai e fai ma aʼu ava, ae sa ave e eNakori, loʼu uso, Meleka, o lē o le afafine o Arana, e fai ava i ai.

 O lenei sa afetalai mai le Alii ia te aʼu: Aperaamo e, alu ese atu oe i fafo o lou nuu, ma mai tagata o lou aiga, ma mai le fale o lou tamā, i se laueleele o le a Ou faaali atu ia te oe.

 O lea na ou tuua ai le laueleele o aUro, o sa Kaletaia, ou te alu i le laueleele o Kanana; ma sa ou ave Lota, le atalii o loʼu uso, ma lana ava, ma Sarai laʼu ava; ma sa mulimuli mai foi loʼu etamā ia te aʼu, i le laueleele sa matou taʼua o Arana.

 Ma sa oo ina faaitiitia le oge; ma sa nofo loʼu tamā i Arana ma mau iina, aua sa tele lafu manu i Arana; ma sa toe liliu loʼu tamā i lona aifo i tupua, o lea na nofo ai pea o ia i Arana.

 Ae o aʼu, o Aperaamo, ma aLota, le atalii o loʼu uso, sa ma tatalo atu i le Alii, ma sa efaaali mai le Alii ia te aʼu, ma fetalai mai ia te aʼu: Tulai, ma ave Lota faatasi ma oe; ona ua Ou faamoemoe e aveese oe i fafo mai Arana, ma fai oe o se faifeau e tauave loʼu iigoa i se olaueleele ese o le a Ou tuu atu i au fanau pe a mavae atu oe mo se tofi e faavavau, pe a latou faalogo mai i loʼu leo.

 Aua o Aʼu o le Alii lou Atua; ua Ou nofo i le lagi; o le lalolagi o loʼu atuuvae; Ou te faaloaloa atu loʼu lima i luga o le sami, ma e usiusitai mai i loʼu leo; Ou te faia le matagi ma le afi e avea ma aʼu ekariota; Ou te fai atu i mauga—O ese mai iinei—ma faauta, e aveese i latou i se asiosio, i lea lava taimi, faafuasei lava.

 O loʼu igoa o aIeova, ma ua Ou eiloa le iuga mai le amataga; o lea o le a i ai loʼu lima i luga o oe.

 Ma o le a Ou faia mai ia te oe se atunuu tele, ma o le a Ou afaamanuiaina oe e lē mafuaina, ma faasilisili lou igoa i totonu o atunuu uma, ma o le a avea oe ma se faamanuiaga i au fanau e mulimuli mai pe a mavae atu oe, ina ia latou tauaveina i o latou lima lenei auaunaga ma le ePerisitua i atunuu uma;

 10 Ma o le a Ou faamanuiaina i latou e ala i loʼu igoa; ona o le toatele e taliaina lenei aTalalelei o le a taʼua i lou igoa, ma o le a faitauina o au efanau, ma o le a tutu aʼe ma faamanuia ia te oe, o lo latou itamā;

 11 Ma o le a Ou afaamanuiaina i latou o e e faamanuia ia te oe, ma fetuu i latou o e e fetuu ia te oe; ma o oe (o lona uiga, o lou Perisitua) ma o au efanau (o lona uiga, o lou Perisitua), aua Ou te tuu atu ia te oe se folafolaga o lenei iaiā o le a i ai pea ia te oe, ma i au fanau e mulimuli mai pe a mavae atu oe (o lona uiga, o le fanau moni lea, po o le fanau o le tino) o le a manuia ai aiga uma o le lalolagi, i faamanuiaga lava o le Talalelei, o faamanuiaga ia o le olataga, o le ola faavavau lava.

 12 O lenei, ina ua mavae ona afio ese le Alii mai le fetalai mai ia te aʼu, ma aveese ona fofoga mai ia te aʼu, sa ou fai ifo i loʼu loto: Ua asaili atu lau auauna ia te oe ma le naunau lava; o lenei ua ou maua oe;

 13 Sa e auina mai lau agelu e alaveai aʼu mai atua o Elekana, ma o le a lelei ia te aʼu ona faalogo atu i lou siufofoga, o lea ia tuu mai i lau auauna e tulai i luga ma alu ese i le filemu.

 14 O lea o aʼu, o Aperaamo, sa alu ese e pei ona sa fetalai mai ai le Alii ia te aʼu, ma Lota faatasi ma aʼu; ma o aʼu, o Aperaamo, sa aonosefulu ma le lua tausaga le matua i le taimi na ou alu ese ai mai Arana.

 15 Ma sa ou ave aSarai, o lē na ou ave ma aʼu ava aʼo ou i ai i eUro, i Kaletaia, ma Lota le atalii o loʼu uso, ma a matou mea uma sa matou faaputuputu, ma agaga na matou imauaina i Arana, ma matou o mai i le ala e tau i le laueleele o oKanana, ma nonofo i faleie aʼo matou o mai i lo matou ala;

 16 O lea, o le faavavau sa fai ma o matou faapaologa ma o matou apapa ma o matou faaolataga, aʼo matou malaga mai Arana e ui atu ia Seasona, e o atu ai i le laueleele o Kanana.

 17 O lenei o aʼu, o Aperaamo, sa ou faia se afatafaitaulaga i le laueleele o Seasona, ma faia se taulaga i le Alii, ma tatalo atu ina ia aveesea le eoge mai le fale o loʼu tamā, ina ia lē fano i latou.

 18 Ma ona matou teʼa atu lea mai Seasona e ala atu i le laueleele i le nuu o Sekema; sa tu lea nuu i le fanua laugatasi o More, ma ua matou oo mai ai i tuaoi o le laueleele o sa aKananā, ma sa ou osi atu se etaulaga iina i le fanua laugatasi o More, ma valaau atu i le Alii ma le naunautai, ona ua matou oo mai i le laueleele o lenei atunuu ifo i tupua.

 19 Ma sa faaali mai le Alii ia te aʼu i le tali mai i aʼu talosaga, ma sa fetalai mai ia te aʼu: O le a Ou tuu atu lenei alaueleele i au fanau.

 20 Ma o aʼu, o Aperaamo, sa ou tulai mai le mea sa i ai le fatafaitaulaga na ou fausia i le Alii, ma ou alu ese mai iina i se mauga i le itu i sasae o aPeteli, ma faatu loʼu faleie iina, o Peteli i sisifo, ma eʼAi i sasae; ma o iina na ou fausia ai se isi fatafaitaulaga i le Alii, ma toe ivalaau atu ai i le suafa o le Alii.

 21 Ma o aʼu, o Aperaamo, sa ou malaga, ma alu atu pea agai i saute; ma sa i ai pea se faaauauga o se oge i le laueleele; ma o aʼu, o Aperaamo, na faia se tonu ou te alu i lalo i Aikupito, e nofo ai iina, ona sa faateteleina lava le oge.

 22 Ma sa oo ina ua lata ona ou ulu atu i Aikupito, sa fetalai mai le Alii ia te aʼu: Faauta, o aSarai, lau ava, o se fafine lalelei tele i le vaai atu i ai;

 23 O lea, o le a oo mai, a vaai mai tagata Aikupito ia te ia, o le a latou fai ane—O ia o lana ava; ma o le a latou fasioti oe, ae o le a latou faaolaina o ia; o lea vaai ia faapenei ona e faia:

 24 Tuu atu ia Sarai e fai atu i tagata Aikupito, o ia o lou tuafafine, ma o le a ola ai lou tagata.

 25 Ma sa oo ina o aʼu o Aperaamo, sa ou taʼu atu ia Sarai, laʼu ava, mea uma na fetalai mai ai le Alii ia te aʼu—O lea ou te aioi atu ai ia te oe, fai atu ia te i latou, o oe o loʼu tuafafine, ina ia lelei ia te aʼu mo oe, ma o le a ola ai loʼu tagata ona o oe.