iVolanikalou
Mosese 1


Veitikina Digitaki Eso mai na
iVola i Mosese

E dua na tikina ka tauri mai na vakavakadewa ni iVolatabu me vaka a vakatakilai vei Josefa Simici na Parofita, ena June 1830–Feperueri 1831.

Wase 1

(June 1830)

Sa vakatakilai Koya na Kalou vei Mosese—Sa vakamataliataki ko Mosese—Sa wavutu e matana ko Setani—Sa raica ko Mosese e vuqa na vuravura era sa tawani tu—Sa bulia na Luvena na vuravura e sega ni wiliki rawa—Sa nona cakacaka kei na lagilagi na Kalou me tawa mate rawa ka bula tawamudu na tamata.

1 Na vosa ni Kalou, ka a atukuna vei bMosese ena gauna a kau cake kina ki na dua na ulunivanua cecere sara.

2 Ka sa araica na Kalou ena bmatana votu, ka rau veivosaki kaya, a sa tiko vei Mosese na clagilagi ni Kalou; o koya sa rawa kina vei Mosese me dtiko ena kena iserau.

3 Ka sa vosa vei Mosese na Kalou, ka kaya: Raica sai Au na Turaga na Kalou aKaukauwa, na yacaqu ko bTawacava; ni sa sega na Noqu itekitekivu ni veisiga se na icavacava ni veiyabaki; e sega beka ni tawacava oqo?

4 Ia, raica, ko iko na luvequ; ia mo araica mada, kau na vakaraitaka vei iko na cakacaka ni bligaqu; ia e sega ni o koya kece, ni sa sega ni cvakaiyalayala na noqu dcakacaka, sa vakakina na noqu evosa, ni ra sa sega ni mudu.

5 O koya sa sega kina ni dua na tamata sa raica rawa na noqu cakacaka kecega, vakavo kevaka sa raica na taucoko ni noqu lagilagi; ia sa sega e dua na tamata sa raica rawa na taucoko ni noqu lagilagi, ka me qai vakayago tiko ga e vuravura.

6 Ia i Mosese na luvequ; au na solia vei iko e dua na cakacaka, raica ko sa atautauvata kei koya na noqu bLe Duabau ga; ia na noqu Le Duabau ga sai koya na ciVakabula; ni sa sinai ena dloloma soli wale kei na edina; raica sa fsega tale na Kalou koi au ga, niu sa gkila ka raica na ka kecega.

7 Ia oqo, raica, au na vakaraitaka vei iko e dua na ka, I Mosese na luvequ, ni ko sa tiko e vuravura, au sa na vakaraitaka vei iko.

8 Ka sa yaco ni sa rai yani ko Mosese, ka raica na avuravura a buli kina; ka sa braica ko Mosese na vuravura kei na kena iyalayala, kei ira kecega na luve ni tamata era sa tiko kina, kei ira era a buli kina; a sa ckurabui ka qoroqoro vakalevu kina ko koya ena vukudra.

9 A sa lako tani vei Mosese na iserau ni Kalou, ka sega kina ni tiko kei Mosese na nona lagilagi; ka sa tu ga kina vakataki koya ko Mosese. Ia ni sa tiko duadua ga, sa bale sobu ki na qele.

10 Ka sa yaco ni sa oti mada e vica na auwa sa qai kilai yalona ka akaukauwa tale ko Mosese me vaka e dua na tamata; a sa kaya vakataki koya: Ia ena vuku ni ka oqo au kila kina ni sa bka wale ga na tamata, oqo na ka au a sega sara tu ga ni kila.

11 Ia oqo sa raica vakaidina na aKalou na mataqu; ia e sega ni mataqu bvakayago, na mataqu vakayalo ga, ni na sega ni rawa ni raica na mataqu vakayago; ni’u na cmalai ga ka dmate ena kena iserau; ia sa tu vata kei au na nona lagilagi; kau sa raica na kena eirairai, niu sa fvakamataliataki e matana.

12 Ka sa yaco ni sa cavuta oti na veivosa oqo ko Mosese, raica, sa lako mai ko aSetani ka bvakatovolei koya, ka kaya: I Mosese na luve ni tamata; mo qaravi au.

13 Ka sa yaco ni sa raici Setani yani ko Mosese ka kaya: Ko cei ko iko? Raica koi au oqo e dua na aluve ni Kalou; ka’u sa tautauvata kei koya na nona Le Duabau ga; evei na nomu lagilagi, meu qaravi iko kina?

14 Raica, sa sega ni rawa meu raica na Kalou, vakavo kevaka sa tu vei au na nona lagilagi, kau avakamataliataki e matana. Ia sa rawa vei au meu raici iko ena mataqu vakayago. Vakaevei au lasu li?

15 Me vakarokorokotaki ga na yaca ni noqu Kalou, ni sa sega ni lako tani vakadua sara vei au na Yalona, se evei na nomu lagilagi, ni sa butobuto vei au! Sa rawa me’u kila na kemudrau duidui kei na Kalou; ni sa kaya vakaoqo vei au na Kalou: Mo avakarokoroko vua na Kalou, ia mo bqaravi Koya duadua ga.

16 Mo lako tani vei au Setani; kakua ni mai vakatovolei au; raica sa kaya vakaoqo vei au na Kalou: Ko sa atautauvata kei koya na noqu Le Duabau ga.

17 Sa solia talega vei au ko Koya na ivakaro ni sa kacivi au mai na aveikau sa kama ka kaya: Mo bmasuta na Kalou ena yacana na noqu Le Duabau ga, ka qaravi au.

18 Ka sa kaya tale ko Mosese: Au na sega ni guce ena masuta na Kalou; raica sa tu tale eso na ka me’u taroga vua: ni sa tiko vata kei au na nona lagilagi, o koya au sa kila kina na kemu duidui mai vua. Mo lako tani yani Setani.

19 Ia oqo, ni sa cavuta oti ko Mosese na veivosa oqo, sa qolou vakadomoilevu ko Setani, ka karalaki e vuravura, ka veivakaroti, ka kaya: Sai au na aLe Duabau Ga, qaravi au.

20 Ka sa yaco ni sa tekivu me rere vakalevu sara ko Mosese; ia ni sa tekivu me rere, sa raica na wiwi kei aeli. Ia ni sa bmasuta tikoga na Kalou sa soli vua na kaukauwa, ka sa vakaroti Setani ka kaya: Mo lako tani vei au, Setani, ni sai koya ga na Kalou oqo au na qarava, ko koya na Kalou ni lagilagi.

21 Ia oqo sa tekivu me sautaninini ko aSetani, ka sa sakure ko vuravura; sa rawata ko Mosese na kaukauwa, ka masuta na Kalou, ka kaya: Ena yacai Koya na Le Duabau ga, Setani mo lako tani eke!

22 Ka sa yaco ni sa qoqolou ena domo levu ko Setani, sa tagi, ka tagiyaso ka avakasequruqurubati; a sa lako tani sara mai kea, io mai na iserau kei Mosese, me sega tale ni raici koya.

23 Ia, na veika oqo sa vola tu na kena itukutuku ko Mosese; ia ena vuku ni caka ca sa sega kina ni tu ena kedra maliwa na luve ni tamata.

24 Ka sa yaco ni sa lako tani ko Setani mai na iserau kei Mosese; a sa tacake e matana ki lomalagi ko Mosese, ni sa vakasinaiti ena aYalo Tabu, o koya sa tukuna na Tamada kei na Luvena.

25 Ia ni sa masuta tiko na yaca ni Kalou, sa raica tale na nona lagilagi, ni sa tiko vua; ka sa rogoca e dua na domo, sa kaya: Ko sa kalougata Mosese, niu sa digitaki iko, koi Au, na Kaukauwa, ia ko na kaukauwa cake ka malumalumu na awai e vuqa; ni ra na muria na nomu bivakaro me vaka ni ko iko beka na cKalou.

26 Ia raica, au na tiko vata kei iko, io me yacova ni sa cava na nomu veisiga; ni ko na asereki ira na noqu tamata mai na bveivakabobulataki, io ko cIsireli na noqu ddigitaki.

27 Ka sa yaco, ni se vosa tikoga na domo, sa rai yani ko Mosese ka araica na vuravura, io, ena kena taucoko; ka sa sega sara ni dua na tikina lailai mada ga e sega ni raica, ka kila ena Yalo ni Kalou.

28 Ka sa raici ira taucoko talega na lewena, ka sega sara e dua me sega ni raica; ka kilai ira ena Yalo ni Kalou; sa vuqa sara na kedra iwiliwili, io sa sega ni wiliki rawa me vaka na nuku ni matasawa.

29 Ka sa raica e vuqa na vanua; ia na vanua yadua oqori sa vakatokai me avuravura, a ra sa tawani kece tu.

30 Ka sa yaco ni sa masuta na Kalou ko Mosese, ka kaya: Au sa kerei kemuni mo ni tukuna vei au na ibalebale ni veika oqo, ia ena cava ko ni sa buli ira kina.

31 Ia raica, sa tiko vei Mosese na lagilagi ni Turaga, me tu rawa kina ko Mosese ena iserau ni Kalou, ka veivosaki vata kaya e amatana votu. A sa kaya vei Mosese na Turaga na Kalou: Au sa cakava na veika oqo ena noqu binaki ga vakataki au. Sai koya oqo na vuku me se tei toka mada ga vei au.

32 Ia ena avosa ni noqu kaukauwa, au sa buli ira kina, sai koya na noqu Le Duabau Ga, o koya sa sinai ena bloloma soli wale kei na cdina.

33 Raica au sa abulia e vuqa na bvuravura sa sega ni wili rawa; kau sa buli ira talega ena noqu inaki vakataki au; ia mai vua na luvequ au sa buli ira, ko koya na noqu cLe Duabau Ga.

34 Ia au sa vakatoka na aimatai ni tamata ko bAtama; a kena ibalebale na clewe vuqa.

35 Ia au sa tukuna wale ga vei iko e dua na itukutuku ni vuravura oqo, kei ira na lewena. Raica, e vuqa na vuravura era sa takali yani ena vosa ni noqu kaukauwa. Ka vuqa tale era sa tu oqo, ka ra sega ni wilika rawa na tamata; ia na veika kece oqo au sa kilai ira, ni ra sa noqu kau akilai ira.

36 Ka sa yaco ni sa vosa ko Mosese vua na Turaga, ka kaya: Oi kemuni na Kalou, mo ni lomana na nomuni tamata, ka tukuna mai vei au na veika e baleta na vuravura oqo, kei ira na lewena, kei na lomalagi talega, ia ena qai vakacegu na nomuni tamata.

37 Ka sa qai vosa vei Mosese na Turaga na Kalou, ka kaya: Sa vuqa tu na alomalagi, ka ra sa sega ni wilika rawa na tamata; ia au sa kilai ira kecega, ni ra sa noqu.

38 Ia ni sa takali yani e dua na vuravura, kei na kena lomalagi, sa na yaco tale ga mai vakakina e dua; ka sa sega kina ni acava na noqu cakacaka, ka sega vakakina na noqu vosa.

39 Ia raica, oqo na noqu acakacaka kei na noqu blagilagi—meu vakavuna na ctawa mate rawa kei na dbula tawamudu ni tamata.

40 Ia oqo, i Mosese na luvequ, au sa na tukuna vei iko na veika e baleta na vuravura ko tiko kina oqo; ia mo na avola na veika kece au na tukuna vei iko.

41 Ia ena dua na siga ni ra sa vakawalena na luve ni tamata na noqu vosa ka akauta tani e vuqa mai na ivola ko na vola, raica au na vakatubura cake e dua tale bvakataki iko; ka cra na qai mai tu tale ena kedra maliwa na luve ni tamata—ena kedra maliwa ko ira kecega era na vakabauta.

42 (Oqo na vosa a atukuni vei Mosese ena ulunivanua, na yacana era na sega ni kila na luve ni tamata. Ia oqo sa tukuni vei iko. Kakua ni vakaraitaka vua e dua ia ki vei ira ga era sa vakabauti iko. Io sa vakakina. Emeni.)