Mwakoro aika Rineaki man ana
Boki Mote

1 Ana taeka te Atua, are e ^ataekin nakon ^bMote n te tai are e uotaki nako Mote nakon te maunga ae moan te rietata,

2 Ao e ^anoora te Atua ni ^bkaaitara ma ngaia, ao e taetae ma ngaia, ao ^cmimitongin te Atua e mena i aon Mote; ngaia are e a kona Mote ni ^dmena i matana.

3 Ao e taetae te Atua nakon Mote, ni kangai: Nooria, Ngai te Uea ae te Atua ae ^aMoan te Mwaaka, ao arau ^bAkea Tokina; bwa akea moan au bong ke akea tokin au ririki; ao tiaki bon anne akea tokina?

4 Ao, nooria, bon natiu ngkoe; ngaia are ^ataraia, ao N na kaoti nakoim bwaai ake I a tia ni kariki n oin ^bbaiu; ma tiaki ni kabane, bwa akea ^ctokin au ^dmwakuri, ao au ^etaeka naba, bwa a aki totoki.

5 Ngaia are, akea te aomata ae kona n noori au mwakuri ni kabane, ma ti ngkana e noora mimitongiu ni kabane, ao akea te aomata ae kona n noora mimitongiu ni kabane, ao e na tiku ni maiu i aon te aba i mwina.

6 Ao iai te mwakuri ae N na anganiko, Mote, ae natiu; ao ti te ^aarona ngkoe ma au ^bRikitemanna, ao au Rikitemanna bon ngaia ao ngaia ae na riki bwa te ^cTia Kamaiu, bwa e onrake n te ^dakoi ao te ^ekoaua, ma bon ^fakea riki temanna te Atua irarikiu, ao a mena bwaai ni kabane i matau, bwa I ^gatai ni kabane.

7 Ao ngkai, nooria, iai teuana te bwai ae N na kaotia nakoim, Mote, ae natiu, ibukina bwa ko mena n te aonaba, ao ngkai N na kaotia nakoim.

8 Ao e koro bukina bwa Mote e taraia, ao e noora te ^aaonaba are e karikaki i aona; ao Mote e ^bnoora te aonaba ao tabotabona nako, ao natiia aomata ni kabane ake a karikaki, ao ake a tia ni karikaki; ao e korakora ^cmiimina ao kubanakona n aei.

9 Ao te Atua e kitana Mote, n te aro are akea mimitongina iroun Mote; ao e tiku n ti ngaia Mote. Ao ngke e tiku n ti ngaia, ao e a bwaka nako aontano.

10 Ao e koro bukina bwa i nanon te maan ae aoa aika a mwaiti i mwaain ae okira ^akorakorana n aomata Mote n aron te aomata, ao e taku i bon irouna: Ngkai, man aio I a ataia bwa ^bakea manen te aomata, te bwai ae I tuai ma ni kaman iangoia.

11 Ma ngkai a tia oin matau n noora te ^aAtua; ma tiaki matau n ^baomata, ma matau n tamnei, bwa matau n aomata e aki kona n noria bwa N na riai n ^crai ao ni ^dmate i matana; ma e mena mimitongina i aou; ao I noora ^eubuna, ibukina bwa I ^fonikaki i matana.

12 Ao e koro bukina bwa ngke e tia n taekini taeka aikai Mote, nooria, e roko ^aTatan ni ^bkariria, ni kangai: Mote, ae natin te aomata, taromauriai.

13 Ao e koro bukina bwa Mote e tara Tatan ao e taku: Antai ngkoe? Bwa nooria, ngai ^anatin te Atua, ae ti te arona ma ana Rikitemanna, ao enga mimitongim, bwa N na taromauriko?

14 Bwa nooria, I aki kona n tara te Atua, ma ti ngkana e mena mimitongina i aou, ao I bon ^aonikaki i matana. Ma I kona n taraiko n te aro n aomata. Ni koauana, tiaki arona anne?

15 E kakabwaiaaki aran Atuau, bwa e aki kitanai raoi tamneina, ke e mena ia mimitongim, bwa bon te rotongitong irou? Ao I ataa te kaokoro i marenam ma te Atua; bwa e taku te Atua nakoiu: ^aTaromauria te Atua, bwa ti ngaia ae ko na ^btoro irouna.

16 Kararoako Tatan, tai mwamwanaai; bwa e taku te Atua nakoiu: Bon ti ^ate arona ngkoe ma au Rikitemanna.

17 Ao e anganai naba tua ngke e weteai mai buakon te ^abuakoako are ura, ni kangai: ^bWetea te Atua n aran au Rikitemanna, ao taromauriai.

18 Ao e a manga taku Mote: N na aki toki ni wetea te Atua, iai bwaai riki tabeua ae N na titirakinna: bwa e a tia ni mena mimitongina i aou, ngaia are I ataa te kaokoro imarenana ma ngkoe. Nako mai ikai, Tatan.

19 Ao ngkai, ngke e tia Mote n taekini taeka aikai, e takarua n te bwana ae korakora Tatan, ao e tatakarua n te aro ni iowawa i aon te aonaba, ao e tua, ni kangai: Ngai te ^aRikitemanna, taromauriai.

20 Ao e koro bukina bwa e a moanna ni korakora maakun Mote, ao ngke e a moanna ni maaku, e noora ana karawawata ^amoone. Ma e ngae n anne, ngke e ^bwetea te Atua, e karekea korakorana, ao e tua, ni kangai: Nako mai irou, Tatan, bwa ti aio te Atua ae N na taromauria, are bon Atuan te mimitong.

21 Ao ngkai e a moanna n ruru ^aTatan, ao e mwaeiei te aonaba; ao e karekea korakorana Mote, ao e wetea te Atua, ni kangai: N aran te Rikitemanna, nako mai ikai, Tatan.

22 Ao e koro bukina bwa e takarua n te bwana ae korakora Tatan, ma te tang, ao te tatakarua, ao te ^akangenge wii; ao e nako mai ikekei, mai matan naba Mote, n te aro are e a aki nooria.

23 Ao ngkai ibukin aio e kaota koauana Mote, ma ibukin buakakaia ao akea irouia natiia aomata.

24 Ao e koro bukina bwa ngke e nako Tatan mai matan Mote, e euta matana Mote n tara karawa, bwa e kaonaki n te ^aTamnei ae Raoiroi, are e kaota koauan te Tama ao te Nati;

25 Ao ngke e wetea aran te Atua, e a manga noora mimitongina, bwa e mena i aona; ao e ongo te bwana, ae kangai: Ko a kakabwaiaaki, Mote, bwa Ngai, are Moan te Mwaaka, I a tia n rineiko, ao ko na kakorakoraaki nakon ^araan aika mwaiti; bwa a na ongo n am ^btaeka kanga ae ai aron te ^cAtua ngkoe.

26 Ao nooria, I memena iroum, ni karokoa tokin am bong; bwa ko na ^akainaomataia au botanaomata man te ^btautoronaki, ae ^cIteraera are I ^drineia.

27 Ao e koro bukina, bwa ngke e tabe n taetae te bwana, e euta matana Mote ao e ^anoora te aonaba, eng, ni kabanea, ao bon akea mwakorona ae uarereke ae e aki nooria, bwa e nooria mai iroun Tamnein te Atua.

28 Ao e nooriia naba kaaina, ao bon akea te aomata ae e aki nooria; ao e nooriia mai iroun Tamnein te Atua; ao e korakora mwaitia, ao aki kona ni warekaki mwaitia n ai aron te tano i mataniwin taari.

29 Ao e noori aaba aika mwaiti; ao aaba n tatabeua nako a bon aranaki bwa te ^aaonaba, ao bon iai kaain aoia.

30 Ao e koro bukina bwa Mote e wetea te Atua, ni kangai: Tuangai, I butiko, a kanga n riki bwaai aikai, ao tera ae ko karaoi mai iai.

31 Ao nooria, e mena mimitongin te Uea i aon Mote, n te aro are Mote e tei i matan te Atua, ao e ^akaaitara ma ngaia n taetae. Ao te Uea ae te Atua e taku nakon Mote: Ibukin oin au ^bkaantaninga ae I karaoi bwaai aikai. Aio bon te wanawana ao e tiku irou.

32 Ao man te ^ataeka ni mwaakau, are bon Natiu ae te Rikitemanna, I a tia ni karikiia, are e onrake n te ^bakoi ao te ^ckoaua.

33 Ao ^aaonaba ake aki kona ni warekaki I a tia ni ^bkariki; ao I karikiia naba ibukin oin au kaantaninga; ao I karikiia mai iroun te Nati, are bon au ^cRikitemanna.

34 Ao te ^amoan aomata mai buakoia aomata I aranna bwa ^bAtam, are bon e ^cmwaiti.

35 Ma ti rongorongon te aonaba aei, ao kaaina, are N na anganiko. Bwa nooria, a boni mwaiti aonaba ake a tia ni bua iroun te taeka ni mwaakau. Ao a mwaiti aika a tei ngkai, ao aki kona ni warekaki iroun te aomata, ma bwaai ni kabane a kona ni warekaki irou, bwa bon au bwai ao I ^aataiia.

36 Ao e koro bukina bwa e taetae Mote nakon te Uea, ni kangai: Nanoanga am toro, O te Atua, ao tuangai taekan te aonaba aei, ao kaaina, ao karawa naba, ao ngkanne e na rau nanon am toro.

37 Ao e taetae te Uea ae te Atua nakon Mote, ni kangai: ^aKarawa, a boni mwaiti, ao aki kona ni warekaki iroun te aomata; ma a kona ni warekaki irou, bwa bon au bwai.

38 Ao n aron te aonaba teuana ae na mauna nako, ma taian karawa naba ao e na manga roko teuana; ao bon akea ^atokin au mwakuri, ao au taeka naba.

39 Bwa nooria, bon aio au ^amwakuri ao ^bmimitongiu—ni karekea te ^caki mamate ao te maiu ae ^dakea tokina ibukin te aomata.

40 Ao ngkai, Mote, ae natiu, N na taekini bwaai nakoim ibukin te aonaba ae ko tei i aona; ao ko na ^akorei bwaai ake N na taekini.

41 Ao n te bong teuana ngkana a kaakea bonganan au taeka natiia aomata ao a ^aanai aika mwaiti man te boki are ko na koreia, nooria, N na kateirakea temanna ae ^bai arom; ao ^ca na manga reke nakoia natiia aomata—i buakoia ni kabane ake a na kakoaua.

42 (Taeka aikai a ^ataekinaki nakon Mote i aon te maunga, are e na aki ataaki arana irouia natiia aomata. Ao ngkai a taekinaki nakoim. Tai kaotia nakon temanna ma ti naake a kakoaua. Eng. Amen.)