1 Ngaia are a ^atia karawa ma aonaba, ao ^bkaaina ni kabane.

2 Ao n te kaitiua ni bong Ngai, te Atua, I katoka au mwakuri, ao bwaai ni kabane ake I tia ni karaoi; ao I ^amotirawa n te ^bkaitiua ni bong man au mwakuri ni kabane, ao bwaai ni kabane ake I a tia ni karaoi a bon tia, ao Ngai, te Atua, I noori bwa a bon raoiroi;

3 Ao Ngai, te Atua, I ^akakabwaia te kaitiua ni bong, ao I katabua, ibukina bwa I a tia ni motirawa iai man au ^bmwakuri ni kabane are Ngai, te Atua, I a tia ni karikii ao ni karaoi.

4 Ao ngkai, nooria, I tuangkami, bwa aikai bon karinanin nako karawa ao te aonaba, ngke a karikaki, n te bong are Ngai, te Uea ae te Atua, I karaoa karawa ma aonaba,

5 Ao te aroka ni kabane n te tawana ^ai mwaain ae e roko n te aonaba, ao te aroka ni kabane n te tawana i mwaain ae e riki. Bwa Ngai, te Uea ae te Atua, I ^bkarikii bwaai ni kabane, ake I a tia n taekini, n ^caroia n tamnei, i mwaain ae a roko n aroia n rabwata i aon te aonaba. Bwa Ngai, te Uea ae te Atua, I tuai ni kabwaka te karau i aon te aonaba. Ao Ngai, te Uea ae te Atua, I a tia ni ^dkarikiia natiia aomata; ao akea n te tai aei ae na ribanaa ^eaontano; bwa I ^fkarikiia i ^gkarawa; ao bon akea n te tai aei te rabwata n te aonaba, ke n te ran, ke i annang;

6 Bwa Ngai, te Uea ae te Atua, I taetae, ao e waerake te ^amabubu man te aonaba, ao e kamwaimwa aontano ni kabuta.

7 Ao Ngai, te Uea ae te Atua, I karaoa te aomata man ^abubun aontano, ao I uka nako nanon bwairina te ikeikei ni maiu; ao te ^baomata e riki bwa te ^caomata ae maiu, te ^dmoan rabwata i aon te aonaba, te moan aomata naba; e ngae n anne, bwaai ni kabane a kaman karikaki; ma a karikaki n aroia n tamnei ao a karaoaki ni kaineti ma au taeka.

8 Ao Ngai, te Uea ae te Atua, I unika te nne n aroka mai mainiku i ^aEten, ao ikekei I katuka te aomata are I tia ni karaoia.

9 Ao mai i aontano Ngai, te Uea ae te Atua, I karaoia bwa a na riki kaai ni kabane, n aroia n rabwataia, are e kakukureia ana taratara te aomata, ao te aomata e kona n nooria. Ao e riki naba bwa te bwai ae maiu. Bwa bon arona n tamnei n te bong are I karikia iai, bwa e tiku n te tabo are Ngai, te Atua, I karikia iai, eng, bwaai ni kabane naba ake I katauraoi bwa e na kamanena te aomata; ao te aomata e nooria bwa e bon raoiroi ibukin te amwarake. Ao Ngai, te Uea ae te Atua, I unika te ^akai ni kamaiu i nukan te nne n aroka, ao te ^bkai naba n ataa ae raoiroi ao ae buakaka.

10 Ao Ngai, te Uea ae te Atua, I karika te karaanga bwa e na nako mai Eten n teboka te nne n aroka; ao mai ikekei e bwenaua, ao e riki bwa ^akaraanga aika aua.

11 Ao Ngai, te Uea ae te Atua, I aranna are te moan bwa Bition, ao e otabwaninia te aba ae Awira ni kabuta, ike Ngai, te Uea ae te Atua, I karikii koora aika a mwaiti;

12 Ao te koora n te aba arei e bon raoiroi, ao bon iai te teriam ao te atibu ae te oniki.

13 Ao aran te kauoua ni karaanga e bon aranaki bwa Kion; bon ngaia naba are otabwaninia te aba ae Itiobia ni kabuta.

14 Ao aran te kateniua ni karaanga bon Itekera; are e biri nako mainukun Aturia. Ao te kaaua ni karaanga bon te Iuberetiti.

15 Ao Ngai, te Uea ae te Atua, I anaa te aomata, ao I katikua i nanon te Nne n aroka are Eten, bwa e na ribanaia, ao ni kawakinna.

16 Ao Ngai, te Uea ae te Atua, I tuanga te aomata, ni kangai: Man aroka ni kabane n te nne n aroka ko kona n amwarake n akea tukam,

17 Ma man te kai n ataa ae raoiroi ao ae buakaka, ko na tai amwarake iai, e ngae n anne, ko kona ni ^arineia i bon ibukim, bwa ko bon anganaki; ma, uringnga bwa I katabua, bwa n te ^bbong are ko amwarake mai iai ko na boni ^cmate.

18 Ao Ngai, te Uea ae te Atua, I taetae nakon au ^aRikitemanna, bwa e bon aki raoiroi bwa te aomata e na tiku n ti ngaia; ngaia are, N na karaoa te ^btia ibuobuoki ibukina.

19 Ao man te tano Ngai, te Uea ae te Atua, I karaoi manin te tawana ni kabane, ao mannikiba ni kabane i annang; ao I tua bwa a na nako nakon Atam, bwa e na nooraki bwa tera araia ae na araniia iai; ao bon maan aika a maiu naba; bwa Ngai, te Atua, I uka nako nanoia te ikeike ni maiu, ao I tua bwa aara nako are e na araniia iai Atam maan aika maiu ni kabane, ai bon araia naba.

20 Ao Atam e anganiia maan aika manana ni kabane araia, ao nakoia mannikiba i annang, ao nakoia manin te tawana ni kabane; ma ibukin Atam, e bon tuai reke te tia ibuobuoki ibukina.

21 Ao Ngai, te Uea ae te Atua, I karokoa te matu ae korakora bwa e na taona Atam; ao e matu, ao I anaa teaina riin kaokaona ao I kaina te iriko ni bonota mwiina;

22 Ao te rii ni kaokao are Ngai, te Uea ae te Atua, I a tia n anaia mai iroun te mwaane, I karaoa te ^aaine iai, ao I kairia nakon te mwaane.

23 Ao e taku Atam: I ataia ngkai bwa bon riin riiu, ao ^airikon irikou; e na aranaki bwa te Aine, ibukina bwa e anaaki mai nanon te mwaane.

24 Ngaia are te mwaane e na kitana tamana ao tinana; ao e na ^anim ma buuna; ao a na riki n ^bti te irikona.

25 Ao a uaia n akea karabaaia, te mwaane ao buuna, ao a bon aki maama.