ບົດທີ 3
(ເດືອນມິຖຸນາ–ເດືອນຕຸລາ 1830)
ພຣະເຈົ້າສ້າງທຸກສິ່ງທັງປວງທາງວິນຍານກ່ອນມັນຈະເປັນຢູ່ທາງທຳມະຊາດຢູ່ເທິງແຜ່ນດິນໂລກ—ພຣະອົງສ້າງຜູ້ຊາຍ, ເນື້ອໜັງຄົນທຳອິດ, ຢູ່ເທິງແຜ່ນດິນໂລກ—ຜູ້ຍິງເປັນຜູ້ຊ່ວຍຊູທີ່ເໝາະສົມສຳລັບຜູ້ຊາຍ.
1 ຟ້າສະຫວັນ ແລະ ແຜ່ນດິນໂລກຈຶ່ງ ກສຳເລັດເສັດສິ້ນດັ່ງນັ້ນ, ແລະ ຂໄພ່ພົນທັງປວງຂອງມັນ.
2 ແລະ ໃນມື້ທີເຈັດ ເຮົາ, ພຣະເຈົ້າ, ໄດ້ຢຸດວຽກງານຂອງເຮົາ, ແລະ ທຸກສິ່ງທັງປວງທີ່ເຮົາໄດ້ນິລະມິດສ້າງ; ແລະ ເຮົາໄດ້ ກພັກຜ່ອນໃນ ຂມື້ທີເຈັດຈາກວຽກງານຂອງເຮົາ, ແລະ ໄດ້ສຳເລັດທຸກສິ່ງທີ່ເຮົາໄດ້ນິລະມິດສ້າງ, ແລະ ເຮົາ, ພຣະເຈົ້າ, ໄດ້ຊົມສິ່ງທີ່ໄດ້ນິລະມິດສ້າງຂຶ້ນມາແລ້ວກໍພໍໃຈ;
3 ແລະ ເຮົາ, ພຣະເຈົ້າ, ໄດ້ ກອວຍພອນມື້ທີເຈັດ, ແລະ ໄດ້ຊຳລະມັນໃຫ້ບໍລິສຸດ; ເພາະຮອດມື້ນີ້ທີ່ເຮົາໄດ້ສຳເລັດການນິລະມິດສ້າງ ແລະ ຢຸດ ຂວຽກງານທັງສິ້ນຊຶ່ງເຮົາ, ພຣະເຈົ້າ, ໄດ້ນິລະມິດສ້າງ ແລະ ເຮັດຂຶ້ນມາ.
4 ແລະ ບັດນີ້, ຈົ່ງເບິ່ງ, ເຮົາກ່າວກັບເຈົ້າວ່າ ສິ່ງເຫລົ່ານີ້ເປັນລຳດັບການສ້າງຟ້າສະຫວັນ ແລະ ແຜ່ນດິນໂລກ, ເມື່ອມັນຖືກນິລະມິດສ້າງ, ໃນມື້ທີ່ເຮົາ, ອົງພຣະຜູ້ເປັນເຈົ້າ, ໄດ້ເຮັດຟ້າສະຫວັນ ແລະ ແຜ່ນດິນໂລກ,
5 ແລະ ຕົ້ນໄມ້ທຸກຊະນິດຢູ່ໃນທົ່ງ ກກ່ອນມັນຢູ່ໃນພື້ນດິນ, ແລະ ພືດພັນທຸກຊະນິດຢູ່ໃນທົ່ງກ່ອນມັນຈະເຕີບໂຕຂຶ້ນ. ເພາະວ່າເຮົາ, ອົງພຣະຜູ້ເປັນເຈົ້າ, ໄດ້ ຂສ້າງທຸກສິ່ງທັງປວງ, ຊຶ່ງເຮົາໄດ້ກ່າວມານັ້ນ, ຄທາງວິນຍານກ່ອນມັນຈະເປັນຢູ່ທາງທຳມະຊາດຢູ່ເທິງຜືນແຜ່ນດິນໂລກ. ເພາະວ່າເຮົາ, ອົງພຣະຜູ້ເປັນເຈົ້າ, ບໍ່ໄດ້ໃຫ້ຝົນຕົກລົງມາເທິງຜືນແຜ່ນດິນໂລກ. ແລະ ເຮົາ, ອົງພຣະຜູ້ເປັນເຈົ້າ, ໄດ້ ງສ້າງລູກຫລານມະນຸດທັງປວງໄວ້; ແລະ ຍັງບໍ່ມີມະນຸດຈັກຄົນທຳມາຫາກິນຢູ່ເທິງ ຈແຜ່ນດິນໂລກເທື່ອ; ເພາະວ່າເຮົາໄດ້ ສສ້າງພວກເຂົາຢູ່ໃນ ຊສະຫວັນ; ແລະ ຍັງບໍ່ມີເນື້ອໜັງຢູ່ເທິງແຜ່ນດິນໂລກ, ທັງໃນນ້ຳ, ແລະ ທັງໃນອາກາດກໍບໍ່ມີ;
6 ແຕ່ເຮົາ, ອົງພຣະຜູ້ເປັນເຈົ້າ, ໄດ້ກ່າວ, ແລະ ມີ ກໝອກລອຍຂຶ້ນມາຈາກແຜ່ນດິນ, ແລະ ເຮັດໃຫ້ພື້ນດິນຊຸ່ມຊື່ນທົ່ວໄປ.
7 ແລະ ເຮົາ, ອົງພຣະຜູ້ເປັນເຈົ້າ, ກໍເອົາ ກຂີ້ດິນແຕ່ພື້ນດິນມາປັ້ນເປັນຜູ້ຊາຍ, ແລະ ໄດ້ເປົ່າລົມຫາຍໃຈໃສ່ຮູດັງຂອງລາວໃຫ້ມີຊີວິດ; ແລະ ຂຮູບປັ້ນນັ້ນໄດ້ກາຍເປັນ ຄຈິດວິນຍານທີ່ມີຊີວິດ, ເປັນເນື້ອໜັງຄົນ ງທຳອິດຢູ່ເທິງແຜ່ນດິນໂລກ, ເປັນຜູ້ຊາຍຄົນທຳອິດນຳອີກ; ເຖິງຢ່າງໃດກໍຕາມ, ທຸກສິ່ງທັງປວງເປັນຢູ່ແລ້ວກ່ອນຖືກນິລະມິດສ້າງຂຶ້ນມາ; ແຕ່ມັນໄດ້ຖືກສ້າງຂຶ້ນທາງວິນຍານ ແລະ ຖືກປະດິດຕາມຄຳຂອງເຮົາ.
8 ແລະ ເຮົາ, ອົງພຣະຜູ້ເປັນເຈົ້າ, ໄດ້ສ້າງສວນແຫ່ງໜຶ່ງໃນ ກເອເດນຢູ່ທາງທິດຕາເວັນອອກ, ແລະ ໄດ້ເອົາຊາຍຜູ້ທີ່ເຮົາປັ້ນຂຶ້ນນັ້ນມາຢູ່.
9 ແລະ ຈາກພື້ນດິນ ເຮົາ, ອົງພຣະຜູ້ເປັນເຈົ້າ, ໄດ້ບັນດານໃຫ້ມີຕົ້ນໄມ້ທຸກຊະນິດ, ໃນທຳມະຊາດ, ຊຶ່ງເປັນທີ່ເພິ່ງພໍໃຈໃນສາຍຕາຂອງມະນຸດ; ແລະ ມະນຸດສາມາດຫລຽວເຫັນມັນໄດ້. ແລະ ມັນກາຍເປັນຈິດວິນຍານທີ່ມີຊີວິດຄືກັນ. ເພາະວ່າມັນເປັນທາງວິນຍານໃນວັນເວລາທີ່ເຮົາໄດ້ສ້າງມັນ; ເພາະວ່າມັນຍັງໃນຢູ່ຂົງເຂດ ຊຶ່ງໃນນັ້ນເຮົາ, ພຣະເຈົ້າ, ໄດ້ສ້າງມັນ, ແທ້ຈິງແລ້ວ, ແມ່ນແຕ່ທຸກສິ່ງທັງປວງທີ່ເຮົາໄດ້ຕຽມໄວ້ເພື່ອໃຫ້ມະນຸດໃຊ້; ແລະ ມະນຸດໄດ້ເຫັນວ່າມັນດີສຳລັບເປັນອາຫານ. ແລະ ເຮົາ, ອົງພຣະຜູ້ເປັນເຈົ້າ, ໄດ້ປູກ ກຕົ້ນໄມ້ແຫ່ງຊີວິດນຳອີກໄວ້ໃນກາງສວນ, ແລະ ຂຕົ້ນໄມ້ແຫ່ງຄວາມຮູ້ດີ ແລະ ຮູ້ຊົ່ວນຳອີກ.
10 ແລະ ເຮົາ, ອົງພຣະຜູ້ເປັນເຈົ້າ, ໄດ້ເຮັດໃຫ້ມີແມ່ນ້ຳສາຍໜຶ່ງໄຫລອອກມາຈາກເອເດນເພື່ອຫົດນ້ຳສວນ; ແລະ ຈາກບ່ອນນັ້ນມັນໄດ້ແບ່ງອອກເປັນສີ່ ກສາຍ.
11 ແລະ ເຮົາ, ອົງພຣະຜູ້ເປັນເຈົ້າ, ໄດ້ເອີ້ນສາຍທີໜຶ່ງວ່າ ປີໂຊນ, ແລະ ມັນໄຫລອ້ອມດິນແດນຮາວີລາ, ບ່ອນທີ່ເຮົາ, ອົງພຣະຜູ້ເປັນເຈົ້າ, ໄດ້ສ້າງບໍ່ຄຳໄວ້ຢ່າງຫລວງຫລາຍ;
12 ແລະ ບໍ່ຄຳຂອງດິນແດນນັ້ນເປັນບໍ່ຄຳຊັ້ນດີ, ແລະ ຕົ້ນຢາງຫອມທີ່ມີຄ່າສູງ ແລະ ແກ້ວປະເສີດໂກລາ.
13 ແລະ ແມ່ນ້ຳສາຍທີສອງຊື່ວ່າ ກີໂຮນ; ຊຶ່ງສາຍດັ່ງກ່າວໄຫລອ້ອມດິນແດນກູເຊ (ອີຕີໂອເປຍ).
14 ແລະ ແມ່ນ້ຳສາຍທີສາມຊື່ວ່າ ຕິກລິດ; ຊຶ່ງໄຫລຜ່ານດິນແດນອັດຊີເຣຍທາງຕາເວັນອອກ. ແລະ ແມ່ນ້ຳສາຍທີສີ່ຊື່ວ່າ ເອີຟຣັດ.
15 ແລະ ເຮົາ, ອົງພຣະຜູ້ເປັນເຈົ້າ, ໄດ້ເອົາຊາຍ, ແລະ ວາງລາວໄວ້ໃນສວນເອເດນ, ເພື່ອເຝົ້າຮັກສາ ແລະ ເບິ່ງແຍງມັນ.
16 ແລະ ເຮົາ, ອົງພຣະຜູ້ເປັນເຈົ້າ, ໄດ້ສັ່ງລາວວ່າ: ເຈົ້າສາມາດກິນໝາກໄມ້ຈາກຕົ້ນໄມ້ທຸກຕົ້ນໃນສວນຕາມໃຈຊອບ,
17 ແຕ່ເຈົ້າຈົ່ງຢ່າກິນໝາກໄມ້ຈາກຕົ້ນໄມ້ແຫ່ງຄວາມຮູ້ດີ ແລະ ຮູ້ຊົ່ວ, ເຖິງຢ່າງໃດກໍຕາມ, ເຈົ້າສາມາດ ກເລືອກເພື່ອຕົວເອງ, ເພາະໄດ້ມອບໃຫ້ແກ່ເຈົ້າແລ້ວ; ແຕ່ຈຳໄວ້ວ່າ ເຮົາຫ້າມເຈົ້າ, ເພາະໃນ ຂມື້ທີ່ເຈົ້າກິນໝາກໄມ້ຈາກຕົ້ນນັ້ນ ເຈົ້າຈະ ຄຕາຍຢ່າງແນ່ນອນ.
18 ແລະ ເຮົາ, ອົງພຣະຜູ້ເປັນເຈົ້າ, ໄດ້ກ່າວກັບ ກພຣະອົງດຽວທີ່ຖືກຳເນີດຂອງເຮົາວ່າ ບໍ່ເປັນການສົມຄວນທີ່ຜູ້ຊາຍຕ້ອງຢູ່ໂດດດ່ຽວຢ່າງນີ້; ດັ່ງນັ້ນ, ເຮົາຈະສ້າງຜູ້ ຂຊ່ວຍຊູທີ່ເໝາະສົມໃຫ້ລາວ.
19 ແລະ ຈາກພື້ນດິນ ເຮົາ, ອົງພຣະຜູ້ເປັນເຈົ້າ, ໄດ້ປັ້ນສັດທຸກຕົວໃນທົ່ງ, ແລະ ນົກທຸກຕົວໃນອາກາດ; ແລະ ໄດ້ບັນຊາມັນໃຫ້ມາຫາອາດາມ, ເພື່ອເບິ່ງວ່າລາວຈະເອີ້ນມັນຢ່າງໃດ; ແລະ ມັນເປັນຈິດວິນຍານທີ່ມີຊີວິດຢູ່ຄືກັນ; ເພາະວ່າເຮົາ, ພຣະເຈົ້າ, ໄດ້ເປົ່າລົມຫາຍໃຈໃສ່ມັນໃຫ້ມີຊີວິດ, ແລະ ໄດ້ບັນຊາວ່າອັນໃດກໍຕາມທີ່ອາດາມເອີ້ນສັດທຸກຊະນິດທີ່ມີຊີວິດເຫລົ່ານັ້ນ, ນັ້ນຈະເປັນຊື່ຂອງມັນ.
20 ແລະ ອາດາມໄດ້ຕັ້ງຊື່ໃຫ້ສັດລ້ຽງ, ແລະ ນົກໃນອາກາດ, ແລະ ໃຫ້ສັດປ່າທັງໝົດຢູ່ໃນທົ່ງ; ແຕ່ສຳລັບອາດາມ, ບໍ່ມີສັດໂຕໃດເລີຍເປັນຜູ້ຊ່ວຍຊູທີ່ເໝາະສົມແກ່ລາວ.
21 ແລະ ເຮົາ, ອົງພຣະຜູ້ເປັນເຈົ້າ, ໄດ້ເຮັດໃຫ້ອາດາມນອນຫລັບ; ແລະ ລາວໄດ້ນອນຫລັບສະໜິດ, ແລະ ເຮົາໄດ້ເອົາກະດູກຂ້າງຊີກໜຶ່ງຂອງລາວອອກມາ ແລະ ໄດ້ເຮັດໃຫ້ເນື້ອໜັງຈອດຕິດກັນດັ່ງເດີມ;
22 ແລະ ກະດູກຂ້າງຊຶ່ງເຮົາ, ອົງພຣະຜູ້ເປັນເຈົ້າ, ໄດ້ເອົາມາຈາກຜູ້ຊາຍ, ມາສ້າງເປັນ ກຜູ້ຍິງ, ແລະ ນຳນາງມາມອບໃຫ້ລາວ.
23 ແລະ ອາດາມໄດ້ກ່າວວ່າ: ຕອນນີ້ເຮົາຮູ້ແລ້ວວ່າ ກະດູກຂອງນາງມາຈາກກະດູກຂອງເຮົາ, ແລະ ກເນື້ອໜັງຂອງນາງມາຈາກເນື້ອໜັງຂອງເຮົາ; ນາງຈະຖືກເອີ້ນວ່າ ຜູ້ຍິງ, ເພາະວ່ານາງມາຈາກຜູ້ຊາຍ.
24 ສະນັ້ນ ຜູ້ຊາຍຈຶ່ງຈາກພໍ່ແມ່ ແລະ ໄປ ກຕິດພັນຢູ່ກັບເມຍຂອງຕົນ; ແລະ ພວກເຂົາທັງສອງກໍກາຍ ຂເປັນໜຶ່ງ.
25 ແລະ ພວກເຂົາທັງສອງໄດ້ເປືອຍກາຍຢູ່, ຜູ້ຊາຍ ແລະ ເມຍຂອງລາວ, ແຕ່ພວກເຂົາບໍ່ຮູ້ສຶກລະອາຍກັນເລີຍ.