O Vaega na filifilia mai le Tusi a Mose

Mataupu 4

(Iuni–Oketopa 1830)

O le ala na avea ai Satani ma tiapolo—Ua faaosooso e ia Eva—Ua pauu Atamu ma Eva, ma ua oo mai le oti i le lalolagi.

 Ma o Aʼu, o le Alii le Atua, na fai atu ia Mose, ua faapea atu: O aSatani lena, o lē na e faatonu i le suafa o laʼu Toatasi na Fanaua, o ia lava lea sa i ai mai le eamataga, ma sa sau o ia i oʼu luma, ma fai mai—Faauta, o aʼu lenei, auina atu aʼu, o le a avea aʼu mo ou atalii, ma o le a ou laveaiina tagata uma, ina ia leai se agaga e toatasi e se ese, ma e moni lava o le a iou faia lena mea; o le mea lea, ia tuu mai ia te aʼu lou mamalu.

 Ae, faauta, o loʼu aAtalii Pele, o lē o laʼu Pele ma laʼu eFilifilia mai le amataga, na fai mai ia te aʼu—Le iTamā e, ia faia lou ofinagalo, ma e a oe pea le umamalu e faavavau.

 O le mea lea, ona sa afouvale Satani ia te aʼu, ma saili e faaumatia le efaitalia a le tagata, lea na tuu atu e Aʼu, o le Alii le Atua ia te ia, ma le tasi foi, ia Ou avatu ia te ia loʼu lava mana; i le mana o laʼu Toatasi na Fanaua, na Ou faia ai ia ilafoina o ia i lalo;

 Ma sa avea o ia ma Satani, ioe, o le tiapolo lava lea, o le tamā o apepelo uma, e faasese ma faatauaso tagata, ma taitai faatagataotaua i latou i lona loto, le toatele lava lea o i latou o e e lē faalogo mai i loʼu leo.

 Ma o lenei sa sili atu le aatamai o le gata nai lo soo se isi o manu vaefa uma o le fanua ia na faia e Aʼu, o le Alii le Atua.

 Ma sa tuu e Satani i le loto o le gata, (ona e toatele na ia taitai ese ia mulimuli atu ia te ia,) ma sa saili foi o ia e faasese aEva, aua sa lē iloa e ia le mafaufau o le Atua, o le mea lea na saili ai o ia e faaumatia le lalolagi.

 Ma sa fai atu o ia i le fafine: Ioe, na fetalai mai ea le Atua—Aua lua te aai i laau uma o le afaatoaga? (Ma sa tautala mai o ia i le gutu o le gata.)

 Ma sa fai atu le fafine i le gata: E mafai ona ma aai i fua o laau uma o le faatoaga;

 Ae o le fua o le laau lena ua e vaai atu i ai o i le totonugalemu o le faatoaga, na fetalai mai le Atua—Aua e te lua aai ai, pe e te lua paʼi atu i ai, neʼi oti ai oulua.

 10 Ma sa fai atu le gata i le fafine: Lua te lē oti lava;

 11 Aua ua iloa e le Atua o le aso lua te aai ai, ona pupula ai lea o oulua amata, ma o le a avea ai oulua e pei o atua, e eiloa le lelei ma le leaga.

 12 Ma ina ua vaai atu le fafine ua lelei le laau mo meaai, ma ua matagofie i le vaai, ma o se laau ua amanaomia e faapoto ai o ia, sa ave e ia lona fua, ma eʼai, ma sa avatu foi e ia i lana tane faatasi ma ia, ma sa ai ai foi o ia.

 13 Ma sa pupula mata o i laua uma, ma sa la iloa sa laua a lavalavā. Ma sa la suʼi faatasi lau o le mati ma fai ni ufiufi mo i laua lava.

 14 Ma sa la faalogoina le siufofoga o le Alii le Atua, aʼo la asavalivali i le faatoaga, i le mālū o le aso; ma sa o atu Atamu ma lana ava e faalalafi i laua lava mai luma o le Alii le Atua i totonu o laau o le faatoaga.

 15 Ma o Aʼu, o le Alii le Atua, na valaau atu ia Atamu, ma fai atu ia te ia: O fea ua e aalu i ai?

 16 Ma sa tali mai o ia: Sa ou faalogoina lou siufofoga i le faatoaga, ma sa ou fefe, aua sa ou vaai ua ou le lavalavā, ma sa ou lafi ai.

 17 Ma o Aʼu, o le Alii le Atua, na fai atu ia Atamu: O ai na fai atu ia te oe ua e lē lavalavā? Ua e ʼai i le laau na Ou poloaiina ai oe e aua e te ʼai ai, afai e te ʼai ai o le a e aoti lava?

 18 Ma sa fai mai le tane: O le fafine na e aumai ia te aʼu, ma poloaiina ia mau faatasi ma aʼu, na ia aumai ia te aʼu le fua o le laau ma na ou ʼai ai.

 19 Ma o Aʼu, o le Alii le Atua, na fai atu i le fafine: O le a lenei mea ua e faia? Ma sa fai mai le fafine: Na afaasese aʼu e le gata, ma na ou ʼai ai.

 20 Ma o Aʼu, o le Alii le Atua, na fai atu i le gata: Ona ua e faia lenei mea o le a sili ona afetuuina oe i lo manu faatoaga uma, ma manu vaefa uma o le fanua; o lou manava o le a e sosolo ai, ma o le efuefu o le a e ʼai i aso uma o lou ola;

 21 Ma o le a Ou tuu le feitagai i le va o oe ma le fafine, i le va o lau fanau ma lana fanau; ma o le a ia faamanuʼa lou ulu, ma o le a e faamanuʼa lona mulivae.

 22 I le fafine, sa Aʼu fai atu i ai, o le Alii le Atua: O le a Ou matuā faateleina lou tiga ma lou maʼitaga O le a e fanau mai fanau ma le atiga, ma o lou manao o le a uaʼi atu i lau tane, ma o le a pule o ia i ou luga.

 23 Ma ia Atamu, o Aʼu, o le Alii le Atua, na fai atu i ai: Ona sa e faalogo i le leo o lau ava, ma ʼai i le fua o le laau na Ou poloaiina oe, e faapea—Aua e te ʼai ai, o le a fetuuina le eleele ona o oe; o le tiga o le a e ʼai mai ai i aso uma o lou ola.

 24 O laau tuitui foi, ma laau talatala o le a ia aumai ia te oe, ma o le a e ʼai laau afu o le fanua.

 25 O le a e ʼai ai au meaai aafu o ou mata, seia e toe foi i le eleele—aua o le a e oti lava—ona o le eleele na aumai ai oe: o le eefuefu oe, ma o le a e toe foi lava i le efuefu.

 26 Ma sa faaigoa e Atamu lana ava o Eva, aua o ia o le tinā o tagata ola uma; ona sa faapea ona faaigoa e Aʼu, o le Alii le Atua, le uluai fafine o fafine uma, e atoatele.

 27 Ma sa faia e Aʼu, o le Alii le Atua, ofu paʼu manu, mo Atamu ma lana ava foi, ma afaaofu ai i laua.

 28 Ma o Aʼu, o le Alii le Atua, na fai atu i laʼu Toatasi na Fanaua: Faauta, ua avea le atagata e pei o se tasi o i tatou e eiloa le lelei ma le leaga; ma o lenei neʼi tuu atu lona lima ma iʼai foi i le olaau o le ola, ma ʼai ma ola ai e faavavau,

 29 O lea, o Aʼu, o le Alii le Atua, o le a auina ese atu o ia mai le Faatoaga o aEtena, e galueaiina le eleele na aumai ai o ia;

 30 Auā e pei ona ola Aʼu, o le Alii le Atua, ua faapea foi ona lē mafai ona foi aunoa mai aʼu aʼupu, ona e pei ona o atu i latou mai loʼu gutu o le a faapea lava ona faataunuuina i latou.

 31 O lea na Ou tuli ese ai i fafo le tagata, ma sa Ou tuu i le itu i sasaʼe o le Faatoaga o Etena, akerupi ma se pelu afi mumu, sa feliuliuai i itu uma e leoleo le ala o le laau o le ola.

 32 (Ma o upu nei na Ou tautala atu ai i laʼu auauna o Mose, ma ua moni i latou e pei lava ona Ou loto i ai; ma ua Ou tautala atu i latou ia te oe. Vaai ia e lē faaalia atu i latou i se tagata, vagana ia i latou o e e talitonu. Amene.)